လံာ်လီၣ်ဖျါ 19:3 - Sgaw Karen Common Bible

³ အဝဲသ့ၣ်ကိးထီၣ်ကဒီးဝဲ, “စံးထီၣ်ပတြၢၤယွၤတက့ၢ်. မ့ၣ်အူလၢအအီၣ်ကွံာ်ဝ့ၢ်ဖးဒိၣ်တဖျၢၣ်န့ၣ်အလုၢ်ခုၣ်ထီၣ်ဝဲဒၣ် အစိၤစိၤအဃၣ်ဃၣ်လံ.”

လံာ်လီၣ်ဖျါ 19:3 Iomraidhean Croise

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

စံးထီၣ်ပတြၢၤ 104:35

မ်ပှၤတၢ်ဒဲးဘးဖိတဖၣ်ကလၢာ်ကွံာ်ဝဲလၢ ဟီၣ်ခိၣ်ချၢတက့ၢ်. ဒီးမ်ပှၤတတီတလိၤတဖၣ်သုတအိၣ်လၢၤတဂ့ၤ. ယသးဧၢ, စံးထီၣ်ပတြၢၤယွၤတက့ၢ်. စံးထီၣ်ပတြၢၤယွၤတက့ၢ်.

လံာ်ယၡါယၤ 34:10

ကအီၣ်တၢ်မနၤနၤမဆါဆါ, ဒီးမ့ၣ်အူလုၣ်ကခုၣ်ထီၣ်ဝဲလီၤစိၤ လီၤထီလီၤ. ထံကီၢ်ကအိၣ်သယုၢ်တစိၤဝံၤတစိၤ, ဒီးပှၤတလဲၤတၢ်က့ၤတၢ်ခီဖျိကဒီးအီၤနီတစုနီတဂၤလၢၤဘၣ်န့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 18:18

ဒီးကိးထီၣ်ဝဲဒၣ်ဖဲအဝဲသ့ၣ်ထံၣ်ဘၣ်မ့ၣ်အူလုၢ်လၢအဟဲ ထီၣ်လၢမ့ၣ်အူလၣ်လၢအအီၣ်ကွံာ်အီၤန့ၣ်, “ဝ့ၢ်အဂၤတဖျၢၣ်လၢအလီၤဂာ်ဒီးဝ့ၢ်ဖးဒိၣ်တဖျၢၣ်အံၤ, တအိၣ်ဒံးဝဲနီတစုဘၣ်.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.

လံာ်လီၣ်ဖျါ 19:4

ပှၤသူၣ်က့သးပှၢ်ခံဆံလွံၢ်ဂၤဒီးတၢ်အသးသမူအိၣ်လွံၢ်ဒုန့ၣ် ထိၣ်လီၤပှီၤအသးဒီးဘူၣ်ထီၣ်ဘါထီၣ်ကစၢ်ယွၤလၢ အဆ့ၣ်နီၤအိၣ်လၢလီၢ်ပစိာ်အဖီခိၣ်န့ၣ်လီၤ. အဝဲသ့ၣ်စံးဝဲ, “အၤမ့ၣ်. စံးထီၣ်ပတြၢၤကစၢ်ယွၤတက့ၢ်.”