လံာ်လီၣ်ဖျါ 19:18 - Sgaw Karen Common Bible

¹⁸ ဟဲဒီးအီၣ်စီၤပၤတဖၣ်, သုးခိၣ်ဖးဒိၣ်တဖၣ်, ဒီးသုးဖိတဖၣ် အဖံးအညၣ်, ကသ့ၣ်တဖၣ်ဒီးပှၤလၢအဒိးအီၤတဖၣ်အဖံး အညၣ်, ပှၤခဲလၢာ်, ကုၢ်မ့ၢ်ဂ့ၤပှၤသဘျ့မ့ၢ်ဂ့ၤ, အဒိၣ်မ့ၢ်ဂ့ၤအဆံးမ့ၢ်ဂ့ၤအဖံးအညၣ်န့ၣ်တက့ၢ်.”

လံာ်လီၣ်ဖျါ 19:18 Iomraidhean Croise

လံာ်ယံးရမံယၤ 16:4

အဝဲသ့ၣ်ကသံဝဲလၢတၢ်ဆူးတၢ်ဆါလီၤပျံၤလီၤဖုးတဖၣ်အဃိ, ဒီးပှၤဟီၣ်တၢ်ယၢၤတၢ်လၢအဝဲသ့ၣ်အဂီၢ်မ့ၢ်ဂ့ၤ, ပှၤခူၣ်လီၤဘါလီၤအဝဲသ့ၣ်မ့ၢ်ဂ့ၤတအိၣ်ဘၣ်နီတဂၤဘၣ်. အဝဲသ့ၣ်အစိၣ်တဖၣ်ကအိၣ်မံလီၤဒ်တၢ်အ့ၣ်တၢ်ဆံၣ်အပူၣ်တဖၣ် လၢဟီၣ်ခိၣ်လိၤအသိးန့ၣ်လီၤ. အဝဲသ့ၣ်ကဘၣ်တၢ်မၤသံ အီၤလၢတၢ်ဒုးတၢ်ယၤအပူၤမ့တမ့ၢ်ကသံလၢတၢ်သၣ်ဝံၤလီၤဒိ အဃိဒီးအဝဲသ့ၣ်အစိၣ်တဖၣ်ကမ့ၢ်တၢ်အီၣ်လၢထိၣ်တဖၣ်ဒီးဆၣ် ဖိကီၢ်ဖိအမံၤတဖၣ်အဂီၢ်န့ၣ်လီၤ.

လံာ်ယံးရမံယၤ 19:7

ဖဲတၢ်လီၢ်အံၤအပူၤန့ၣ်, ယကမၤသဘံၣ်ဘုၣ်ကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်အတၢ်ကူၣ်ကျဲၤခဲလၢာ်န့ၣ်လီၤ. ယကပျဲအဝဲသ့ၣ်အဒုၣ်အဒါတဖၣ်မၤနၢၤအဝဲသ့ၣ်ဒီးမၤသံအဝဲသ့ၣ်လၢ တၢ်ဒုးတၢ်ယၤအပူၤန့ၣ်လီၤ. ယကဟ့ၣ်လီၤအဝဲသ့ၣ်အစိၣ်တဖၣ်ဆူ ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်အအိၣ်ဒ်တၢ်အီၣ်အသိးန့ၣ်လီၤ.

လံာ်ယံးရမံယၤ 34:20

ယကဟ့ၣ်လီၤအဝဲသ့ၣ်ဆူ အဒုၣ်အဒါတဖၣ်လၢအသးအိၣ်မၤသံကွံာ် အဝဲသ့ၣ်အစုပူၤ, ဒီးအဝဲသ့ၣ်အစိၣ်တဖၣ်န့ၣ်, ထိၣ်ဒီး ဆၣ်ဖိကီၢ်ဖိ အမံၤတဖၣ်ကအီၣ်ကွံာ်အီၤန့ၣ်လီၤ.

လံာ်ယံးရမံယၤ 7:33

တၢ်စိၣ်တဖၣ်ကကဲထီၣ်တၢ်အီၣ်လၢထိၣ်တဖၣ်ဒီးဆၣ်ဖိကီၢ်ဖိအမံၤ တဖၣ်အဂီၢ်, ဒီးပှၤလၢကဃါပျံၤဃါဖုးကွံာ်အီၤတအိၣ်နီတဂၤဘၣ်.

လံာ်ယဃ့းစက့လး 29:5

ယကစူးကွံာ်နၤဒီးကယဲၢ်ညၣ်တဖၣ်န့ၣ်ခဲလၢာ်ဆူမဲးမုၢ်ခိၣ်အပူၤလီၤ. နမိၢ်ပှၢ်ကလီၤတဲာ်လၢဟီၣ်ခိၣ်လိၤဒီးတၢ်တခူၣ်လီၤဘျၢလီၤဘၣ် အီၤန့ၣ်ဘၣ်. ယကဟ့ၣ်လီၤအီၤဆူထိၣ်တဖၣ်ဒီးဆၣ်ဖိကီၢ်ဖိတဖၣ် လၢအဝဲသ့ၣ်အတၢ်အီၣ်အဂီၢ်န့ၣ်လီၤ.

လံာ်ယဃ့းစက့လး 39:17

ယွၤပၢဘၣ်တၢ်ခဲလၢာ်ကစၢ်စံးဘၣ်ယၤ, “ပှၤကညီလၢ အသံသ့ဧၢ, ကိးထီၣ်ကယဲၢ်ထိၣ်တဖၣ်ဒီးဆၣ်ဖိကီၢ်ဖိတဖၣ်ဒ်သိး ကဟဲလၢတၢ်လီၢ်ကိးပူၤဒဲးလၢအကအီၣ်တၢ်လုၢ်တၢ်ပာ်လၢ ယကတဲာ်ကတီၤပာ်လၢအဝဲသ့ၣ်အဂီၢ်န့ၣ်တက့ၢ်. တၢ်န့ၣ်ကမ့ၢ် တၢ်အီၣ်အမူးဖးဒိၣ်တမူးလၢကီၢ်အံၣ်စရ့လးအကစၢၢ်ကလိ တဖၣ်အဒီခိၣ်, ဖဲအဝဲသ့ၣ်အီၣ်တၢ်ညၣ်ဒီးအီတၢ်သွံၣ်ကသ့န့ၣ်လီၤ.

လံာ်မးသဲ 24:28

တၢ်လီၢ်တပူၤလၢ်လၢ်ဖဲတၢ်သံစိၣ်အိၣ်ဝဲန့ၣ်, လီတာ်ကအိၣ်ဖှိၣ်ဖဲန့ၣ်လီၤ.

လံာ်လူၤကၣ် 17:37

အပျဲၢ်အဘီၣ်တဖၣ်သံကွၢ်အီၤ, “ဖဲလဲၣ်ပူၤလဲၣ်, ကစၢ်ဧၢ,” ယ့ၣ်ၡူးစံးဆၢဝဲ, “ဖဲတၢ်သံစိၣ်အိၣ်ဝဲအလီၢ်န့ၣ်, လီတာ်တဖၣ်ကအိၣ်ပာ်ဖှိၣ်ထီၣ်အသးလီၤ.”

လံာ်သိၣ်လီၤသီလီၤတၢ် 28:26

ဖဲသုသံန့ၣ်, ထိၣ်တဖၣ်ဒီးဆၣ်ဖိကီၢ်ဖိအမံၤတဖၣ်ကဟဲဒီးအီၣ် ကွံာ်သုစိၣ်တဖၣ်, ဒီးပှၤတအိၣ်ဘၣ်နီတဂၤလၢကမၤပျံၤမၤဖုးဒီးဃါကွံာ်အဝဲသ့ၣ် န့ၣ်ဘၣ်.

လံာ်လီၣ်ဖျါ 11:18

ပှၤကလုာ်ဂၤတဖၣ်သူၣ်ဒိၣ်သးဖျိးဝဲ, အဂ့ၢ်မ့ၢ်လၢနတၢ်သးထီၣ် အဆၢကတီၢ်ဟဲတုၤဝဲလံ, ဆၢကတီၢ်လၢပှၤသံ ကဘၣ်တၢ်စံၣ်ညီၣ်အီၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကဟ့ၣ်ခိၣ်ဖး ဆူနခ့နပှၤတဖၣ်, ဝံတဖၣ်, ဒီးနပှၤဂီၢ်မုၢ်ခဲလၢာ်, ပှၤကိးဂၤဒဲးလၢအအိၣ်ဒီး တၢ်ယူးယီၣ်ပာ်ကဲနၤတဖၣ်, ပှၤအဒိၣ်မ့ၢ်ဂ့ၤ, ပှၤအဆံးမ့ၢ်ဂ့ၤန့ၣ်လီၤ. ဆၢကတီၢ်တုၤအိၣ်ဝဲလၢတၢ်ကမၤဟးဂီၤကွံာ် ပှၤတဖၣ်လၢအမၤဟးဂီၤဟီၣ်ခိၣ်န့ၣ်လီၤ.”

လံာ်လီၣ်ဖျါ 13:16

တၢ်ဒူတၢ်ဃိၤခံဒုတဒုန့ၣ်, မၢဆူၣ်ကယဲၢ်ပှၤဟီၣ်ခိၣ်ဖိတဖၣ်, ဒိၣ်ဂ့ၤဆံးဂ့ၤ, ထူးတီၤမ့ၢ်ဂ့ၤ, ဖှီၣ်မ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ဒ်သိးအကအိၣ်ဒီးတၢ်ပနီၣ်တမံၤလၢအဘၣ်တၢ်ပာ်ထီၣ်အီၤလၢ အစုထွဲလိၤ, မ့တမ့ၢ်လၢအခိၣ်တိသၣ်အလိၤန့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 19:5

တုၤနုၤတစုတၢ်ကလုၢ်သီၣ်ထီၣ်လၢလီၢ်ပစိာ်အဖီခိၣ်ဒီးစံးဝဲ, “စံးထီၣ်ပတြၢၤပကစၢ်ယွၤတက့ၢ်, အဝဲဒၣ်အခ့အပှၤဒီးပှၤဂီၢ်မုၢ်, ဒိၣ်မ့ၢ်ဂ့ၤ, ဆံးမ့ၢ်ဂ့ၤ, လၢအယူးယီၣ်ဒီးပျံၤအီၤခဲလၢာ်သ့ၣ်သုဧၢ,”

လံာ်လီၣ်ဖျါ 6:15

တုၤနုၤတစု, ဟီၣ်ခိၣ်အစီၤပၤတဖၣ်, ပှၤပၢတၢ်ပြးတၢ်တဖၣ်ဒီးသုးခိၣ်သုးနၢ်တဖၣ်, ပှၤထူးပှၤတီၤဒီးပှၤဂံၢ်ဆူၣ်ဘါဆူၣ်တဖၣ်, ဒီးပှၤအဂၤကိးဂၤဒဲး, ကုၢ်ဒီးပှၤသဘျ့, အိၣ်ခူသူၣ်ဝဲဒၣ်လၢလၢၢ်ကအိပူၤတဖၣ်ဒီးလၢလၢၢ်ဧိၤလ့ ဧိၤလၢကစၢၢ်ဒီခိၣ်တဖၣ်အဖီလာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:44

အဝဲတၤစီၤဒၤဝံးစံးဝဲ, “ဟဲဃီၤ, ယကဒုးအီၣ်နညၣ်လၢထိၣ် တဖၣ်ဒီးဆၣ်ဖိကီၢ်ဖိတဖၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 17:46

တနံၤဃီအံၤန့ၣ်ယွၤကပာ်နၤလၢယစိကမီၤအဖီလာ်လီၤ. ယကမၤနၢၤကွံာ်နၤဒီးကျီတဲာ်နခိၣ်လီၤ. ဒီးယကဟ့ၣ်လီၤပှၤဖလ့ၡသးဖိအသုးမုၢ်တဖၣ်အနီၢ်ခိဆူ ထိၣ်ဖိလံာ်ဖိဒီးဆၣ်ဖိကီၢ်ဖိတဖၣ်ကအီၣ်တၢ်အဂီၢ်လီၤ. တုၤနုၤတစု, ဟီၣ်ခိၣ်ဒီဘ့ၣ်ညါကသ့ၣ်ညါလၢကီၢ်အံၣ်စရ့လး အိၣ်ဒီးကစၢ်ယွၤတဂၤလီၤ.