လံာ်လီၣ်ဖျါ 19:16 - Sgaw Karen Common Bible

¹⁶ လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.

လံာ်လီၣ်ဖျါ 19:16 Iomraidhean Croise

စံးထီၣ်ပတြၢၤ 136:3

စံးထီၣ်ပတြၢၤယွၤတဖၣ်အယွၤလၢအဂံၢ်ဆူၣ်ဘါဆူၣ် ကတၢၢ်တဂၤတက့ၢ်. အဂ့ၢ်ဒ်အံၤ, အတၢ်အဲၣ်ဂၢၢ်ကျၢၤ အိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 72:11

မ်စီၤပၤခဲလၢာ်ကဘါထီၣ်အီၤ ဒီးပှၤကလုာ်ခဲလၢာ်ကမၤအတၢ်တက့ၢ်.

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

၁ တံၤမသ့း 6:15

အတၢ်ဟဲအံၤကဘၣ်တၢ်ဒုးအိၣ်ဖျါထီၣ်အီၤဘၣ်ဆၢဘၣ် ကတီၢ်လၢကစၢ်ယွၤ, လၢအဘၣ်ဆိၣ်ဂ့ၤဒီးပၢတၢ်ထဲတဂၤဧိၤ, စီၤပၤတဖၣ်အစီၤပၤဒီးကစၢ်တဖၣ်အကစၢ်န့ၣ်လီၤ.

လံာ်လီၣ်ဖျါ 1:5

ဒီးလၢယ့ၣ်ၡူးခရံာ်, ပှၤအုၣ်အသးလၢအသးတီဝဲတဂၤ အအိၣ်, ပှၤအဆိကတၢၢ်တဂၤလၢအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤ လၢတၢ်သံဒီးမ့ၢ်စ့ၢ်ကီးပှၤပၢဘၣ်ဟီၣ်ခိၣ်အစီၤပၤတဖၣ်န့ၣ် တက့ၢ်. အဝဲဒၣ်အဲၣ်ပှၤ, ဒီးခီဖျိအဝဲအတၢ်သံန့ၣ်, မၤထူၣ်ဖျဲးထီၣ်ကွံာ်ပှၤလၢပတၢ်ဒဲးတူၢ်ဒဲးဘးတဖၣ်,

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”