လံာ်လီၣ်ဖျါ 19:15 - Sgaw Karen Common Bible

¹⁵ လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.

လံာ်လီၣ်ဖျါ 19:15 Iomraidhean Croise

စံးထီၣ်ပတြၢၤ 2:9

နကတီၢ်ကၢ်အဝဲသ့ၣ်လၢနီၣ်တီၢ်ထး, နကမၤသ့ၣ်ဖးအဝဲသ့ၣ်ဒ် သပၢၤဟီၣ်ခိၣ်အက့အခီအသိးန့ၣ်လီၤ.”

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယိၤအ့လး 3:13

ဒီၣ်တဲာ်ကွံာ်အီၤဒ်ဘုဧိၤဟုဧိၤလၢကူးဘု အကတီၢ်အသိး, ဒီးမၤသဘှံးကွံာ်အဝဲသ့ၣ်ဒ်စပံးသၣ်လၢတၢ်ဂံာ်စပံးထံ အဆၢၣ်အပူၤအသိး, တုၤစပံးထံပှဲၤလုာ်ကွံာ်န့ၣ်တက့ၢ်. အဂ့ၢ်ဒ်အံၤအဝဲသ့ၣ်အၢဝဲသီဝဲဒိၣ်မးလီၤ.

လံာ်မၤလကံ 4:6

အဝဲကပာ်ဖှိၣ်က့ၤပၢ်ဒီးဖိတဖၣ်တပူၤဃီကဒီးန့ၣ်လီၤ. မ့တမ့ၢ်ဘၣ်ဒီးယကဘၣ်ဟဲဒီးမၤဟးဂီၤကွံာ်သုထံဧိၤကီၢ်ဧိၤ န့ၣ်လီၤ.”

၂ သ့းစၤလနံ 2:8

တုၤနုၤတစုတၢ်အၢတၢ်သီတဂၤန့ၣ်, ကဘၣ်တၢ်လီၣ်ဖျါထီၣ် အီၤလီၤ. ဘၣ်ဆၣ်ဒီးဖဲကစၢ်ယ့ၣ်ၡူးဟဲန့ၣ်, ကမၤသံအဝဲဒၣ်လၢအကိာ်ပူၤအတၢ်သါဒီးကမၤဟးဂီၤအီၤ ခီဖျိအတၢ်အိၣ်ဖျါထီၣ်ဒီးအတၢ်ဟဲန့ၣ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.

လံာ်လီၣ်ဖျါ 12:5

တုၤနုၤတစုပိာ်မုၣ်အဝဲန့ၣ်ဆံးစၢ်ထီၣ်အဖိခွါတဂၤ, လၢအကပၢထံကီၢ်ကိးဘ့ၣ်ဒဲးလၢနီၣ်တီၢ်ထးတဘိ န့ၣ်လီၤ. ဘၣ်ဆၣ်ဒီးဖိသၣ်တဂၤန့ၣ်ဘၣ်တၢ်ဖီၣ်ထုးကွံာ် အီၤဒီးတၢ်စိာ်အီၤဆူကစၢ်ယွၤဒီးအလီၢ်ပစိာ်အအိၣ်န့ၣ်လီၤ.

လံာ်လီၣ်ဖျါ 14:10

အဝဲအနီၢ်ကစၢ်ဒၣ်ဝဲကအီကစၢ်ယွၤအစပံးထံလၢ အတဃါဃုာ်အသးလၢတၢ်နီတမံၤ, စပံးထံဘၣ်ဃးကစၢ်ယွၤအတၢ်သးထီၣ်လၢကစၢ်ယွၤ လူလီၤဝဲဆူလီခီဘၣ်ဃးဒီးအတၢ်သးထီၣ်န့ၣ်လီၤ. ကယဲၢ်ပှၤလၢအမၤတၢ်တမံၤအံၤန့ၣ်, ကဘၣ်တၢ်မၤဆါအီၤနးနးကလဲာ်လၢမ့ၣ်အူဒီးကးအပူၤလၢ ကလူးစီဆှံတဖၣ်ဒီးသိဖိအမဲာ်ညါန့ၣ်လီၤ.

လံာ်လီၣ်ဖျါ 19:21

အဝဲသ့ၣ်အသုးမုၢ်သံၣ်ဘိတဖၣ်ဘၣ်တၢ်မၤသံအီၤလၢနးတဘ့ၣ် လၢအဟဲဖျိးထီၣ်လၢပှၤဒိးကသ့ၣ်တဂၤန့ၣ်အကိာ်ပူၤ, ဒီးထိၣ်ခဲလၢာ်အီၣ်အဝဲသ့ၣ်တဖၣ်အညၣ်လၢအအီၣ်ဝဲကဲခဲလၢာ်လီၤ.

လံာ်လီၣ်ဖျါ 2:12

ဆူဝ့ၢ်ပ့ၢ်ကမူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအအိၣ်ဒီးနးလၢ အကနၣ်အိၣ်ခံကပၤန့ၣ်အအိၣ်လီၤ.

လံာ်လီၣ်ဖျါ 2:16

ခဲကနံၣ်အံၤ, ဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ် တက့ၢ်. နမ့ၢ်တမၤဒ်န့ၣ်ဘၣ်ဒီး, တယံာ်ဘၣ်န့ၣ်ယကဟဲယဲဆူနအိၣ်ဒီးဒုးတၢ်ထီဒါပှၤသ့ၣ် တဖၣ်န့ၣ်လၢနးလၢအဟဲထီၣ်လၢယကိာ်ပူၤန့ၣ်လီၤ.

လံာ်လီၣ်ဖျါ 2:27

ယကဟ့ၣ်လီၤတၢ်စိတၢ်ကမီၤတမံၤဃီလၢယဒိးန့ၢ်တ့ၢ်ယဲလၢ ယပၢ်အအိၣ်န့ၣ်လီၤ.