လံာ်လီၣ်ဖျါ 18:8 - Sgaw Karen Common Bible

⁸ လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”

လံာ်လီၣ်ဖျါ 18:8 Iomraidhean Croise

လံာ်စီၤယိၤဘး 9:19

မ့ၢ်ယကြၢးသူ တၢ်စုဆူၣ်ခီၣ်တကးဧါ. တၢ်စုဆူၣ်ခီၣ်တကးလၢ ကစၢ်ယွၤအဖိခိၣ်န့ၣ်ဧါ. မ့ၢ်ယကြၢးလိာ်ဘၢလိာ်ကွီၢ်အီၤန့ၣ်ဧါ. မတၤမၢအဝဲလဲၤကသ့တဂၤလဲၣ်.

စံးထီၣ်ပတြၢၤ 62:11

ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 9:14

လၢမုၢ်တနံၤဃီအတီၢ်ပူၤန့ၣ်, ယွၤကစံၣ်ညီၣ်ကီၢ်အံၣ်စရ့လး အခိၣ်အနၢ်တဖၣ်ဒီးအပှၤဂီၢ်မုၢ်လီၤ. ကဒီၣ်တဲာ်ကွံာ်အဝဲသ့ၣ်, အခိၣ်ဒီးအမဲၢ်လီၤ.

လံာ်ယံးရမံယၤ 50:31

ကီၢ်ဘၤဘူၤလိၣ်ဧၢ, နပှဲၤဒီးတၢ်ပာ်ထီၣ်ထီနသးလီၤ. လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်ယွၤသ့တၢ်လၢာ်ထီဒါနၤလီၤ. တၢ်ဆၢကတီၢ်ဟဲတုၤလံလၢယဂီၢ်လၢယကစံၣ်ညီၣ်နၤန့ၣ်လီၤ.

လံာ်ယံးရမံယၤ 50:34

ဘၣ်ဆၣ်ဒီး ပှၤတဂၤလၢကမၤပူၤဖျဲးအဝဲသ့ၣ်န့ၣ်အဂံၢ်ဆူၣ်အဘါ ဆူၣ်ဝဲဒီးအမံၤမ့ၢ်ဝဲ ယွၤသ့တၢ်လၢာ်န့ၣ်လီၤ. အဝဲအကစၢ်ဒၣ်ဝဲ ကဟံးထီၣ်အဝဲသ့ၣ်အကွီၢ်ဒီးကဟဲစိာ်တၢ်ဃူတၢ်ဖိးဆူ ဟီၣ်ခိၣ်, ဒီးတၢ်ကီတၢ်ခဲဆူဘၤဘူၤလိၣ်အပှၤဂီၢ်မုၢ်အအိၣ်န့ၣ်လီၤ.”

လံာ်ယံးရမံယၤ 51:58

ဝ့ၢ်ဘၤဘူၤလိၣ်အခိၣ်ဒူဖးလဲၢ် ကဘၣ်တၢ်မၤလီၤ ပှီၢ်အီၤဆူဟီၣ်ခိၣ်လိၤ ဒီးအတြဲၤဖးထီတဖၣ်မ့ၣ်အူကအီၣ်ကွံာ်အီၤလီၤ. ပှၤကလုာ်တဖၣ်အတၢ်မၤကကဲထီၣ်တၢ်ကလီကလီ ဒီးအတၢ်ကျဲးစၢးခဲလၢာ်ကကဲထီၣ်မ့ၣ်အူဆၣ်န့ၣ်လီၤ. ယၤ, ယွၤသ့တၢ်လၢာ်အံၤ, ကတိၤလံတၢ်လံၤ. ”

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်လီၣ်ဖျါ 11:17

“သ့တၢ်လၢာ်ကစၢ်ယွၤ, လၢအမ့ၢ်တၢ်, ဒီးမ့ၢ်တ့ၢ်ဝဲတဂၤဧၢ, ပစံးဘျုးနၤလၢနဟံးန့ၢ်တ့ၢ်လံနစိကမီၤအဒိၣ်အမုၢ်, ဒီးစးထီၣ်ပၢတၢ်အဃိန့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 17:18

ပိာ်မုၣ်တဂၤလၢနထံၣ်ဘၣ်တ့ၢ်နဲန့ၣ်, မ့ၢ်ဝ့ၢ်ဖးဒိၣ်လၢအပၢဘၣ်ဟီၣ်ခိၣ်အစီၤပၤတဖၣ်လီၤ.”

လံာ်လီၣ်ဖျါ 18:17

ဒီးလၢတနၣ်ရံၣ်အတီၢ်ပူၤ, ကယဲၢ်အတၢ်လုၢ်ဒိၣ်ပှ့ၤဒိၣ်တဖၣ်အံၤလီၤမၢ်ကွံာ်န့ၢ်အီၤခဲလၢာ်လံ.” ဒီးကယဲၢ်ကဘီခိၣ်, ဒီးပှၤဒိးတၢ်ဖိ, ဒီးကဘီဖိ, ဒီးပှၤအဂၤခဲလၢာ်လၢအလုၢ်အီၣ်အသးသမူခီဖျိတၢ်လဲၤ တၢ်က့ၤလၢပီၣ်လဲၣ်ပူၤတဖၣ်အိၣ်ဆၢထၢၣ်စီၤစိဝဲဒၣ်လၢ အယံၤ,

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”

လံာ်လီၣ်ဖျါ 19:3

အဝဲသ့ၣ်ကိးထီၣ်ကဒီးဝဲ, “စံးထီၣ်ပတြၢၤယွၤတက့ၢ်. မ့ၣ်အူလၢအအီၣ်ကွံာ်ဝ့ၢ်ဖးဒိၣ်တဖျၢၣ်န့ၣ်အလုၢ်ခုၣ်ထီၣ်ဝဲဒၣ် အစိၤစိၤအဃၣ်ဃၣ်လံ.”