လံာ်လီၣ်ဖျါ 18:7 - Sgaw Karen Common Bible

⁷ ဟ့ၣ်အီၤတၢ်တူၢ်ဘၣ်တၢ်ဒီးတၢ်သူၣ်အုးသးအုး ပှဲၤသိးသိးတၢ်လၤကပီၤဒီးတၢ်မုာ်တၢ်ပၢၤလၢ အဝဲဟ့ၣ်လီၤက့ၤအသးဒၣ်ဝဲန့ၣ်တက့ၢ်. အဂ့ၢ်ဒ်အံၤ, အဝဲဒၣ်စံးလီၤက့ၤအသးတဘိယူၢ်ဃီ ‘ဖဲအံၤ, ယဆ့ၣ်နီၤယဲဒ်နီၢ်ပၤမုၣ်တဂၤအသိး, ယတမ့ၢ်မုၣ်ကမဲတဂၤဘၣ်. တမ့ၢ်လၢယကသ့ၣ်ညါဘၣ် တၢ်သူၣ်အုးသးအုးနီတစုစုဘၣ်.’

လံာ်လီၣ်ဖျါ 18:7 Iomraidhean Croise

လံာ်နီၢ်အ့ၤစတၢ် 6:10

အန့ၣ်ဒီးစီၤပၤစံးဘၣ်စီၤဟၤမၣ်, “မၤချ့ချ့ဒီးလဲၤဟံးန့ၢ်ဆ့ကၤဖးထီ တဖၣ်ဒီးကသ့ၣ်, ဒီးသုးကျဲၤတၢ်လၤကပီၤဒ်အံၤတဖၣ်လၢပှၤယူဒၤ ဖိစီၤမၢ်ဒကဲၤအဂီၢ်တက့ၢ်. မၤတၢ်ကိးမံၤဒဲးလၢအဝဲအဂီၢ်ဒ်နဟ့ၣ်ကူၣ်အသိးတက့ၢ်. နကထံၣ်ဘၣ်အဝဲဆ့ၣ်နီၤဖဲနီအကျဲစၢၤန့ၣ်လီၤ.”

စံးထီၣ်ပတြၢၤ 10:6

အဝဲသ့ၣ်စံးဝဲလၢအသးကံၢ်ပူၤ, “ယတဟူးတဝးဘၣ်. အစိၤစိၤအဃၣ်ဃၣ်န့ၣ် ယတဘၣ်ဘၣ်တၢ်ကီတၢ်ခဲဘၣ်.”

စံးထီၣ်ပတြၢၤ 45:9

လၢပိာ်မုၣ်တဖၣ်လၢ အအိၣ်လၢနနီပူၤအကျါန့ၣ် စီၤပၤအဖိမုၣ်တဖၣ်အိၣ်ဝဲ ဒီးနီၢ်ပၤမုၣ်ဆၢထၢၣ်လၢနလီၢ်ပစိာ်စုထွဲတကပၤ, သိးဝဲတၢ်ကယၢကယဲတဖၣ်လၢ တၢ်မၤအီၤဒီး ထူအဂ့ၤကတၢၢ်န့ၣ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်သးသယုၢ်တၢ် 1:1

ဝ့ၢ်ယရူၤၡလ့ၣ်လၢတဘျီအခါအပှဲၤတ့ၢ်မးဒီးပှၤဂီၢ်မုၢ်န့ၣ်, အိၣ်သယုၢ်သညိမးလဲၣ်. တဘျီန့ၣ်ဘၣ်တၢ်ပာ်ဒိၣ်ပာ်ကဲတ့ၢ်အီၤလၢဟီၣ်ခိၣ်, ခဲအံၤမၤအသးဒ်မုၣ်ကမဲတဂၤအသိးမးလဲၣ်. လၢညါလီၤဂာ်ဒီးနီၢ်ပၤမုၣ်ဖိလၢအပၢဘၣ်ကီၢ်စဲၣ်ကီၢ်ဆၣ်တဖၣ် လီၤ. မ့မ့ၢ်ခဲအံၤလီၤတဲာ်ကွံာ်ဆူတၢ်မၢကဲကုၢ်အလီၢ်လံ.

လံာ်ယဃ့းစက့လး 23:34

နကအီအီၤဒီးမၤစူၢ်သံးကွံာ်အီၤဒီးအတၢ်သ့ၣ်ဖးအက့အခီတဖၣ် န့ၣ်ကမၤယာ်ကွံာ်နသးနါပှၢ်န့ၣ်လီၤ.” ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်စဖါနယၤ 2:15

တၢ်န့ၣ်မ့ၢ်တၢ်ကမၤအသးဒီးဝ့ၢ်လၢအပာ်ကဖၢလၢ အသးလၢအစိအကမီၤဒၣ်ဝဲဒီးဆိကမိၣ်လီၤအသးလၢ အပူၤဖျဲးလံန့ၣ်လီၤ. အပှၤဝ့ၢ်ဖိသ့ၣ်တဖၣ်ဆိကမိၣ်ဝဲလၢအဝဲသ့ၣ်အဝ့ၢ်မ့ၢ်တၢ်အဒိၣ် ကတၢၢ်လၢဟီၣ်ခိၣ်ချၢလီၤ. ကကဲထီၣ်တၢ်အိၣ်သယုၢ်အလီၢ်တတီၤဖဲဆၣ်ဖိကီၢ်ဖိအမံၤတဖၣ်အိၣ် ဘှံးအိၣ်သါဝဲန့ၣ်လီၤ. ကယဲၢ်ပှၤလၢအလဲၤတြူာ်အီၤကိးဂၤဒဲးကသံးက့ၤအသးဆူအလီၢ်ခံ လၢတၢ်ပျံၤတၢ်ဖုးအပူၤန့ၣ်လီၤ.

၁ တံၤမသ့း 5:11

မ့မ့ၢ်, မုၣ်ကမဲလၢအသးစၢ်ဒံးတဖၣ်န့ၣ်, တဘၣ်ပာ်အီၤလၢမုၣ်ကမဲတဖၣ်အစရီအပူၤတဂ့ၤ. အဂ့ၢ်ဒ်လဲၣ်န့ၣ်, ဖဲတၢ်ဖံးတၢ်ညၣ်အသးထိၣ်ဂဲၤထီၣ်အဝဲသ့ၣ်လၢ အကဟံးန့ၢ်အဝၤန့ၣ်, အဝဲသ့ၣ်ကဃၣ်ဒူချၢကွံာ်အသးလၢခရံာ်,

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.