လံာ်လီၣ်ဖျါ 18:4 - Sgaw Karen Common Bible

⁴ တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.

လံာ်လီၣ်ဖျါ 18:4 Iomraidhean Croise

လံာ်တၢ်ကဲထီၣ်အခီၣ်ထံး 19:14

တုၤနုၤတစု, စီၤလိာ်လဲၤဆူပှၤလၢကဒိးတ့ဒိးဖျီအသးဒီး အဖိမုၣ်တဖၣ်အအိၣ်ဒီးစံး, “မၤချ့ချ့ဒီးဟးထီၣ်ဖဲအံၤတက့ၢ်. ယွၤကမၤဟးဂီၤကွံာ်တၢ်လီၢ်အံၤန့ၣ်လီၤ.” ဘၣ်ဆၣ်ဒီး, အဝဲသ့ၣ်ဆိကမိၣ်ဒၣ်လၢအတဲလီၤနံၤတၢ်န့ၣ်လီၤ.

စံးထီၣ်ပတြၢၤ 50:18

နကဲထီၣ်ကယဲၢ်ပှၤဟုၣ်တၢ်တဂၤလၢ်လၢ်လၢ နထံၣ်အီၤအတံၤသကိး ဒီးနမၤသကိးတၢ်ဒီးပှၤအဲၣ်ဘၢတၢ်တဖၣ်လီၤ.

လံာ်ယၡါယၤ 48:20

ဟးထီၣ်လၢဝ့ၢ်ဘၤဘူၤလိၣ်တက့ၢ်. ဟးထီၣ်လၢတၢ်သဘျ့ အပူၤတက့ၢ်. ကိးပသူထီၣ်တၢ်ကစီၣ်လၢတၢ်သးခုအပူၤဒီးဘိးဘၣ်သ့ၣ်ညါအီၤ လၢတၢ်လီၢ်ကိးပူၤဒဲးတက့ၢ်. “ယွၤအုၣ်က့ၤခီၣ်က့ၤတ့ၢ်အခ့အပှၤအံၣ်စရ့လးလံ.”

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်ယံးရမံယၤ 50:8

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ထွးထီၣ်ဃ့ၢ်ကွံာ်လၢ ကီၢ်ဘၤဘူၤလိၣ်တက့ၢ်. ပာ်တ့ၢ်ကွံာ်ကီၢ်န့ၣ်တက့ၢ်. မ်နကမ့ၢ်ဒၣ်ဝဲ ပှၤအဆိကတၢၢ်လၢ အကဟးထီၣ်န့ၣ်တက့ၢ်.

လံာ်ယံးရမံယၤ 51:45

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဃ့ၢ်ထွးထီၣ်ကွံာ်ဖဲန့ၣ်တက့ၢ်. ဃ့ၢ်ထီၣ်ကွံာ်လၢ သုသးသမူအဂီၢ်ဒီး လၢယတၢ်သးကဲၤထီၣ် အအိၣ်န့ၣ်တက့ၢ်.

လံာ်ယံးရမံယၤ 51:50

ယွၤစံးဘၣ်အပှၤဂီၢ်မုၢ်လၢ ကီၢ်ဘၤဘူၤလိၣ် အပူၤ, “သုထူၣ်ဖျဲးတ့ၢ်လၢတၢ်သံလံ. အခဲကနံၣ်အံၤ လဲၤတၢ်တက့ၢ်. တဘၣ်အိၣ်ခိးတၢ်တဂ့ၤ. သုမ့ၢ်အိၣ်ယံၤ ဒီးဟံၣ်ဒၣ်လဲာ်န့ၣ်, ဆိကမိၣ်တၢ်ဘၣ်ဃးဒီးယၤ, သုကစၢ်, ဒီးသ့ၣ်နီၣ်ထီၣ်က့ၤ ဝ့ၢ်ယရူၤရှလ့ၣ်န့ၣ်တက့ၢ်.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယံးရမံယၤ 51:9

ပှၤတခီဘီမုၢ်ဖိလၢ အအိၣ်ဆိးဖဲန့ၣ်တဖၣ် စံးဝဲဒၣ်, ‘ပကျဲးစၢးမၤစၢၤတ့ၢ်ကီၢ်ဘၤဘူၤလိၣ်, ဘၣ်ဆၣ်စဲၤခံကဲၣ်ဆိးလံ. မ်ပပာ်တီၢ်အီၤအခဲအံၤ, ဒီးက့ၤကဒါက့ၤဆူ ဟံၣ်တက့ၢ်. ကစၢ်ယွၤစံၣ်ညီၣ်လံ ကီၢ်ဘၤဘူၤလိၣ်လၢအဂံၢ်ဆူၣ်ဘါဆူၣ်အပူၤဒီး မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.’ ”

လံာ်မးသဲ 23:30

ဒီးသုစံးသုဝဲလၢသုမ့ၢ်အိၣ်မူတ့ၢ်လၢသုဖံသုဖုတဖၣ်အစိၤန့ၣ်, သုတမၤတၢ်လၢအဝဲသ့ၣ်မၤတ့ၢ်ဝဲ, ဒီးမၤသံဘၣ်ဝံတဖၣ်န့ၣ်ဘၣ်လီၤ.

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

၁ တံၤမသ့း 5:22

တၢ်ပာ်စုပှၤတဂၤဂ့ၤတဂၤဂ့ၤလၢအကမၤကစၢ်ယွၤ အတၢ်မၤန့ၣ်, တဘၣ်မၤအီၤချ့ချ့တဂ့ၤ. တဘၣ်မၤဘၣ်ဃးနသးဒီးပှၤဂၤအတၢ်ဒဲးဘးတဖၣ် တဂ့ၤ. အိၣ်စီအိၣ်ဆှံနဲဒၣ်တက့ၢ်.

၂ ယိၤဟၣ် 1:11

အဂ့ၢ်ဒ်လဲၣ်န့ၣ်, ပှၤတဂၤဂၤလၢအဆၢဂ့ၤဆၢဝါဘၣ်အီၤ န့ၣ်, ကဲထီၣ်အဝဲအပှၤမၤသကိးတၢ်လၢအတၢ်မၤအအၢအသီ တဖၣ်အပူၤန့ၣ်လီၤ.