လံာ်လီၣ်ဖျါ 18:3 - Sgaw Karen Common Bible

³ အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:3 Iomraidhean Croise

လံာ်ယၡါယၤ 47:15

တၢ်န့ၣ်ကမ့ၢ်ကယဲၢ်တၢ်အဂ့ၤလၢအဝဲသ့ၣ်မၤဘၣ်နၤ, ပှၤဖးဆၣ်ဧိၤဖီဧိၤတဖၣ်လၢနကူၣ်လိာ်တ့ၢ်တၢ် ဒီးအီၤလၢနသးသမူဒီစိၤန့ၣ်လီၤ. အဝဲသ့ၣ်ခဲလၢာ်ကလဲၤသဒၣ်နၤဒီးကလဲၤဝဲ လၢအကျဲဒၣ်ဝဲ ဒီးပှၤကအုၣ်က့ၤခီၣ်က့ၤနၤတအိၣ်တီၢ် နီတဂၤလၢၤဘၣ်.”

လံာ်ယံးရမံယၤ 51:34

ကီၢ်ဘၤဘူၤလိၣ်အစီၤပၤကျီကွံာ်တ့ၢ်ဝ့ၢ်ယရူၤရှလ့ၣ် ဒီးအီၣ်ကွံာ်တ့ၢ်အီၤလီၤ. အဝဲလူလီၤကွံာ်တ့ၢ်ဝ့ၢ်အံၤဒ် ထံလၢသပၢၤထံပူၤအသိးဒီး ဒ်တၢ်မုၢ်ဃၢ်ဖးဒိၣ်အသိးအဝဲယူၢ်လီၤကွံာ်တ့ၢ်အီၤလီၤ. အဝဲဟံးန့ၢ်ကွံာ်တၢ်လၢ အသးလီဝဲ ဒီးစူးကွံာ်တ့ၢ်လံတၢ်အဂၤတဖၣ်န့ၣ်လီၤ.

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်သးသယုၢ်တၢ် 4:5

ပှၤဂီၢ်မုၢ်လၢတဘျီမ့ၢ်ပှၤအီၣ်တၢ်အီၣ်အဂ့ၤကတၢၢ်တဖၣ်သၣ်ဝံၤ လီၤဒိသံဝဲလၢကျဲတဖၣ်အပူၤလီၤ. ပှၤဘၣ်တၢ်လုၢ်ဒိၣ်ထီၣ်အီၤလၢတၢ်ဘီၣ်တၢ်ညီအပူၤတဖၣ်လူၤကမုၢ် တၢ်လၢတၢ်ဘၣ်စူးကွံာ်တဂိာ်တသီၣ်ဘၣ်အကျါလၢကထံၣ်န့ၢ်တၢ်အီၣ် အဂီၢ်န့ၣ်လီၤ.

လံာ်နၤဃူၣ် 3:4

ဝ့ၢ်နံၤနဝ့လၢအမ့ၢ်ဃဲသဲမုၣ်အံၤဘၣ်တၢ်စံၣ်ညီၣ်အီၤလံ. အဝဲဒၣ်အိၣ်ဒီးတၢ်ဃံတၢ်လၤဒီးပှဲၤလၢ တၢ်ရဲၢ်သံတဖၣ်လီၤ. အဝဲရဲၢ်သံန့ၢ်တ့ၢ်ပှၤကလုာ်တဖၣ်ဒီး မၢကဲကုၢ်တ့ၢ်အီၤန့ၣ်လီၤ.

လံာ်လူၤကၣ် 7:25

သုဟးထီၣ်လၢသုကထံၣ်ဘၣ်တၢ်မနုၤတမံၤအဂီၢ်လဲၣ်. ပှၤကညီလၢအကူတၢ်သိးတၢ်ဆှုၣ်ဆှုၣ်ဘှဲၣ်ဘှဲၣ်တဂၤဧါ. သပှၢ်ကတၢၢ်, ပှၤလၢအကူအကၤဒ်န့ၣ်အသိးဒီးအိၣ်မူလၢတၢ်မုာ်တၢ်လၤအပူၤတဖၣ်န့ၣ်, ဘၣ်တၢ်ထံၣ်အီၤလၢနူၢ်ပူၤစီၤပူၤလီၤ.

၁ တံၤမသ့း 5:11

မ့မ့ၢ်, မုၣ်ကမဲလၢအသးစၢ်ဒံးတဖၣ်န့ၣ်, တဘၣ်ပာ်အီၤလၢမုၣ်ကမဲတဖၣ်အစရီအပူၤတဂ့ၤ. အဂ့ၢ်ဒ်လဲၣ်န့ၣ်, ဖဲတၢ်ဖံးတၢ်ညၣ်အသးထိၣ်ဂဲၤထီၣ်အဝဲသ့ၣ်လၢ အကဟံးန့ၢ်အဝၤန့ၣ်, အဝဲသ့ၣ်ကဃၣ်ဒူချၢကွံာ်အသးလၢခရံာ်,

လံာ်လီၣ်ဖျါ 14:8

ကလူးခံဂၤတဂၤပိာ်ထီၣ်တၢတဂၤအခံဒီးစံးဝဲ, “အဝဲ ဒၣ်လီၤပှီၢ်ကွံာ်ဝဲလံ, ဝ့ၢ်ဘၤဘူၤလိၣ်ဖးဒိၣ်လီၤပှီၢ်ကွံာ်ဝဲလံ. အဝဲဒၣ်မၢတ့ၢ်ပှၤကိးကလုာ်ဒဲးအီစပံးထံ, စပံးထံအဆူၣ်ဘၣ်ဃးဒီးအတၢ်ကလုာ်ကလိၤအတဂ့ၤ တဝါန့ၣ်လီၤ.”

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 18:19

အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 18:7

ဟ့ၣ်အီၤတၢ်တူၢ်ဘၣ်တၢ်ဒီးတၢ်သူၣ်အုးသးအုး ပှဲၤသိးသိးတၢ်လၤကပီၤဒီးတၢ်မုာ်တၢ်ပၢၤလၢ အဝဲဟ့ၣ်လီၤက့ၤအသးဒၣ်ဝဲန့ၣ်တက့ၢ်. အဂ့ၢ်ဒ်အံၤ, အဝဲဒၣ်စံးလီၤက့ၤအသးတဘိယူၢ်ဃီ ‘ဖဲအံၤ, ယဆ့ၣ်နီၤယဲဒ်နီၢ်ပၤမုၣ်တဂၤအသိး, ယတမ့ၢ်မုၣ်ကမဲတဂၤဘၣ်. တမ့ၢ်လၢယကသ့ၣ်ညါဘၣ် တၢ်သူၣ်အုးသးအုးနီတစုစုဘၣ်.’

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.