လံာ်လီၣ်ဖျါ 18:24 - Sgaw Karen Common Bible

²⁴ ဝ့ၢ်ဘၤဘူၤလိၣ်ဘၣ်တၢ်စံၣ်ညီၣ်အီၤ, အဂ့ၢ်မ့ၢ်လၢဝံဒီးကစၢ်ယွၤအပှၤဂီၢ်မုၢ်တဖၣ်အသွံၣ်ဘၣ်တၢ်ထံၣ် န့ၢ်အီၤလၢဝ့ၢ်န့ၣ်အပူၤအဃိလီၤ. မ့ၢ်စဲဃဲၤလီၤ, မ့ၢ်ကယဲၢ်ပှၤလၢအဘၣ်တၢ်မၤသံတ့ၢ်အီၤလၢဟီၣ်ခိၣ်ချၢ တဖၣ်အသွံၣ်ဘၣ်တၢ်ထံၣ်န့ၢ်အီၤလၢဝ့ၢ်တဖျၢၣ်န့ၣ်အပူၤ အဃိလီၤ.

လံာ်လီၣ်ဖျါ 18:24 Iomraidhean Croise

လံာ်ယံးရမံယၤ 2:34

သုကူသုကၤတဖၣ်ဘၣ်အၢဘၣ်သီဝဲလၢပှၤဖှီၣ်ဖိယာ်ဖိဒီးပှၤလၢ အတၢ်ကမၣ်တအိၣ်ဘၣ်တဖၣ်အသွံၣ်, ဒီးတမ့ၢ်ဘၣ်လၢတမျိၤ တမျာ်လၢအဘၢၣ်ဖျိတၢ်တဖၣ်အသွံၣ်ဘၣ်န့ၣ်လီၤ. ဘၣ်ဆၣ်ဒီး, လၢတၢ်မၤအသးခဲလၢာ်အံၤဒၣ်လဲာ်,

လံာ်ယံးရမံယၤ 51:49

ကီၢ်ဘၤဘူၤလိၣ် ဒုးလီၤဘၣ်တၢ်သံ ဆူကယဲ့ၢ်ပှၤဂီၢ်မုၢ် ခဲလၢာ်လၢ ဟီၣ်ခိၣ်ချၢအလိၤ, ဒီးခဲကနံၣ်အံၤကီၢ်ဘၤဘူၤလိၣ် ကလီၤကွံာ်မ့ၢ်လၢ အဒုးလီၤဘၣ်တၢ်သံဆူ ပှၤအံၣ်စရ့လးဖိ အါဂၤအလိၤအဃိန့ၣ်လီၤ. ယၤ, ယွၤအံၤကတိၤလံတၢ်လံ.”

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:9

သုပှၤဂီၢ်မုၢ်အကျါတနီၤကတိၤလီတၢ်ဘၣ်ဃးဒီးပှၤအဂၤတဖၣ် အဂ့ၢ်, မ့ၢ်ဒ်သိးကမၤသံအဝဲသ့ၣ်တဖၣ်အဂီၢ်န့ၣ်လီၤ. အဝဲသ့ၣ်တနီၤအီၣ်တၢ်လုၢ်တၢ်ပာ်တဖၣ်လၢတၢ်လုၢ်ထီၣ်အီၤ ဆူတၢ်ဂီၤတၢ်ဖီၣ်တဖၣ်န့ၣ်လီၤ. အဂၤတနီၤထီဘိမၤလၢပှဲၤအတၢ်သူၣ်ကတၢသးကတၢဒၣ်ဝဲန့ၣ်လီၤ.

လံာ်ဒၤနံးယ့လး 7:21

ဖဲယကွၢ်တၢ်အဖၢမုၢ်ဒီးတၢ်အနၢၤအဝဲန့ၣ်ဒုးတၢ်ထီဒါယွၤအပှၤ ဂီၢ်မုၢ်ဒီးမၤနၢၤအဝဲသ့ၣ်တဖၣ်န့ၣ်လီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်မးသဲ 23:27

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုမၤသုသးလီၤဂာ်ဒီးတၢ်သွၣ်ခိၣ်ပူၤလၢအဘၣ်တၢ်ဖှူဝါထီၣ် အီၤလီၤ. လၢအချၢတခီဖျါဃံလၤ, ဘၣ်ဆၣ်အအိပူၤတခီပှဲၤဒီးပှၤသံအဃံအကွဲဒီးတၢ်အစိၣ် အတၢ်အုၣ်တၢ်ကျၣ်တဖၣ်လီၤ.

လံာ်မးသဲ 23:35

လၢတၢ်န့ၣ်အဃိ, တၢ်စံၣ်ညီၣ်ဃၣ်ဘၣ်ဃးဒီးတၢ်မၤသံပှၤလၢအတၢ်ကမၣ်တအိၣ်ဘၣ်, စးထီၣ်လၢတၢ်မၤသံကွံာ်စီၤဟ့းဘ့းလးလၢအတၢ်ကမၣ်တအိၣ်ဘၣ်, တုၤလီၤလၢတၢ်မၤသံကွံာ်စီၤဘရ့ကယၤအဖိခွါစီၤစကၤရယၤလၢ သုမၤသံကွံာ်အီၤလၢတၢ်လီၢ်စီဆှံဒီးတၢ်လုၢ်လီၢ်အဘၢၣ်စၢၤန့ၣ်, ကလီၤတီလၢသုလိၤလီၤ.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 16:6

အဝဲသ့ၣ်လူလီၤဂၢ်လီၤကစၢ်ယွၤအပှၤစီဆှံဒီးအဝံတဖၣ် အသွံၣ်, ဒီးလၢတၢ်န့ၣ်အဃိနဟ့ၣ်တ့ၢ်အဝဲသ့ၣ်တၢ်သွံၣ်လၢ အကအီဝဲအဂီၢ်လီၤ. အဝဲသ့ၣ်ဒိးန့ၢ်ဘၣ်တၢ်လၢအကြၢးဝဲဒီး အီၤလီၤ.”

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”