လံာ်လီၣ်ဖျါ 18:23 - Sgaw Karen Common Bible

²³ မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 18:23 Iomraidhean Croise

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်စီၤယိၤဘး 21:17

ပှၤတတီတလိၤအမ့ၣ်အူဒၢန့ၣ်ဘၣ်တၢ်မၤလီၤပံာ်အီၤတစုစုဧါ. မ့ၢ်အဝဲသ့ၣ်ဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်တဂၤဂၤဧါ. မ့ၢ်ကစၢ်ယွၤစံၣ်ညီၣ်ပှၤတတီတလိၤလၢတၢ်သးဒိၣ်အပူၤ,

တၢ်ကတိၤဒိ. 24:20

ပှၤအၢပှၤသီတဂၤအတၢ်မုၢ်လၢ်လၢခါဆူညါအဂီၢ်တအိၣ်ဘၣ်. ကကွၢ်စိဃီၤတၢ်ဆူညါအဂီၢ်, တၢ်တအိၣ်ဘၣ်နီတမံၤဘၣ်.

လံာ်ယၡါယၤ 23:8

ပှၤတဂၤလၢအကူၣ်ကျဲၤတၢ်ဒ်သိးတၢ်ခဲလၢာ်အံၤကလီၤဘၣ် လၢဝ့ၢ်ထါယၢၣ်, ဝ့ၢ်စိဒိၣ်ကမီၤထီလၢအပှၤပနံာ်တၢ်ကၤတၢ် တဖၣ်မ့ၢ်ပှၤဒိးဘၣ်တၢ်လၤတၢ်ကပီၤအဒိၣ်ကတၢၢ်လၢဟီၣ်ခိၣ် ချၢအံၤန့ၣ်မ့ၢ်မတၤတဂၤလဲၣ်.

လံာ်ယၡါယၤ 47:9

ဘၣ်ဆၣ်လၢတစိၢ်ဖိအတီၢ်ပူၤ, လၢတနံၤဃီအပူၤန့ၣ်, တၢ်ခံမံၤလိာ်အံၤကမၤအသးလီၤ. နသူတၢ်မၤကဒါမဲာ်, တၢ်အူတၢ်သမူတဖၣ်ဒၣ်လဲာ်န့ၣ်, နဝၤဒီးနဖိတဖၣ်ကလီၤမၢ်န့ၢ်နၤလီၤ.

လံာ်ယံးရမံယၤ 16:9

ဒိကနၣ်တၢ်လၢယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကစံးဘၣ်ဝဲန့ၣ်တက့ၢ်. ယကမၤဘှ့ၣ် မၤဘှီၣ်ကွံာ်တၢ်သးခုဒီးတၢ်သူၣ်ဖှံသးညီအသီၣ်တဖၣ်ဒီးတၢ် တ့တၢ်ဖျီအတၢ်အီၣ်အမူးတဖၣ်အတၢ်သူၣ်ဖှံသးညီအသီၣ်န့ၣ်လီၤ. ပှၤဂီၢ်မုၢ်ဖဲအံၤကအိၣ်မူထံၣ်ဘၣ်တၢ်အံၤမၤအသးန့ၣ်လီၤ.

လံာ်ယံးရမံယၤ 25:10

ယကမၤဘှ့ၣ် မၤဘှီၣ်အဝဲသ့ၣ် အတၢ်ကိးထီၣ်အသီၣ်လၢ တၢ်သးခုဒီးတၢ်သူၣ်ဖှံသးညီအပူၤ, ဒီးတၢ်တ့တၢ်ဖျီအတၢ်အီၣ်အမူးတဖၣ် အတၢ်သီၣ်ထီၣ်လၢတၢ်သူၣ်ဖှံသးညီအပူၤန့ၣ်လီၤ. လၢအဝဲသ့ၣ် အမ့ၣ်အူဒၢတဖၣ်အဂီၢ်သိတအိၣ်လၢၤဘၣ်, ဒီးဘုဧိၤဟုဧိၤတအိၣ် လၢၤစ့ၢ်ကီးဘၣ်န့ၣ်လီၤ.

လံာ်ယံးရမံယၤ 7:34

ထံကီၢ်ကကဲထီၣ်မဲးမုၢ်ခိၣ်တတီၤလီၤ. လၢကီၢ်ယူဒၤအဝ့ၢ်တ ဖၣ်အပူၤဒီးလၢဝ့ၢ်ယရူၤၡလ့ၣ်အကျဲဘိတဖၣ်အပူၤန့ၣ်ယကမၤ ကတၢၢ်ကွံာ်တၢ်သူၣ်ခုသးခုဒီးတၢ်သူၣ်ဖှံသးညီအသီၣ် တဖၣ်ဒီးတၢ်တ့တၢ်ဖျီအမူးတဖၣ်အတၢ်သူၣ်ဖှံသးညီတဖၣ်န့ၣ်လီၤ.

လံာ်နၤဃူၣ် 3:4

ဝ့ၢ်နံၤနဝ့လၢအမ့ၢ်ဃဲသဲမုၣ်အံၤဘၣ်တၢ်စံၣ်ညီၣ်အီၤလံ. အဝဲဒၣ်အိၣ်ဒီးတၢ်ဃံတၢ်လၤဒီးပှဲၤလၢ တၢ်ရဲၢ်သံတဖၣ်လီၤ. အဝဲရဲၢ်သံန့ၢ်တ့ၢ်ပှၤကလုာ်တဖၣ်ဒီး မၢကဲကုၢ်တ့ၢ်အီၤန့ၣ်လီၤ.

မၤတၢ် 8:11

အဝဲသ့ၣ်ဒိကနၣ်အီၤလၢတၢ်သးစၢၢ်ဆၢအပူၤ, အဂ့ၢ်မ့ၢ်လၢအဝဲဒၣ်ဒုးကမၢကမၣ်အဝဲသ့ၣ်ယံာ်တ့ၢ်မးခီဖျိ အတၢ်မၤကဒါပှၤမဲာ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 17:2

ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 18:22

တၢ်သူၣ်ဝံၣ်သးဆၢလၢအဟဲသီၣ်ထီၣ်လၢတနၢ်, ဒီးပှၤအကလုၢ်, ပှၤအူပံဒီးကွဲၤတဖၣ်, တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. ပှၤမၤတၢ်ဖိ, ဘၣ်ဃးဒီးတၢ်မၤတကလုာ်ဂ့ၤတကလုာ်ဂ့ၤတဘၣ်တၢ်ထံၣ်န့ၢ်အီၤလၢ နပူၤနီတစုလၢၤဘၣ်. ဒီးဆၢၣ်ဂူာ်လၢၢ်အသီၣ်တဘၣ်တၢ်နၢ်ဟူအီၤနီတစုလၢၤဘၣ်.

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 6:15

တုၤနုၤတစု, ဟီၣ်ခိၣ်အစီၤပၤတဖၣ်, ပှၤပၢတၢ်ပြးတၢ်တဖၣ်ဒီးသုးခိၣ်သုးနၢ်တဖၣ်, ပှၤထူးပှၤတီၤဒီးပှၤဂံၢ်ဆူၣ်ဘါဆူၣ်တဖၣ်, ဒီးပှၤအဂၤကိးဂၤဒဲး, ကုၢ်ဒီးပှၤသဘျ့, အိၣ်ခူသူၣ်ဝဲဒၣ်လၢလၢၢ်ကအိပူၤတဖၣ်ဒီးလၢလၢၢ်ဧိၤလ့ ဧိၤလၢကစၢၢ်ဒီခိၣ်တဖၣ်အဖီလာ်န့ၣ်လီၤ.

လံာ်လီၣ်ဖျါ 9:21

ဒ်န့ၣ်အသိး, အဝဲသ့ၣ်တပီၢ်ယၢ်လီၤအသးလၢအတၢ်မၤသံမၤဝီတၢ် အဃိမ့ၢ်ဂ့ၤ, အတၢ်ဟိၣ်တၢ်ယီအဃိမ့ၢ်ဂ့ၤ, အတၢ်မၤကမၣ်မုၣ်ကမၣ်ခွါအဃိမ့ၢ်ဂ့ၤ, ဒီးအတၢ်ဟုၣ်တၢ်ဘျၣ်တၢ်အဃိမ့ၢ်ဂ့ၤန့ၣ်ဘၣ်.