လံာ်လီၣ်ဖျါ 18:19 - Sgaw Karen Common Bible

¹⁹ အဝဲသ့ၣ်ဖှံဖၣ်ဆါလၢအခိၣ်အလိၤ, ဟီၣ်ဝဲယၢၤဝဲ, ဒီးသူၣ်အုးသးအုးဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်နးဝဲဖှီၣ်ဝဲဆံးဒိၣ်လဲၣ်. အဝဲဒၣ်မ့ၢ်ဝ့ၢ်တဖျၢၣ်ဖဲကဘီကစၢ်လဲၤထီၣ်က့ၤလီၤလၢပီၣ်လဲၣ် ပူၤတဖၣ်ထူးထီၣ်တီၤထီၣ်လၢဝ့ၢ်အံၤအတၢ်လုၢ်ဒိၣ်ပှ့ၤဒိၣ် အဃိလီၤ. ဒီးလၢတနၣ်ရံၣ်အတီၢ်ပူၤတၢ်ခဲလၢာ်လီၤမၢ်ကွံာ်န့ၢ် အီၤလံ.”

လံာ်လီၣ်ဖျါ 18:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:19

အဝဲဖှံလီၤဖၣ်ဆါတဖၣ်လၢအခိၣ်လိၤ, ဖှီယာ်အဆ့ကၤဖးထီ ဒီးမၤဘၢအမဲာ်သၣ်လၢအစုတဖၣ်ဒီးဟးထီၣ်ကွံာ်လၢတၢ်ဟီၣ်တၢ်ယၢၤ အပူၤန့ၣ်လီၤ.

လံာ်စီၤနဃ့မယၤ 9:1

လၢလါတလါဃီအံၤထီၣ်ခံဆံလွံၢ်သီတသီန့ၣ်ကီၢ်အံၣ်စရ့လး အပှၤဂီၢ်မုၢ်အိၣ်ဖှိၣ်ရိဖှိၣ်ဒီးဒုၣ်တၢ်အီၣ်ဒ်သိးကပာ်ဖျါ အတၢ်သူၣ်အုးသးအုးလၢအတၢ်ဒဲးဘးတဖၣ်အဃိန့ၣ်လီၤ.

လံာ်စီၤယိၤဘး 2:12

ဒီးဖဲအဝဲသ့ၣ်ထံၣ်စီၤယိၤဘးလၢအယံၤန့ၣ်, အဝဲသ့ၣ်ကွၢ်နီၣ် အီၤတဘၣ်ဘၣ်. ဒီးတုၤအကွၢ်နီၣ်အီၤဘၣ်န့ၣ်အဝဲသ့ၣ်ကိး ထီၣ်လၢအကလုၢ်ဖးဒိၣ်ဒီးဟီၣ်ဝဲ, ဒီးအဝဲသ့ၣ်ဖှီအဆ့စုာ်စုာ် ဒီးဖှံထီၣ်ဟီၣ်ခိၣ်အကမူၣ်ဆူမူခိၣ်ဒီးလၢအခိၣ်အဖီခိၣ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်သးသယုၢ်တၢ် 2:10

ဝ့ၢ်ယရူၤၡလ့ၣ်အပှၤသူၣ်က့သးပှၢ်တဖၣ်ဆ့ၣ်နီၤလၢဟီၣ်ခိၣ်လိၤလၢ တၢ်အိၣ်ဘှီၣ်ကလာ်အပူၤ အိၣ်ဒီးဖၣ်ကမူၣ်လၢအဝဲသ့ၣ်အခိၣ်လိၤဒီးဆ့ကၤထၢၣ် သွ့လၢအနီၢ်ခိအလိၤလီၤ. သးစၢ်ပိာ်မုၣ်ဖိတဖၣ်ဆုးလီၤအခိၣ်ဆူဟီၣ်ခိၣ်လိၤလီၤ.

လံာ်ယဃ့းစက့လး 27:30

အဝဲသ့ၣ်ခဲလၢာ် ဘၣ်မိၣ်ဘၣ်မးနးနးကလဲာ်လၢနဂီၢ်, ဖှံထီၣ် ဟီၣ်ခိၣ်ကမူၣ်တဖၣ် လၢအခိၣ်လိၤဒီးထွၣ်တလ့ၣ်အသးလၢ ဖၣ်ဆၣ်ကျါန့ၣ်လီၤ.

လံာ်စီၤယိၤၡူ 7:6

စီၤယိၤၡူဒီးပှၤအံၣ်စရ့လးဖိအခိၣ်အနၢ်တဖၣ် ဖှီယာ်အကူအသိးလၢတၢ်သူၣ်အုးသးအုးအပူၤ, ထိၣ်လီၤပှီၤအသးလၢဟီၣ်ခိၣ်လိၤလၢယွၤအတလါစီဆှံအမဲာ်ညါ ဒီးအိၣ်မံလီၤဖဲန့ၣ်တုၤမုၢ်ဟါလီၤဒီးပာ်ဟီၣ်ခိၣ် အကမူၣ်လၢအခိၣ်အဖီခိၣ်လၢကဒုးနဲၣ်အတၢ်သးအုးအဂီၢ်န့ၣ်လီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 18:10

အဝဲသ့ၣ်အိၣ်ဆၢထၢၣ်ဝဲလၢအယံၤ, အဂ့ၢ်မ့ၢ်လၢအဘၣ်ယိၣ်ဝဲလၢအကတူၢ်ဘၣ်ဃုာ်တၢ်ဒီးအီၤ အဃိလီၤ. အဝဲသ့ၣ်စံးဝဲ, “လီၤပျံၤလီၤဖုးဆံးဒိၣ်လဲၣ်. နးဝဲဖှီၣ်ဝဲဆံးဒိၣ်လဲၣ်. ဝ့ၢ်ဘၤဘူၤလိၣ်လၢအဒိၣ်ဝဲသွါဝဲ ဒီးအဂံၢ်ဆူၣ်ဘါဆူၣ်တဖျၢၣ် အံၤဧၢ, ထဲလၢတနၣ်ရံၣ်အတီၢ်ပူၤနဘၣ်တၢ်စံၣ်ညီၣ်နၤလံ.”

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:8

လၢတၢ်တမံၤအံၤအဃိ, လၢတနံၤဃီအတီၢ်ပူၤ, အဝဲဒၣ်ကဘၣ်တၢ်မၤဘၣ်ဒိအီၤလၢ တၢ်သံသတြိာ်တဖၣ်, တၢ်ဆူးတၢ်ဆါ, တၢ်သူၣ်အုးသးအုး, ဒီးတၢ်သၣ်ဝံၤလီၤဒိ ဒီးအဝဲဒၣ်ကဘၣ်တၢ်ဒွဲၣ်အီၤလၢမ့ၣ်အူလီၤ. အဂ့ၢ်ဒ်အံၤ, ကစၢ်ယွၤလၢအစံၣ်ညီၣ်အီၤတဂၤ မ့ၢ်ပှၤလၢအစိဒိၣ်ကမီၤထီတဂၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 4:12

ပှၤတဂၤလၢစီၤဘံၣ်ယၤမံၣ်အဒူၣ်ဃ့ၢ်ကျဲဒီဘိညါစးထီၣ်လၢတၢ်ဒုးပျီ ဆူဝ့ၢ်ၡံလိၤဒီးတုၤဃီၤဖဲန့ၣ်တနံၤဃီလီၤ. လၢတၢ်ဒုးနဲၣ်အတၢ်သးအုးအပူၤဖှီယာ်အဆ့ဒီးပဲထီၣ်ဖၣ်ကမူၣ် လၢအခိၣ်လိၤန့ၣ်လီၤ.