လံာ်လီၣ်ဖျါ 18:12 - Sgaw Karen Common Bible

¹² ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 18:12 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:8

ယသ့ၣ်ညါလၢနပှၤကူၣ်သ့ၣ်တဖၣ်အိၣ်ဒီးအတၢ်သ့တၢ်ဘၣ်ထဲလဲၣ်ထဲ လဲၣ်အဃိ, ဆှၢလီၤန့ၢ်ယၤသ့ၣ်ဆှိအ့ရ့း, သ့ၣ်ဆှိ, သ့ၣ်အလၤမူးအကျီၣ်တဖၣ်လၢကီၢ်လဘၤနိၣ်န့ၣ်တက့ၢ်. ယအိၣ်ကတဲာ်ကတီၤယသးလၢယကဆှၢလီၤယပှၤတဖၣ် လၢကမၤစၢၤနပှၤတဖၣ်,

လံာ်နၤဃူၣ် 2:9

ဂုာ်န့ၢ်စ့, ဂုာ်န့ၢ်ထူတက့ၢ်. ဝ့ၢ်အံၤပှဲၤဝဲဒီးတၢ်ထူးတၢ်တီၤလီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.

လံာ်လီၣ်ဖျါ 18:15

ပှၤပနံာ်တၢ်ကၤတၢ်ဖိလၢအထူးထီၣ်တီၤထီၣ်ခီဖျိအဖံး တၢ်မၤတၢ်ဖဲဝ့ၢ်တဖျၢၣ်န့ၣ်အပူၤတဖၣ်န့ၣ်, ကအိၣ်ဆၢထၢၣ် စီၤစိဝဲလၢအယံၤ, အဂ့ၢ်မ့ၢ်လၢအဝဲသ့ၣ်ဘၣ်ယိၣ်လၢအကတူၢ်ဘၣ်ဃုာ်တၢ်ဒီးအီၤ အဃိန့ၣ်လီၤ. အဝဲသ့ၣ်ကဟီၣ်ဒီးသူၣ်အုးသးအုးလၢအဃိ