လံာ်လီၣ်ဖျါ 18:11 - Sgaw Karen Common Bible

¹¹ ဟီၣ်ခိၣ်အပှၤပနံာ်တၢ်ကၤတၢ်ဖိတဖၣ်စ့ၢ်ကီးဟီၣ်လၢအဝဲဒၣ် အဃိ, အဂ့ၢ်မ့ၢ်လၢပှၤတပှ့ၤအဝဲသ့ၣ်အတၢ်ဖိတၢ်လံၤနီတဂၤ လၢၤဘၣ်အဃိန့ၣ်လီၤ.

လံာ်လီၣ်ဖျါ 18:11 Iomraidhean Croise

တၢ်ကတိၤဒိ. 3:14

အဂ့ၢ်ဒ်အံၤ, တၢ်န့ၢ်ဘၣ်လၢအီၤန့ၣ်, ဂ့ၤဒိၣ်န့ၢ်တၢ်န့ၢ်ဘၣ်လၢ စ့ညၣ်တက့ၢ်ဒီးအဘျုးအဖှိၣ်န့ၣ်ဂ့ၤဒိၣ်န့ၢ်ထူတက့ၢ်လီၤ.

လံာ်ယၡါယၤ 13:19

ဘၤဘူၤလိၣ်မ့ၢ်ဘီမုၢ်လၢအဃံလၤကတၢၢ်လၢဘီမုၢ်ခဲလၢာ် အကျါဒီးမ့ၢ်အထံဖိကီၢ်ဖိအတၢ်ပာ်ကဖၢလၢသးအလီၢ်လီၤ. ဘၣ်ဆၣ်ဒီး, ယၤ, ယွၤ, ကမၤဟးဂီၤဘၤဘူၤလိၣ်ဒ်ယမၤတ့ၢ် စဒိၣ်ဒီးဂမိရၤအသိးန့ၣ်လီၤ.

လံာ်ယၡါယၤ 47:15

တၢ်န့ၣ်ကမ့ၢ်ကယဲၢ်တၢ်အဂ့ၤလၢအဝဲသ့ၣ်မၤဘၣ်နၤ, ပှၤဖးဆၣ်ဧိၤဖီဧိၤတဖၣ်လၢနကူၣ်လိာ်တ့ၢ်တၢ် ဒီးအီၤလၢနသးသမူဒီစိၤန့ၣ်လီၤ. အဝဲသ့ၣ်ခဲလၢာ်ကလဲၤသဒၣ်နၤဒီးကလဲၤဝဲ လၢအကျဲဒၣ်ဝဲ ဒီးပှၤကအုၣ်က့ၤခီၣ်က့ၤနၤတအိၣ်တီၢ် နီတဂၤလၢၤဘၣ်.”

လံာ်ယဃ့းစက့လး 27:9

ကဘီအပှၤစုသ့ဖိတဖၣ် မ့ၢ်ပှၤတဖၣ်လၢ အဘၣ်တၢ်သိၣ်လိန့ၢ်အီၤ ဂ့ၤဂ့ၤလၢ ဝ့ၢ်ကံးဘလးန့ၣ်လီၤ. ပှၤကဘီဖိတဖၣ်လၢကယဲၢ် ကဘီလၢ အလဲၤတၢ်လၢပီၣ်လဲၣ်အပူၤန့ၣ်, မၤပနံၣ်တၢ်ကၤတၢ် အတၢ်မၤလၢနကျးတဖၣ် အပူၤန့ၣ်လီၤ.

လံာ်စဖါနယၤ 1:11

ပှၤအိၣ်ဝဲဆိးဝဲလၢဝ့ၢ်အလာ်ခီသ့ၣ်ဧၢ, တုၤသုနၢ်ဟူတၢ်အံၤဒီးကိးပသူထီၣ်တက့ၢ်. အဂ့ၢ်ဒ်အံၤ, ကယဲၢ်ပှၤကၤတၢ်ဖိခဲလၢာ်ကသံဝဲလီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်မးသဲ 22:5

ဘၣ်ဆၣ်ဒီး, အဝဲသ့ၣ်တပာ်ဒိၣ်တၢ်ကွဲမုာ်အံၤဘၣ်ဒီး, လဲၤဝဲဆူတၢ်လီၢ်အဂုၤအဂၤတဖၣ်လီၤ. တဂၤလဲၤဆူအစံာ်ပျီပူၤ, ဒီးအဂၤတဂၤလဲၤဝဲဆူအပနံာ်တၢ်ကၤတၢ်အလီၢ်လီၤ.

လံာ်ယိၤဟၣ် 2:16

ဒီးအဝဲမၢဆူၣ်ပှၤလၢအဆါထိၣ်လွံၢ်တဖၣ်ဒီးစံးဝဲ, “စိာ်ထီၣ်ကွံာ်တၢ်တဖၣ်အံၤလၢတၢ်လီၢ်အံၤတက့ၢ်. တဘၣ်ဒုးကဲထီၣ်ယပၢ်အဟံၣ်လၢတၢ်ဆါတၢ်ပှ့ၤ အလီၢ်လၢၤတဂ့ၤ.”

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.

လံာ်လီၣ်ဖျါ 18:15

ပှၤပနံာ်တၢ်ကၤတၢ်ဖိလၢအထူးထီၣ်တီၤထီၣ်ခီဖျိအဖံး တၢ်မၤတၢ်ဖဲဝ့ၢ်တဖျၢၣ်န့ၣ်အပူၤတဖၣ်န့ၣ်, ကအိၣ်ဆၢထၢၣ် စီၤစိဝဲလၢအယံၤ, အဂ့ၢ်မ့ၢ်လၢအဝဲသ့ၣ်ဘၣ်ယိၣ်လၢအကတူၢ်ဘၣ်ဃုာ်တၢ်ဒီးအီၤ အဃိန့ၣ်လီၤ. အဝဲသ့ၣ်ကဟီၣ်ဒီးသူၣ်အုးသးအုးလၢအဃိ

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.