လံာ်လီၣ်ဖျါ 17:9 - Sgaw Karen Common Bible

⁹ ဖဲအံၤန့ၣ်, တၢ်ကူၣ်သ့, ဒီးတၢ်နူၤပၢၢ်နၢ်ပၢၢ်အလီၢ်အိၣ်ဝဲ ဒၣ်လီၤ. ခိၣ်နွံဖျၢၣ်မ့ၢ်ဝဲတၢ်လူၢ်နွံဖျၢၣ်လၢပှၤပိာ်မုၣ်တဂၤန့ၣ် ဆ့ၣ်နီၤလၢအလိၤန့ၣ်လီၤ. အဝဲသ့ၣ်မ့ၢ်စ့ၢ်ကီးစီၤပၤနွံဂၤန့ၣ်လီၤ.

လံာ်လီၣ်ဖျါ 17:9 Iomraidhean Croise

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 24:15

တၢ်လီၤပျံၤလီၤဖုးလၢအလီၤသးဘၣ်အၢဒိၣ်ဒိၣ်ကလဲာ်, လၢစီၤဒၤနံးယ့လးကတိၤတ့ၢ်လၢအဂ့ၢ်န့ၣ်, သုကထံၣ်အအိၣ်ဆၢထၢၣ်လၢတၢ်စီဆှံအလီၢ်လီၤ. (ပှၤဖးတၢ်ဖိမ်အနၢ်ပၢၢ်တၢ်အံၤအခီပညီတက့ၢ်.)

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 13:18

လၢအဝဲအံၤအဂ့ၢ်န့ၣ်တၢ်ကူၣ်သ့အလီၢ်အိၣ်ဝဲဒၣ်လီၤ. ကယဲၢ်ပှၤလၢအအိၣ်ဒီးတၢ်ကူၣ်ဘၣ်ဖးသ့န့ၣ်ကွၢ်ဆိ ကမိၣ်ထိၣ်တဲာ်ကွၢ်တၢ်ဒူတၢ်ဃိၤအနီၣ်ဂံၢ်တမံၤအံၤ အခီပညီသ့ဝဲလီၤ. အဂ့ၢ်ဒ်အံၤ, နီၣ်ဂံၢ်အံၤပာ်ဖျါထီၣ်ပှၤတဂၤ အမံၤလီၤ. အဝဲအနီၣ်ဂံၢ်မ့ၢ်ဝဲ ၆၆၆ န့ၣ်လီၤ.

လံာ်လီၣ်ဖျါ 17:18

ပိာ်မုၣ်တဂၤလၢနထံၣ်ဘၣ်တ့ၢ်နဲန့ၣ်, မ့ၢ်ဝ့ၢ်ဖးဒိၣ်လၢအပၢဘၣ်ဟီၣ်ခိၣ်အစီၤပၤတဖၣ်လီၤ.”

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.

လံာ်လီၣ်ဖျါ 17:7

ကလူးန့ၣ်စံးဘၣ်ယၤ, “ဘၣ်မနုၤအဃိနကမၢကမၣ်လဲၣ်. ယကတဲဘၣ်နၤတၢ်အခီပညီခူသူၣ်ဘၣ်ဃးပိာ်မုၣ်, ဒီးဘၣ်ဃးတၢ်ဒူတၢ်ဃိၤလၢအစိာ်အီၤ, တၢ်ဒူတၢ်ဃိၤလၢအအိၣ်ဒီးခိၣ်နွံဖျၢၣ်ဒီးနၢၤအဘိ တဆံန့ၣ်လီၤ.