လံာ်လီၣ်ဖျါ 17:3 - Sgaw Karen Common Bible

³ ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.

လံာ်လီၣ်ဖျါ 17:3 Iomraidhean Croise

လံာ်စီၤပၤအခီၣ်ထံးတဘ့ၣ် 18:12

တုၤယဟးထီၣ်တဘျီဃီဒီးယွၤအသးမ့ၢ်စိာ်ကွံာ်နၤဆူတၢ်လီၢ်လၢ ယတသ့ၣ်ညါဘၣ်တပူၤပူၤဒီးတၢ်ကမၤအသးဒ်လဲၣ်. ဒီးတုၤယတဲဘၣ်စီၤအၤဃာ်လၢနအိၣ်ဖဲအံၤ, ဒီးအဝဲဃုနၤမ့ၢ်တဘၣ်န့ၣ်ဒီးအဝဲကမၤသံယၤလီၤ. သ့ၣ်နီၣ်ထီၣ်က့ၤလၢယမ့ၢ်တ့ၢ်ပှၤတဂၤလၢအအဲၣ်ထူအဲၣ်ယွၤစးထီၣ် လၢယဖိသၣ်လံၤလံၤန့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 2:16

ဒီးစံးဝဲဒၣ်, “ဖဲအံၤပအိၣ်ပဝဲပှၤအဂၤယဲၢ်ဆံ, ခဲလၢာ်ထဲပှၤအဂံၢ်ဆူၣ်ဘါဆူၣ်တဖၣ်န့ၣ်လီၤ. မ်ပလဲၤဒီးဃုထံၣ်န့ၢ်က့ၤနကစၢ်တက့ၢ်. ဘၣ်သ့ၣ်သ့ၣ်ယွၤအသး စိာ်ထီၣ်အီၤဒီးကပာ်တီၢ်အီၤလၢကစၢၢ်ကလိအဒီခိၣ်တတီၤတီၤမ့ တမ့ၢ်တပူၤပူၤလၢတြီၤလာ်န့ၣ်လီၤ.” စီၤအလံၤၡါစံးဆၢဝဲဒၣ်, “တမ့ၢ်ဘၣ်. သုတဘၣ်လဲၤဘၣ်.”

လံာ်တၢ်သးဝံၣ်တဖၣ်အတၢ်သးဝံၣ် 8:5

ပှၤလၢအဟဲလၢပှၢ်လၢ်ကျါဒီးဟံးဃာ်လိာ်အစုဒီးအတၢ်အဲၣ်န့ၣ် မ့ၢ်မတၤတဂၤလဲၣ်. ယထိၣ်ဂဲၤထၢၣ်နၤလၢသ့ၣ်ဖီသၣ်အဖီလာ်, တၢ်လီၢ်လၢနအိၣ်ဖျဲၣ်တ့ၢ်န့ၣ်လီၤ.

လံာ်ယဃ့းစက့လး 11:24

လၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤဒီး ဟဲက့ၤစိာ်က့ၤယၤဆူပှၤဘၣ်တၢ်စိာ်မၢကဲကုၢ်တဖၣ်အအိၣ်လၢကီၢ် ဘၤဘူၤလိၣ်အပူၤန့ၣ်လီၤ. ဝံၤဒီးတၢ်ထံၣ်လၢညါခီအံၤလီၤမၢ်ကွံာ်ဝဲ,

လံာ်ယဃ့းစက့လး 3:12

အန့ၣ်ဝံၤဒီး, ကစၢ်ယွၤအသးစိာ်ထီၣ်ယၤ, ဒီးလၢယလီၢ်ခံတခီ ယနၢ်ဟူဘၣ်တၢ်ကလုၢ်ဖးဒိၣ် သီၣ်ထီၣ်လၢအစံးဝဲ, စံးထီၣ်ပတြၢၤယွၤ အလၤကပီၤလၢ မူခိၣ်ထးန့ၣ်တက့ၢ်.

လံာ်ယဃ့းစက့လး 8:3

အဝဲယူာ်ထီၣ်တၢ်လၢအလီၤဂာ်ဖျါဒ်စုတခီအသိးဒီးစှီၤယၤဖဲ ယခိၣ်သူန့ၣ်လီၤ. ဒီးလၢတၢ်ထံၣ်လၢညါခီအံၤအပူၤန့ၣ်, ကစၢ်ယွၤအသးစိာ်ထီၣ်ယၤလၢကလံၤအကျါဒီးဆှၢယၤဆူ ဝ့ၢ်ယရူၤၡလ့ၣ်န့ၣ်လီၤ. အဝဲလဲၤစိာ်ယၤဆူယွၤအတၢ်လုၢ်ဟံၣ် အကလံၤစိးအတြဲၤဆူတၢ်အိပူၤအကျဲစၢၤဖဲတၢ်ဂီၤတၢ်ဖီၣ်အိၣ် ဝဲတခါလၢအမၤသးကဲၤထီၣ်ကစၢ်ယွၤန့ၣ်လီၤ.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 7:20

ဒီးယအဲၣ်ဒိးသ့ၣ်ညါဘၣ်ဃးတၢ်အနၢၤဆံဆဲၣ်ဘိလၢအအိၣ်လၢ အခိၣ်လိၤဒီးအနၢၤလၢအဟဲထီၣ်လၢခံတဘိန့ၣ်လၢအမၤလီၤ ဃံၤကွံာ်တၢ်အနၢၤတဖၣ်အကျါသၢဘိအဂ့ၢ်န့ၣ်လီၤ. အဝဲအိၣ်ဒီးအမဲာ်ချံတဖၣ်ဒီးအထးခိၣ်တပူၤဒီးကတိၤတၢ်လၢ တၢ်ပာ်သးထီၣ်ထီအပူၤန့ၣ်လီၤ. အဝဲန့ၣ်လီၤပျံၤလီၤဖုးဒိၣ် န့ၢ်တၢ်အဂၤတဖၣ်တက့ၢ်လီၤ.

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

လံာ်ဒၤနံးယ့လး 7:8

ဖဲယကွၢ်စူၣ်ကွၢ်ထံတၢ်အနၢၤတဖၣ်အခါန့ၣ် ယထံၣ်တ့ၢ်တၢ်အနၢၤဆံးဆံးဖိတဘိဟဲထီၣ်ဝဲလၢ အနၢၤအဂၤတဖၣ်အကျါန့ၣ်လီၤ. တၢ်အနၢၤအိၣ်တ့ၢ်လၢ အခီၣ်ထံးတဖၣ်အကျါန့ၣ်အဝဲမၤဟးဂီၤကွံာ်ဝဲသၢဘိန့ၣ်လီၤ. တၢ်အနၢၤဖိတဘိအံၤအိၣ်ဝဲဒၣ်ဒီးပှၤကညီအမဲာ်ချံတဖၣ်ဒီး အထးခိၣ်တပူၤလၢအကတိၤဒိၣ်ကတိၤသွါအသးလၢတၢ်သး ထီၣ်ထီအပူၤန့ၣ်လီၤ.

လံာ်မးသဲ 27:28

အဝဲသ့ၣ်ဘ့ၣ်လီၤကွံာ်ယ့ၣ်ၡူးအကူအသိးတဖၣ်, ဒီးဒုးသိးထီၣ်အီၤလၢ ဆ့ကၤဖးထီအလုးတကုာ်တဘ့ၣ်လီၤ.

မၤတၢ် 8:39

တုၤအဝဲသ့ၣ်ဟဲက့ၤထီၣ်လၢထံကျါန့ၣ်ဒီး, ကစၢ်ယွၤအသးဟံးထီၣ်ကွံာ်စီၤဖံလံးပူးန့ၣ်လီၤ. ပဒိၣ်န့ၣ်တထံၣ်လၢၤအီၤနီတဘျီဘၣ်. ဘၣ်ဆၣ်ဒီးက့ၤက့ၤဝဲပှဲၤဒီးတၢ်သူၣ်ခုသးခုန့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 12:6

ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.

လံာ်လီၣ်ဖျါ 17:18

ပိာ်မုၣ်တဂၤလၢနထံၣ်ဘၣ်တ့ၢ်နဲန့ၣ်, မ့ၢ်ဝ့ၢ်ဖးဒိၣ်လၢအပၢဘၣ်ဟီၣ်ခိၣ်အစီၤပၤတဖၣ်လီၤ.”

လံာ်လီၣ်ဖျါ 17:4

ပိာ်မုၣ်န့ၣ်ကူသိးဝဲလၢတၢ်အလွဲၢ်လုးတကုာ်ဒီးတၢ်အလွဲၢ်ဂီၤဆှုၣ်ကလာ်, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ်ဒီး တၢ်မျၢ်ပလဲတဖၣ်လီၤ. လၢအဝဲဒၣ်အစုပူၤန့ၣ်, ဟံးဃာ်ဝဲလီခီထူတဘ့ၣ်လၢအပှဲၤဒီးတၢ်လီၤသးဘၣ်အၢတကြၢး တဘၣ်တဖၣ်, လၢအအိၣ်ထီၣ်ဝဲခီဖျိအတၢ်အိၣ်မူတဂ့ၤတဝါအဃိ န့ၣ်လီၤ.

လံာ်လီၣ်ဖျါ 18:12

ထဲပှၤတဂၤဧိၤဒၣ်လဲာ်တပှ့ၤအဝဲသ့ၣ်အထူ, အစ့, လၢၢ်လုၢ်ဒိၣ်ပှ့ၤဒိၣ်တဖၣ်, ဒီးတၢ်မျၢ်ပလဲတဖၣ်, တၢ်ကံးယာ်အလွဲၢ်ဝါ, တၢ်ကံးယာ်အလွဲၢ်လုးတကုာ်, သတိၢ်, ဒီးတၢ်ကံးယာ်အလွဲၢ်ဂီၤ, သ့ၣ်လၢအကၤကိးကလုာ်ဒဲး ဒီးကယဲၢ်မ့ၢ်တၢ်ဖိတၢ်လံၤတမံၤလၢ်လၢ်လၢအဘၣ်တၢ်ဘှီ အီၤလၢကဆီမဲ, ဒီးလၢသ့ၣ်လုၢ်ဒိၣ်ပှ့ၤဒိၣ်, လၢတိၢ်ဘီ, ထး, ဒီးလၢၢ်ဝါ

လံာ်လီၣ်ဖျါ 18:16

ဒီးစံးဝဲ, “လီၤပျံၤလီၤဖုးဆံးဒိၣ်လဲၣ်. လၢဝ့ၢ်ဖးဒိၣ်တဖျၢၣ်အံၤအဂီၢ်, နးဝဲဖှီၣ်ဝဲဆံးဒိၣ်လဲၣ်. ဝ့ၢ်တဖျၢၣ်အံၤညီနုၢ်ကူသိးလၢတၢ်ကံးယာ် အလွဲၢ်ဝါ, တၢ်ကံးယာ်အလွဲၢ်လုးတကုာ်, ဒီးတၢ်ကံးယာ် အလွဲၢ်ဂီၤ, ဒီးကယၢကယဲအသးလၢထူ, လၢၢ်လုၢ်ဒိၣ်ပှ့ၤဒိၣ် တဖၣ်, ဒီးတၢ်မျၢ်ပလဲတဖၣ်လီၤ.

လံာ်လီၣ်ဖျါ 21:10

ယွၤအသးပၢၤဃာ်ယၤ, ဒီးကလူးတဂၤန့ၣ်စိာ်ယၤဆူကစၢၢ်ဖးထီတဖျၢၣ်အဒီခိၣ်လီၤ. အဝဲဒုးနဲၣ်ယၤလၢဝ့ၢ်ယရူၤၡလ့ၣ်, ဝ့ၢ်စီဆှံတဖျၢၣ်, ဟဲလီၤလၢမူခိၣ်, လၢကစၢ်ယွၤအအိၣ်,

လံာ်လီၣ်ဖျါ 4:2

တဘျီဃီဖဲန့ၣ်, ယွၤအသးပၢၤဃာ်ယၤလီၤ. လၢမူခိၣ်န့ၣ်, လီၢ်ပစိာ်အိၣ်ဝဲဒၣ်တဖျၢၣ်, ဒီးပှၤတဂၤဆ့ၣ်နီၤလၢအလိၤလီၤ.