လံာ်လီၣ်ဖျါ 17:2 - Sgaw Karen Common Bible

² ဟီၣ်ခိၣ်အစီၤပၤတဖၣ်မၤကမၣ်မုၣ်ကမၣ်ခွါဒီးအီၤ, ဒီးပှၤဟီၣ်ခိၣ်ဖိတဖၣ်အီမူၤအသးလၢစပံးထံဘၣ်ဃးဒီး အဝဲအလုၢ်အၢလၢ်သီန့ၣ်လီၤ.”

လံာ်လီၣ်ဖျါ 17:2 Iomraidhean Croise

လံာ်ယံးရမံယၤ 51:7

ကီၢ်ဘၤဘူၤလိၣ်လီၤဂာ်ဒီး လီခီထူတဖျၢၣ်လၢယစုပူၤ, လၢအဒုးအီမူၤဟီၣ်ခိၣ်ဒီဘ့ၣ်ညါန့ၣ်လီၤ. ပှၤကလုာ်တဖၣ် အီစပံးထံဒီး ပျုၢ်ထီၣ်ဝဲခဲလၢာ်န့ၣ်လီၤ.

လံာ်နၤဃူၣ် 3:4

ဝ့ၢ်နံၤနဝ့လၢအမ့ၢ်ဃဲသဲမုၣ်အံၤဘၣ်တၢ်စံၣ်ညီၣ်အီၤလံ. အဝဲဒၣ်အိၣ်ဒီးတၢ်ဃံတၢ်လၤဒီးပှဲၤလၢ တၢ်ရဲၢ်သံတဖၣ်လီၤ. အဝဲရဲၢ်သံန့ၢ်တ့ၢ်ပှၤကလုာ်တဖၣ်ဒီး မၢကဲကုၢ်တ့ၢ်အီၤန့ၣ်လီၤ.

လံာ်ယိၤဟၣ် 2:10

ဒီးစံးဘၣ်အီၤ, “ပှၤကိးဂၤဒဲးဒုးအီပှၤသမှံၤတဖၣ်စပံးထံအဂ့ၤ ကတၢၢ်လၢညါဒီးအဝဲသ့ၣ်အီဘျဲးအီဝဲဝံၤမး, ဒုးအီက့ၤဝဲစပံးထံလၢအဂ့ၤဖဲအကြၢးလၢခံန့ၣ်လီၤ. မ့မ့ၢ်နဲ နပာ်ဒံးစပံးထံလၢအဂ့ၤကတၢၢ်တုၤခဲအံၤန့ၣ်လီၤ.”

လံာ်လီၣ်ဖျါ 14:8

ကလူးခံဂၤတဂၤပိာ်ထီၣ်တၢတဂၤအခံဒီးစံးဝဲ, “အဝဲ ဒၣ်လီၤပှီၢ်ကွံာ်ဝဲလံ, ဝ့ၢ်ဘၤဘူၤလိၣ်ဖးဒိၣ်လီၤပှီၢ်ကွံာ်ဝဲလံ. အဝဲဒၣ်မၢတ့ၢ်ပှၤကိးကလုာ်ဒဲးအီစပံးထံ, စပံးထံအဆူၣ်ဘၣ်ဃးဒီးအတၢ်ကလုာ်ကလိၤအတဂ့ၤ တဝါန့ၣ်လီၤ.”

လံာ်လီၣ်ဖျါ 17:13

စီၤပၤအဂၤတဆံအံၤ, အဝဲသ့ၣ်ကိးဂၤဒဲးအိၣ်ဒီးတၢ်တိာ်ပာ် တမံၤဃီ, ဒီးအဝဲသ့ၣ်ဟ့ၣ်လီၤကွံာ်အတၢ်ဂံၢ်တၢ်ဘါဒီးတၢ်စိတၢ် ကမီၤဆူတၢ်ဒူတၢ်ဃိၤတဒုန့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 18:3

အဂ့ၢ်ဒ်အံၤ, ထံကီၢ်ကိးဘ့ၣ်ဒဲးအီတ့ၢ်အဝဲဒၣ်အစပံးထံ, စပံးထံလၢအဆူၣ်ဝဲ, စပံးထံလၢအဘၣ်ဃးဒီးအဝဲအတၢ်ကလုာ်ကလိၤအလုၢ် အၢလၢ်သီန့ၣ်လီၤ. ဟီၣ်ခိၣ်ဒီဘ့ၣ်အစီၤပၤတဖၣ်မၤကမၣ်မုၣ် ကမၣ်ခွါဒီးအီၤဒီးဟီၣ်ခိၣ်အပှၤပနံာ်တၢ်ကၤတၢ်ဖိတဖၣ် ထူးထီၣ်တီၤထီၣ်ဝဲဒၣ်ခီဖျိအဝဲအတၢ်ကလုာ်ကလိၤလၢ အတပၢၤဃာ်ဝဲဘၣ်အဃိန့ၣ်လီၤ.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 2:22

ဒီးလၢတၢ်န့ၣ်အဃိ, ယကကွံာ်လီၤအီၤလၢလီၢ်မံခိၣ်, ဖဲအဝဲဒၣ်ဒီးပှၤမၤကမၣ်မုၣ်ကမၣ်ခွါဒီးအီၤတဖၣ်ကတူၢ် ဘၣ်တၢ်နးနးကလဲာ်န့ၣ်လီၤ. အဝဲသ့ၣ်မ့ၢ်တပီၢ်ယၢ်လီၤအသးလၢတၢ်အၢတၢ်သီလၢ အမၤတ့ၢ်ဝဲဒီးအီၤတဖၣ်အဃိဘၣ်ဒီး, ယကမၤတၢ်တမံၤ အံၤန့ၣ်ခဲကနံၣ်အံၤလီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 9:21

ဒ်န့ၣ်အသိး, အဝဲသ့ၣ်တပီၢ်ယၢ်လီၤအသးလၢအတၢ်မၤသံမၤဝီတၢ် အဃိမ့ၢ်ဂ့ၤ, အတၢ်ဟိၣ်တၢ်ယီအဃိမ့ၢ်ဂ့ၤ, အတၢ်မၤကမၣ်မုၣ်ကမၣ်ခွါအဃိမ့ၢ်ဂ့ၤ, ဒီးအတၢ်ဟုၣ်တၢ်ဘျၣ်တၢ်အဃိမ့ၢ်ဂ့ၤန့ၣ်ဘၣ်.