လံာ်လီၣ်ဖျါ 17:11 - Sgaw Karen Common Bible

¹¹ ဒီးတၢ်ဒူတၢ်ဃိၤလၢအအိၣ်မူတ့ၢ်လံဝဲတဘျီ, ဘၣ်ဆၣ်တအိၣ် မူလၢၤဝဲန့ၣ်, အနီၢ်ကစၢ်ဒၣ်ဝဲမ့ၢ်စီၤပၤဃိးဂၤတဂၤလၢ အမ့ၢ်စီၤပၤနွံဂၤအကျါတဂၤ, ဒီးဟးထီၣ်ကွံာ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်န့ၣ်လီၤ.

လံာ်လီၣ်ဖျါ 17:11 Iomraidhean Croise

လံာ်လီၣ်ဖျါ 13:10

ပှၤတဂၤလၢ်လၢ်လၢတၢ်တိာ်ပာ်လၢတၢ်ကဘၣ်ဖီၣ်န့ၢ်အီၤန့ၣ် ကဘၣ်တၢ်ဖီၣ်န့ၢ်အီၤသပှၢ်ကတၢၢ်, ပှၤတဂၤလၢ်လၢ်လၢတၢ်တိာ်ပာ်လၢအကဘၣ်တၢ်မၤသံ အီၤလၢနးန့ၣ်, ကဘၣ်တၢ်မၤသံအီၤလၢနးသပှၢ်ကတၢၢ် လီၤ. အဝဲအံၤန့ၣ်အလီၢ်အိၣ်လၢကစၢ်ယွၤအပှၤဂီၢ်မုၢ်တဖၣ် ကဝံသးစူၤတူၢ်တၢ်ဒီးကစူၢ်တၢ်နာ်တၢ်လီၤ.

လံာ်လီၣ်ဖျါ 13:12

အဝဲဒၣ်သူတၢ်ဒူတၢ်ဃိၤအဆိကတၢၢ်တဒုအတၢ်စိတၢ် ကမီၤခဲလၢာ်လၢအမဲာ်ညါဒၣ်ဝဲန့ၣ်လီၤ. အဝဲဒၣ်မၢဆူၣ် ဟီၣ်ခိၣ်, ဒီးပှၤအိၣ်ဝဲဆိးဝဲလၢအပူၤခဲလၢာ်ဒ်သိးအကဘူၣ် ထီၣ်ဘါထီၣ်တၢ်ဒူတၢ်ဃိၤတၢတဒု, လၢအအိၣ်ဒီးအပူၤလီၢ်လၢအဒုးသံအီၤသ့ဒီးဘျါက့ၤဝဲ န့ၣ်လီၤ.

လံာ်လီၣ်ဖျါ 13:3

တၢ်ဒူတၢ်ဃိၤအခိၣ်အကျါတဖျၢၣ်န့ၣ်အိၣ်ဖျါလၢအဘၣ်ဒိဘူးတ့ၢ်လၢ အကသံဘၣ်ဆၣ်အပူၤလီၢ်ဘျါက့ၤလံဝဲလံန့ၣ်လီၤ. ဟီၣ်ခိၣ်ဒီဘ့ၣ်ကမၢကမၣ်ဒီးပိာ်တၢ်ဒူတၢ်ဃိၤန့ၣ်အခံလီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.