လံာ်လီၣ်ဖျါ 16:8 - Sgaw Karen Common Bible

⁸ အန့ၣ်ဝံၤဒီး, ကလူးလွံၢ်ဂၤတဂၤဂၢ်လီၤအသလၢလၢမုၢ် အလိၤ, ဒီးတၢ်ပျဲအမၤကိၢ်ဃိာ်ပှၤကညီလၢအတၢ်ကိၢ်လၢ အဆူၣ်မးန့ၣ်လီၤ.

လံာ်လီၣ်ဖျါ 16:8 Iomraidhean Croise

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယိၤနါ 4:8

တုၤမုၢ်ဟဲထီၣ်န့ၣ်ကစၢ်ယွၤဆှၢလီၤကလံၤကိၢ်လၢမုၢ်ထီၣ်, ဒီးမုၢ်ဆဲးဘၣ်စီၤယိၤနါအခိၣ်ဒီးလီၤဘှါဝဲလီၤ. မၤသးဒ်န့ၣ်ဒီး, ဆၢဝဲလၢအကသံလီၤ. ဒီးစံးဝဲဒၣ်, “အဂ့ၢ်ဒ်အံၤ, ယသံန့ၣ်ဂ့ၤန့ၢ်ယမူတက့ၢ်လီၤ.”

လံာ်မးသဲ 13:6

ဘၣ်ဆၣ်တုၤမုၢ်ဟဲထီၣ်ဒီးဆဲးလီၤဘၣ်လၢတၢ်အမုၢ်အဘိတဖၣ် အလိၤန့ၣ်, မ့ၢ်လၢအဂံၢ်တယိာ်ဘၣ်အဃိဒီးဃ့ထီကွံာ်ဝဲလီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

မၤတၢ် 2:20

မုၢ်ကခံးလီၤကွံာ်, ဒီးလါကထီၣ်ဂီၤဒ်တၢ်သွံၣ်အသိး, တချုးကစၢ်အမုၢ်နံၤဖးဒိၣ်လၢအပှဲၤဒီး တၢ်လၤကပီၤတုၤဃီၤဒံးဘၣ်န့ၣ်လီၤ.

လံာ်လီၣ်ဖျါ 14:18

တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”

လံာ်လီၣ်ဖျါ 6:12

ဒီးယထံၣ်သိဖိမၤသ့ၣ်ဖးဒီးအိးထီၣ်တၢ်စဲပနီၣ်ဃာ်ဃုခါ တခါလီၤ. ဟီၣ်ခိၣ်ဟူးဝးထီၣ်ဝဲဒၣ်ဆူၣ်ဆူၣ်ကလဲာ်, ဒီးမုၢ်ခံးသူထီၣ်ဝဲဒ်ထၢၣ်တၢ်ကံးယာ်လၢအလွဲၢ်သူတဖျၢၣ် အသိး, ဒီးလါထီၣ်ဂီၤဝဲဒီဘ့ၣ်ညါဒ်တၢ်သွံၣ်အသိးလီၤ.

လံာ်လီၣ်ဖျါ 7:16

အဝဲသ့ၣ်တသၣ်ဝံၤသၣ်စ့ၤ, ဒီးတၢ်တသူစ့ၢ်ကီးအသးလၢထံနီ တစုလၢၤဘၣ်, မုၢ်မ့ၢ်ဂ့ၤ, တၢ်ကိၢ်ဆူၣ်မ့ၢ်ဂ့ၤတမၤဘၣ်ဒိ အဝဲသ့ၣ်ဘၣ်.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 9:2

ဆၣ်တဖျၢၣ်န့ၣ်အိးထီၣ်တၢ်ပူၤယိာ်, ဒီးမ့ၣ်အူလုၢ်ဟဲဖျိးထီၣ်ဒ်မ့ၣ်အူအလုၢ်ဟဲထီၣ်လၢ ဖၣ်ကပူၤဖးဒိၣ်တဖျၢၣ်အပူၤအသိးန့ၣ်လီၤ. မုၢ်အတၢ်ကပီၤဒီးတၢ်ဖးဖီခံးလီၤဝဲလၢမ့ၣ်အူလုၢ်လၢ အဟဲဖျိးထီၣ်လၢတၢ်ပူၤယိာ်အဃိန့ၣ်လီၤ.