လံာ်လီၣ်ဖျါ 16:5 - Sgaw Karen Common Bible

⁵ ယနၢ်ဟူကလူးလၢအကွၢ်ထွဲထံတဂၤန့ၣ်စံးဝဲ, “တၢ်စံၣ်ညီၣ်လၢနဟ့ၣ်တ့ၢ်နဲတဖၣ်အံၤတီဝဲလိၤဝဲကြၢးဝဲဘၣ် ဝဲန့ၣ်လီၤ. အိ, ပှၤလၢအစီဝဲဆှံဝဲ, ပှၤလၢအအိၣ်, ဒီးအိၣ်တ့ၢ်လံဝဲလၢအပူၤကွံာ်တဂၤဧၢ,

လံာ်လီၣ်ဖျါ 16:5 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

စံးထီၣ်ပတြၢၤ 129:4

ဘၣ်ဆၣ်တၢ်တီတၢ်လိၤအယွၤတဂၤန့ၣ် မၤပူၤမၤဖျဲးယၤလၢ တၢ်ကဲကုၢ်အပူၤလံ.”

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်ဒၤနံးယ့လး 9:14

အိယွၤ, ပကစၢ်ယွၤဧၢ, နအိၣ်ကတဲာ်ကတီၤတ့ၢ်နသးလၢတၢ်စံၣ် ညီၣ်ပှၤအဂီၢ်ဒီးနမၤတ့ၢ်အီၤလီၤ. အဂ့ၢ်ဒ်အံၤနမၤတၢ်အဘၣ် တဘိယူၢ်ဃီဒီးပတဒိကနၣ်တ့ၢ်ဘၣ်နၤဘၣ်.

လံာ်ယိၤဟၣ် 17:25

ပၢ်လၢအတီအလိၤတဂၤဧၢ, ဟီၣ်ခိၣ်တသ့ၣ်ညါနၤဘၣ်. ဘၣ်ဆၣ်ယသ့ၣ်ညါနၤဒီးအဝဲသ့ၣ်, သ့ၣ်ညါလၢနမၢလီၤ ယၤန့ၣ်လီၤ.

ရိမ့ၤ 2:5

ဘၣ်ဆၣ်ဒီး, နအိၣ်ဒီးသးလၢအကိၤဒီးသးလၢအတပီၢ်ယၢ်လီၤ က့ၤအသးန့ၣ်လီၤ. လၢတၢ်န့ၣ်အဃိ, နပာ်ဖှိၣ်အါထီၣ်တၢ်သးဒိၣ်လၢနဂီၢ်ဒၣ်နဲလၢ တၢ်သးဒိၣ်အမုၢ်တနံၤ, ဖဲယွၤအတၢ်စံၣ်ညီၣ်တီကဘၣ်တၢ်လီၣ်ဖျါထီၣ်အီၤ အကတီၢ်န့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

လံာ်လီၣ်ဖျါ 1:4

လၢစီၤယိၤဟၣ်, ဆူတၢ်အိၣ်ဖှိၣ်နွံဖုလၢကီၢ်အၤစံအပူၤ. မ်သုကဒိးန့ၢ်ဘၣ်တၢ်ဘျုးတၢ်ဖှိၣ်ဒီးတၢ်ဃူတၢ်ဖိးလၢ ကစၢ်ယွၤအအိၣ်, ယွၤလၢအအိၣ်ဝဲ, အိၣ်တ့ၢ်လံဝဲ, ဒီးအကဟဲဝဲတဂၤ, ဒီးလၢသးနွံဖျၢၣ်လၢအဝဲဒၣ်အလီၢ်ပစိာ်အမဲာ်ညါန့ၣ်အအိၣ်,

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 11:17

“သ့တၢ်လၢာ်ကစၢ်ယွၤ, လၢအမ့ၢ်တၢ်, ဒီးမ့ၢ်တ့ၢ်ဝဲတဂၤဧၢ, ပစံးဘျုးနၤလၢနဟံးန့ၢ်တ့ၢ်လံနစိကမီၤအဒိၣ်အမုၢ်, ဒီးစးထီၣ်ပၢတၢ်အဃိန့ၣ်လီၤ.

လံာ်လီၣ်ဖျါ 16:4

အန့ၣ်ဝံၤဒီးကလူးသၢဂၤတဂၤဂၢ်လီၤအသလၢလၢထံကျိ တဖၣ်, ဒီးထံမူထီၣ်ပၢၢ်တဖၣ်အပူၤ, ဒီးအဝဲသ့ၣ်ကဲထီၣ် တၢ်သွံၣ်လီၤ.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”