လံာ်လီၣ်ဖျါ 16:4 - Sgaw Karen Common Bible

⁴ အန့ၣ်ဝံၤဒီးကလူးသၢဂၤတဂၤဂၢ်လီၤအသလၢလၢထံကျိ တဖၣ်, ဒီးထံမူထီၣ်ပၢၢ်တဖၣ်အပူၤ, ဒီးအဝဲသ့ၣ်ကဲထီၣ် တၢ်သွံၣ်လီၤ.

လံာ်လီၣ်ဖျါ 16:4 Iomraidhean Croise

စံးထီၣ်ပတြၢၤ 78:44

အဝဲဒုးကဲထီၣ်ကဒါထံကျိတဖၣ်ဆူတၢ်သွံၣ် ဒီးပှၤအဲၣ်ကူပတူးဖိတဖၣ် တအိၣ်ဒီးထံလၢကအီဝဲနီတစဲးဘၣ်.

လံာ်တၢ်ဟးထီၣ်ကွံာ် 8:5

ဒီးယွၤစံးဘၣ်စီၤမိၤၡ့, “တဲဘၣ်စီၤအၤဟရိၣ်လၢကယူာ်ထီၣ် အနီၣ်ထိးဘိလၢထံကျိတဖၣ်အဖီခိၣ်, ထံကျိၤတဖၣ်အဖီခိၣ်, ဒီးကမါတဖၣ်အဖီခိၣ်, ဒီးဒုးဟဲထီၣ်ဒ့ၣ်ဧိၤကွီၣ်ဧိၤဒီးမၤပှဲၤကီၢ်အဲၤကူပတူးန့ၣ်တက့ၢ်.”

လံာ်ယၡါယၤ 50:2

ဘၣ်မနုၤယပှၤဂီၢ်မုၢ်တဟူးတဂဲၤဖဲယလဲၤတ့ၢ်ဆူ အဝဲသ့ၣ်အအိၣ်လၢယကအုၣ်က့ၤခီၣ်က့ၤအီၤ အခါန့ၣ်လဲၣ်. ဘၣ်မနုၤအဝဲသ့ၣ်တကိးဆၢဖဲယကိးထီၣ်အီၤန့ၣ်လဲၣ်. မ့ၢ်ယဂံၢ်စၢ်ဘါစၢ်ကဲာ်ဆိးလၢယကအုၣ်က့ၤခီၣ်က့ၤအီၤအဂီၢ်န့ၣ်ဧါ. ယမၤဃ့ထီကွံာ်ပီၣ်လဲၣ်လၢယကလုၢ်တဘီဒၣ်လဲာ်သ့ဝဲဒီးယဘိး ကဒါကွံာ်ထံကျိတဖၣ်ဆူမဲးမုၢ်ခိၣ်, ဒ်သိးညၣ်လၢထံကျိပူၤတဖၣ်ကသံဝဲလၢထံတအိၣ်ဘၣ်အဃိလီၤ.

လံာ်ယဃ့းစက့လး 35:8

ယကဖၢဘၢကစၢၢ်ကလိတဖၣ်လၢတၢ်သံစိၣ်တဖၣ်ဒီးပှၤတဖၣ်လၢ အဘၣ်တၢ်မၤသံအီၤလၢတၢ်ဒုးအပူၤအစိၣ်တဖၣ် ကပှဲၤဝဲဖဲတၢ်လူၢ်တဖၣ်ဒီးတြီၤတဖၣ်န့ၣ်လီၤ.

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်လီၣ်ဖျါ 11:6

အဝဲသ့ၣ်အိၣ်ဒီးတၢ်စိတၢ်ကမီၤလၢအကကးတံာ်ဃာ်မူခိၣ်ဒ်သိး, ဖဲဆၢကတီၢ်လၢအဝဲသ့ၣ်ကတိၤတၢ်လၢဝံအကျိာ်န့ၣ်မူခိၣ် အသုတစူၤနီတစဲးတဂ့ၤန့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢထံမူအဖီခိၣ်လၢ အကလဲလိာ်အီၤဆူတၢ်သွံၣ်အဂီၢ်န့ၣ်လီၤ. အဝဲသ့ၣ်အိၣ်စ့ၢ်ကီးဒီးတၢ်စိတၢ်ကမီၤလၢအကတီၢ် ဟီၣ်ခိၣ်လၢတၢ်သံသတြိာ်အကလုာ်ကလုာ်အဘျီတဖၣ် အဘျီဖဲအဝဲသ့ၣ်အသးဒၣ်ဝဲအသိးန့ၣ်လီၤ.

လံာ်လီၣ်ဖျါ 14:7

အဝဲကတိၤတၢ်လၢအကလုၢ်ဖးဒိၣ်, “ပျံၤကစၢ်ယွၤ ဒီးမၤလၤကပီၤအီၤဒီးစံးထီၣ်ပတြၢၤအတၢ်ဒိၣ်တၢ်မုၢ် တက့ၢ်. အဂ့ၢ်ဒ်အံၤ, တၢ်ဆၢကတီၢ်ဟဲတုၤလံဝဲလၢ အဝဲဒၣ်ကဘၣ်စံၣ်ညီၣ်ပှၤဟီၣ်ခိၣ်ဖိလံ. ဘူၣ်ထီၣ်ဘါထီၣ်အဝဲလၢအတ့လီၤမူခိၣ်, ဟီၣ်ခိၣ်, ပီၣ်လဲၣ်, ဒီးထံမူထီၣ်ပၢၢ်တဖၣ်န့ၣ်တက့ၢ်.”

လံာ်လီၣ်ဖျါ 16:5

ယနၢ်ဟူကလူးလၢအကွၢ်ထွဲထံတဂၤန့ၣ်စံးဝဲ, “တၢ်စံၣ်ညီၣ်လၢနဟ့ၣ်တ့ၢ်နဲတဖၣ်အံၤတီဝဲလိၤဝဲကြၢးဝဲဘၣ် ဝဲန့ၣ်လီၤ. အိ, ပှၤလၢအစီဝဲဆှံဝဲ, ပှၤလၢအအိၣ်, ဒီးအိၣ်တ့ၢ်လံဝဲလၢအပူၤကွံာ်တဂၤဧၢ,