လံာ်လီၣ်ဖျါ 16:21 - Sgaw Karen Common Bible

²¹ တၢ်စူၤလီၤသူၣ်ဖးဒိၣ်တဖၣ်, လၢတဖျၢၣ်ဒီးတဖျၢၣ်ဃၢဝဲသၢမၢ ဃၣ်ဃၣ်, ဒီးဟဲလီၤဝဲလၢမူခိၣ်ဒီးလီၤဘၣ်ပှၤကညီတဖၣ်တုၤ ဒၣ်လဲာ်အဆိၣ်အၢကစၢ်ယွၤလၢတၢ်သံသတြိာ်ဘၣ်ဃးဒီးသူၣ်, အဂ့ၢ်မ့ၢ်လၢအမ့ၢ်ဝဲတၢ်သံသတြိာ်လီၤပျံၤလီၤဖုးတမံၤ အဃိန့ၣ်လီၤ.

လံာ်လီၣ်ဖျါ 16:21 Iomraidhean Croise

လံာ်စီၤယိၤဘး 38:22

မ့ၢ်နလဲၤတုၤဘၣ်တ့ၢ်လံဆူတၢ်လီၢ်ဖဲယပၢၤဃးမူခိၣ်ဖီဒီးသူၣ် စ့ၢ်ကီးဧါ.

လံာ်စီၤယိၤဘး 38:23

ယပၢၤဃာ်အီၤလၢတၢ်ကိၢ်တၢ်ဂီၤအကတီၢ်ဒီးလၢတၢ်ဒုးတၢ် ယၤအမုၢ်နံၤတဖၣ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 9:18

ခဲဂီၤကိာ်လၢအကတီၢ်ဒ်အံၤန့ၣ်ယကဒုးစူၤလီၤသူၣ်နးနးကလဲာ် လၢကီၢ်အဲၤကူပတူးတသ့ၣ်ညါတ့ၢ်ဘၣ်လၢအတၢ်စံၣ်စိၤတဲစိၤအပူၤ နီတစုဘၣ်န့ၣ်လီၤ.

လံာ်တၢ်ဟးထီၣ်ကွံာ် 9:22

တုၤနုၤတစုယွၤစံးဘၣ်စီၤမိၤၡ့, “ယူာ်ထီၣ်နစုဆူမူခိၣ် ဒီးသူၣ်ကလီၤလၢကီၢ်အဲၤကူပတူးဒီကီၢ်ညါအဖီခိၣ်, လၢပှၤဂီၢ်မုၢ်, ဆၣ်ဖိကီၢ်ဖိဒီးကယဲၢ်တၢ်မုၢ်တၢ်ဘိတဖၣ်လၢအအိၣ်လၢစံာ်ပျီ ပူၤအလိၤန့ၣ်လီၤ.”

လံာ်ယၡါယၤ 30:30

ယွၤကပျဲပှၤကိးဂၤဒဲးနၢ်ဟူဘၣ်အကလုၢ်ကဟုကညီၢ်ဒီး ကလၢၢ်ဘၣ်အတၢ်သးကဲၤထီၣ်အသဟီၣ်လီၤ. မ့ၣ်အူလၣ်တဖၣ်, တၢ်အၢၣ်အတၢ်သီၣ်ထီၣ်တဖၣ်, သူၣ်အဖျၢၣ်တဖၣ်, ဒီး တၢ်စူၤလီၤဒိၣ်ဒိၣ်မုၢ်မုၢ်တဖၣ်ကအိၣ်ထီၣ်ဝဲန့ၣ်လီၤ.

လံာ်ယၡါယၤ 8:21

ပှၤဂီၢ်မုၢ်ကဟးဝ့ၤဝီၤလၢထံကီၢ်အပူၤအိၣ်ဒီးတၢ်သးဟးဂီၤဒီး တၢ်သူၣ်ဝံၤသၣ်စ့ၤလီၤ. လၢအတၢ်သးထီၣ်ဒီးအတၢ်သၣ်ဝံၤ သၣ်စ့ၤအပူၤန့ၣ်, အဝဲသ့ၣ်ကဆိၣ်အၢအစီၤပၤဒီးအကစၢ်ယွၤလီၤ. အဝဲသ့ၣ်ကကွၢ်ထီၣ်တၢ်ဆူမူခိၣ်,

လံာ်ယဃ့းစက့လး 13:11

တဲဘၣ်ဝံတဖၣ်လၢအဝဲသ့ၣ်အတၢ်ဒူၣ်ကလီၤပှီၢ်ဝဲတက့ၢ်. ယကမၢလီၤတၢ်စူၤထံဂၢ်လီၤအသးလီၤ. သူၣ်ဖးဒိၣ်တဖၣ်ကလီၤဘၢ အဖီခိၣ်, ဒီးကလံၤမုၢ်ဆူၣ်ကအူတၢ်ထီဒါအီၤလီၤ.

လံာ်ယဃ့းစက့လး 13:13

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလီၤ. “လၢယတၢ်သးထီၣ်အပူၤန့ၣ်ယကမၢလီၤကလံၤမုၢ်ဆူၣ်, တၢ်စူၤလီၤလီၤသလၢ်, ဒီးသူၣ်ဖးဒိၣ်တဖၣ်လၢကမၤဟးဂီၤတၢ်ဒူၣ် အဂီၢ်န့ၣ်လီၤ.

လံာ်စီၤယိၤၡူ 10:11

ဖဲပှၤအမိၢ်ဖိတဖၣ်ဃ့ၢ်လီၤဝဲလၢပှၤအံၣ်စရ့လးဖိအသုးမုၢ်အ မဲာ်ညါန့ၣ်, ယွၤဒုးလီၤသူၣ်ဖးဒိၣ်တဖၣ်လၢမူခိၣ်ဆူအဝဲသ့ၣ်အဖီခိၣ်ဒီ ကျဲညါတုၤလီၤလၢဝ့ၢ်ဧစ့ကၤဒီးအဝဲသ့ၣ်သံဝဲလီၤ. ပှၤဘၣ်ဒိသံလၢသူၣ်တဖၣ်န့ၣ် အါန့ၢ်ဒံးပှၤလၢပှၤအံၣ်စရ့လးဖိမၤသံလၢနးတက့ၢ်န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 16:11

ဒီးအဝဲသ့ၣ်ဆိၣ်အၢကစၢ်ယွၤလၢမူခိၣ်, လၢအတၢ်ဆူးတၢ်ဆါ, ဒီးတၢ်ပူၤလီၢ်ပူၤကျဲတဖၣ်အဃိလီၤ. ဘၣ်ဆၣ်ဒီးအဝဲသ့ၣ်တဃၣ်ကွံာ်လၢအကျဲအအၢအသီတဖၣ် န့ၣ်ဘၣ်.

လံာ်လီၣ်ဖျါ 16:9

အဝဲသ့ၣ်ဘၣ်တၢ်မၤကိၢ်ဃိာ်အီၤလၢတၢ်ကိၢ်လၢအဆူၣ် နးမးတမံၤအံၤ, ဒီးအဝဲသ့ၣ်ဆိၣ်အၢကစၢ်ယွၤလၢအအိၣ်ဒီး တၢ်စိတၢ်ကမီၤလၢတၢ်သံသတြိာ်တဖၣ်အံၤအလိၤတဂၤန့ၣ် အမံၤလီၤ. ဒီးအဝဲသ့ၣ်တဃၣ်ကွံာ်လၢအတၢ်ဒဲးဘးတဖၣ်ဒီး တစံးထီၣ်ပတြၢၤကစၢ်ယွၤအတၢ်ဒိၣ်တၢ်မုၢ်န့ၣ်ဘၣ်.

လံာ်လီၣ်ဖျါ 8:7

ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.