လံာ်လီၣ်ဖျါ 16:16 - Sgaw Karen Common Bible

¹⁶ တုၤနုၤတစုသးတဖၣ်ဟဲဆှၢစီၤပၤတဖၣ်တပူၤဃီဖဲတၢ်လီၢ် တတီၤလၢအဘၣ်တၢ်ကိးအီၤလၢဧ့ၤဘြံၤ အကျိာ်လၢအၢ်မက့းဒိၣ် န့ၣ်လီၤ.

လံာ်လီၣ်ဖျါ 16:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 35:22

ဘၣ်ဆၣ်စီၤယိၤၡံယၤပာ်လီၤတ့ၢ်အသးလၢကဒုးတၢ်န့ၣ်လီၤ. အဝဲဂ့ၢ်လိာ်လၢကဒိကနၣ်တၢ်လၢကစၢ်ယွၤစံးဝဲခီဖျိစီၤပၤနကိၤန့ၣ်လီၤ. လၢတၢ်န့ၣ်အဃိအဝဲပျိာ်လီၤဆီအသးဒီးလဲၤဝဲဆူတၢ်ဒုး အပူၤလၢမကံးဒိၤအပျီပူၤန့ၣ်လီၤ.

လံာ်စကၤရယၤ 12:11

ဖဲအဆၢကတီၢ်အဝဲန့ၣ်တၢ်ဟီၣ်တၢ်ယၢၤလၢယရူၤၡလ့ၣ် အပူၤန့ၣ်ကအိၣ်ဝဲဒိၣ်ထဲသိးဒီးတၢ်ဟီၣ်တၢ်ယၢၤလၢဟၤ ဒးရံးမိၢ်အဃိလၢအအိၣ်ဝဲဒၣ်လၢတၢ်ပၢၤခိၣ်မကံးဒိၤအသိးန့ၣ်လီၤ.

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

လံာ်ယိၤဟၣ် 19:17

ယ့ၣ်ၡူးယိးအထူၣ်စုညါဒီးဟးထီၣ်ကွံာ်ဝဲဖဲန့ၣ် ဒီးလဲၤတုၤဝဲလၢတၢ်လီၢ်တတီၤလၢတၢ်ကိးအီၤ, “တၢ်ခိၣ်ဃံအလီၢ်,” (လၢဧ့ၤဘြံၤအကျိာ်တၢ်ကိးအီၤလၢ “ကီၤလၤကီၤသါ”) န့ၣ်လီၤ.

လံာ်ယိၤဟၣ် 5:2

ဖဲတၢ်လီၢ်ကိးဝဲလၢသိတြဲၤအဃၢၤလၢဝ့ၢ်ယရူၤၡလ့ၣ် အပူၤန့ၣ်, နိၣ်အိၣ်ဝဲတနိၣ်အိၣ်ဒီးအတၢ်ဒုးခိၣ်ယဲၢ်ဖျၢၣ်ဒီး နိၣ်အံၤတၢ်ကိးအီၤလၢဧ့ၤဘြံၤအကျိာ်လၢဘ့ၤသ့းစဒါန့ၣ်လီၤ.

မၤတၢ် 26:14

ပဝဲကိးဂၤဒဲးပလီၤတဲာ်လၢဟီၣ်ခိၣ်လိၤဒီးယနၢ်ဟူတၢ် အကလုၢ်ကတိၤတၢ်ဒီးယၤလၢဧ့ၤဘြံၤအကျိာ်, ‘စီၤစီလူးဧၢ, စီၤစီလူးဧၢ, နမၤအၢမၤနးယၤဘၣ်မနုၤအဃိလဲၣ်. နမၤဘၣ်ဒိလီၤက့ၤနသးခီဖျိနမၤဆၢက့ၤတၢ်ဒ်ကျီၢ်တဒုထူဆၢကဒါက့ၤ အကစၢ်အသိးန့ၣ်လီၤ.’

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 9:11

အဝဲသ့ၣ်အိၣ်ဒီးအစီၤပၤလၢအပၢအီၤတဂၤ, လၢအမ့ၢ်ကလူးလၢအပၢဘၣ်တၢ်ပူၤယိာ်တဂၤန့ၣ်လီၤ. အဝဲဒၣ်အမံၤလၢဧ့ၤဘြံၤ အကျိာ်န့ၣ်မ့ၢ်ဝဲအဘးဒိၣ်, လၢကြံးခ်အကျိာ်တခီအမံၤမ့ၢ်ဝဲအပီးလူၣ် (အခီပညီ မ့ၢ်ဝဲပှၤမၤဟးဂီၤတၢ်ဖိ) လီၤ.

လံာ်ပှၤစံၣ်ညီၣ်ကွီၢ် 4:7

ဒီးယကဒုးဟဲစီၤပၤယၤဘံၣ်အသုးမုၢ်အသုးခိၣ်ဖးဒိၣ်စီၤစံစရၤ လၢကဒုးတၢ်ဒီးနၤဖဲထံကျိကံၡိၣ်န့ၣ်လီၤ. အဝဲအိၣ်ဒီးလ့ၣ်ကဟၣ်ဒုးသုးဒီးပှၤသုးဖိတဖၣ်လီၤ. ဘၣ်ဆၣ်ဒီးယကဟ့ၣ်နၤလၢတၢ်မၤနၢၤကွံာ်အီၤန့ၣ်လီၤ.”

လံာ်ပှၤစံၣ်ညီၣ်ကွီၢ် 5:19

ဖဲဝ့ၢ်တၤနးလၢထံကျိဖိမကံးဒိၤအနံၤန့ၣ်ကနၤဧၣ်အစီၤပၤတဖၣ်ဟဲဒုးတၢ်လီၤ. ဘၣ်ဆၣ်ဒီးတဟံးန့ၢ်ဘၣ်စ့နီၢ်နီတစဲးဘၣ်.