လံာ်လီၣ်ဖျါ 16:10 - Sgaw Karen Common Bible

¹⁰ အန့ၣ်ဝံၤအလီၢ်ခံကလူးယဲၢ်ဂၤတဂၤလူလီၤဂၢ်လီၤအသလၢ လၢတၢ်ဒူတၢ်ဃိၤအလီၢ်ပစိာ်အဖီခိၣ်လီၤ. တၢ်ခံးလီၤဝဲလၢတၢ်ဒူတၢ်ဃိၤအဘီအမုၢ် အပူၤ, ဒီးပှၤကညီတဖၣ်အ့ၣ်တံၢ်အပျ့ၤလၢအတၢ်နးတၢ်ဖှီၣ် အဃိလီၤ.

လံာ်လီၣ်ဖျါ 16:10 Iomraidhean Croise

စံးထီၣ်ပတြၢၤ 78:49

အဝဲဒုးလီၤဘၣ်တၢ်ကိၢ်တၢ်ဂီၤဖးဒိၣ်လၢ အဝဲသ့ၣ်အလိၤခီဖျိလူလီၤအတၢ်သးဒိၣ်ဒီး အတၢ်သးကဲၤထီၣ်လၢ အဟဲဒ်တၢ်သံအကလူးတဖၣ်အသိးန့ၣ်လီၤ.

လံာ်မးသဲ 13:42

ဒီးကလူးတဖၣ်ကတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.

လံာ်မးသဲ 13:50

ဒီးတ့ၢ်လီၤကွံာ်အဝဲသ့ၣ်ဆူမ့ၣ်အူအဖၣ်ကပူၤ, ဖဲအဝဲသ့ၣ်ကဟီၣ်တၢ်ယၢၤတၢ်ဒီးကအ့ၣ်စဃံးအမဲန့ၣ်လီၤ.”

လံာ်မးသဲ 22:13

တုၤနုၤတစုစီၤပၤစံးဘၣ်အခ့အပှၤတဖၣ်ဒီးစံး, ‘စၢအစုစၢအခီၣ်ဒီးတ့ၢ်လီၤကွံာ်အီၤဆူတၢ်ချၢ ဆူတၢ်ခံးကျါတက့ၢ်. ဖဲန့ၣ်ကဟီၣ်ကယၢၤတၢ်ဒီးကအ့ၣ်စဃံးအမဲလီၤ.’ ”

လံာ်မးသဲ 24:51

ဒီးအကစၢ်ကကျီတဲာ်ကွံာ်အီၤတကူာ်တကူာ်, ဝံၤဒီးကဒုးတူၢ်ဘၣ်အီၤတၢ်တမံၤဃီလၢပှၤပာ်မၤအသးတဖၣ် ဒိးန့ၢ်ဘၣ်ဝဲန့ၣ်လီၤ. ဖဲန့ၣ်အဝဲကဟီၣ်ကယၢၤဝဲ, ဒီးကအ့ၣ်စဃံးအမဲလီၤ.

လံာ်မးသဲ 8:12

ဘၣ်ဆၣ်ဘီမုၢ်အဖိတဖၣ်န့ၣ်, ယွၤကတ့ၢ်လီၤကွံာ်အီၤဆူတၢ်ချၢလၢတၢ်ခံးကျါ, ဖဲတၢ်ဟီၣ်တၢ်ယၢၤဒီးတၢ်မဲအ့ၣ်စဃံးအိၣ်ဝဲန့ၣ်လီၤ.”

လံာ်လူၤကၣ် 13:28

တုၤသုထံၣ်ဘၣ်စီၤအၤဘြၤဟၣ်, စီၤအံၤစဲး, ဒီးစီၤယၤကိာ်ဒီးဝံခဲလၢာ် အိၣ်လၢကစၢ်ယွၤအဘီအမုၢ်အပူၤ, ဖဲသုဝဲတခီသုဘၣ်တၢ်ညိကွံာ်သုလၢတၢ်ချၢန့ၣ်, သုကအိၣ်ဒီးတၢ်ဟီၣ်တၢ်ယၢၤ, ဒီးတၢ်မဲအ့ၣ်တဃံးဆံးဒိၣ်လဲၣ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.

လံာ်လီၣ်ဖျါ 11:8

ဒီးအဝဲသ့ၣ်အစိၣ်ကအိၣ်မံလီၤလၢဝ့ၢ်ဖးဒိၣ်တဖျၢၣ်ဖဲ အကစၢ်ဘၣ်တၢ်ပျၤထီအီၤလၢထူၣ်စုညါအလိၤန့ၣ် အကျဲမုၢ်ခိၣ်လီၤ. ဝ့ၢ်တဖျၢၣ်န့ၣ်အမံၤလၢအပာ်ဖျါထီၣ်တၢ်ခီဖျိ တၢ်အဒိအတဲာ်မ့ၢ်ဝဲစဒိၣ်, မ့တမ့ၢ်အဲၤကူပတူးလီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.

လံာ်လီၣ်ဖျါ 17:9

ဖဲအံၤန့ၣ်, တၢ်ကူၣ်သ့, ဒီးတၢ်နူၤပၢၢ်နၢ်ပၢၢ်အလီၢ်အိၣ်ဝဲ ဒၣ်လီၤ. ခိၣ်နွံဖျၢၣ်မ့ၢ်ဝဲတၢ်လူၢ်နွံဖျၢၣ်လၢပှၤပိာ်မုၣ်တဂၤန့ၣ် ဆ့ၣ်နီၤလၢအလိၤန့ၣ်လီၤ. အဝဲသ့ၣ်မ့ၢ်စ့ၢ်ကီးစီၤပၤနွံဂၤန့ၣ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.

လံာ်လီၣ်ဖျါ 18:21

တုၤနုၤတစုကလူးလၢအဂံၢ်ဆူၣ်ဘါဆူၣ်တဂၤဟံးထီၣ်လၢၢ်လၢ အဒိၣ်ထဲသိးဆၢၣ်ဂူာ်လၢၢ်တဖျၢၣ်, ဒီးကွံာ်လီၤအီၤဆူပီၣ်လဲၣ် အပူၤ, ဒီးစံးဝဲ, “လၢကျဲဒ်အံၤအပူၤ, ဝ့ၢ်ဖးဒိၣ်ဘၤဘူၤလိၣ် ကဘၣ်တၢ်တ့ၢ်လီၤအီၤဆူၣ်ဆူၣ်ကလဲာ်, ဒီးတၢ်တထံၣ်န့ၢ်အီၤနီတစုလၢၤဘၣ်လီၤ.

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 9:2

ဆၣ်တဖျၢၣ်န့ၣ်အိးထီၣ်တၢ်ပူၤယိာ်, ဒီးမ့ၣ်အူလုၢ်ဟဲဖျိးထီၣ်ဒ်မ့ၣ်အူအလုၢ်ဟဲထီၣ်လၢ ဖၣ်ကပူၤဖးဒိၣ်တဖျၢၣ်အပူၤအသိးန့ၣ်လီၤ. မုၢ်အတၢ်ကပီၤဒီးတၢ်ဖးဖီခံးလီၤဝဲလၢမ့ၣ်အူလုၢ်လၢ အဟဲဖျိးထီၣ်လၢတၢ်ပူၤယိာ်အဃိန့ၣ်လီၤ.