လံာ်လီၣ်ဖျါ 15:8 - Sgaw Karen Common Bible

⁸ တၢ်လုၢ်ဟံၣ်ပှဲၤဝဲဒီးမ့ၣ်အူလုၢ်လၢအဟဲလၢကစၢ်ယွၤ အလၤကပီၤဒီးအစိကမီၤ, ဒီးတချုးလၢတၢ်နးတၢ်ဖှီၣ်နွံမံၤလၢအဘၣ်တၢ်ဟဲစိာ် အီၤလၢကလူးနွံဂၤကတၢၢ်ဒံးဘၣ်န့ၣ်, ပှၤလဲၤနုာ်ဆူတၢ်လုၢ်ဟံၣ်အပူၤတသ့ဝဲနီတဂၤ ဘၣ်လီၤ.

လံာ်လီၣ်ဖျါ 15:8 Iomraidhean Croise

စံးထီၣ်ပတြၢၤ 29:9

ယွၤအကလုၢ်ဒုးဖှံလီၤတၤဟိမိၢ်တဖၣ် ဒီးမၤလီၤဆှုကွံာ်သ့ၣ်လၣ်ခဲလၢာ်လၢပှၢ်လၢ်ကျါ, ဒီးပှၤအိၣ်လၢအတၢ်လုၢ်ဟံၣ်အပူၤခဲလၢာ် ကိးထီၣ် “တၢ်လၤကပီၤမ်အဘၣ်ကစၢ်ယွၤ” န့ၣ်လီၤ.

လံာ်တၢ်ဟးထီၣ်ကွံာ် 19:18

ကစၢၢ်စံၤနါဒီဖျၢၣ်ညါဘၣ်တၢ်ကးဘၢအီၤလၢမ့ၣ်အူလုၣ်န့ၣ် လီၤ. အဂ့ၢ်ဒ်အံၤယွၤဟဲလီၤလၢအဒီခိၣ်လၢမ့ၣ်အူအပူၤန့ၣ်လီၤ. မ့ၣ်အူလုၣ်ခုၣ်ထီၣ်ဝဲဒ်မ့ၣ်အူလုၣ်လၢဖၣ်ကပူၤအသိးဒီးပှၤဂီၢ် မုၢ်ကနိးကစုာ်ဒိၣ်ဒိၣ်ကလဲာ်လီၤ.

လံာ်ယၡါယၤ 6:4

အကလုၢ်တဖၣ်အသီၣ်ဒုးဟူးဝးထီၣ်တၢ်လုၢ်ဟံၣ်အခီၣ်ထံး, ဒီးတၢ်လုၢ်ဟံၣ်အကစၢ်ဒၣ်ဝဲပှဲၤဝဲဒီးမ့ၣ်အူလုၣ်န့ၣ်လီၤ.

လံာ်ယံးရမံယၤ 15:1

အန့ၣ်ဒီးယွၤစံးဘၣ်ယၤ, “စီၤမိၤၡ့ဒီးစီၤၡမူၤအ့လးမ့ၢ် ဆၢထၢၣ်ဖဲအံၤဒီးဃ့သကွံၢ်ကညးယၤဒၣ်လဲာ်, ယတဒုးနဲၣ်ဘၣ်ပှၤဂီၢ်မုၢ် အံၤတၢ်သးကညီၤနီတမံၤဘၣ်. မၢအဝဲသ့ၣ်ဟးကွံာ်တက့ၢ်. မၢအဝဲသ့ၣ်ဟးထီၣ်ကွံာ်လၢယမဲာ်ညါတက့ၢ်.

လံာ်သးသယုၢ်တၢ် 3:44

လၢတၢ်သးကဲၤထီၣ်အတၢ်အၢၣ်ဖးတီၣ်တလိၣ်အဃိန့ၣ် ပတၢ်ထုကဖၣ်တဖၣ်အကျဲတဖျိဘၣ်.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

ရိမ့ၤ 11:33

ကစၢ်ယွၤအတၢ်ထူးတၢ်တီၤတဖၣ်ဒိၣ်နီၢ်မးလဲၣ်. အတၢ်ကူၣ်ဘၣ်ကူၣ်သ့ဒီးအတၢ်သ့ၣ်ညါတဖၣ်ယိာ်မးလဲၣ်. အတၢ်စံၣ်ညီၣ်နီၤဖးတဖၣ်မတၤတဲနၢ်ပၢၢ်လၢအဂ့ၢ်ကသ့ တဂၤလဲၣ်. အကျဲတဖၣ်မတၤနၢ်ပၢၢ်ကသ့တဂၤလဲၣ်.

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

လံာ်လီၣ်ဖျါ 15:1

အန့ၣ်ဝံၤအလီၢ်ခံ, ယထံၣ်ဘၣ်တၢ်လီၤတိၢ်လီၤဆီလၢ ပှၤနၢ်ပၢၢ်အဂ့ၢ်တသ့ဘၣ်အဂၤတမံၤလၢမူကပိာ်လိၤ, လၢအဒိၣ်ဝဲသွါဝဲဒီးလီၤကတုၤသးမးတမံၤန့ၣ်လီၤ. ကလူးအိၣ်ဝဲဒၣ်နွံဂၤ, လၢအအိၣ်ဒီးတၢ်နးတၢ်ဖှီၣ်နွံမံၤ, ဒီးမ့ၢ်ဝဲတၢ်နးတၢ်ဖှီၣ်လၢခံကတၢၢ်တဖၣ်, အဂ့ၢ်ဒ်အံၤ, မ့ၢ်ဝဲတၢ်ပာ်ဖျါထီၣ်ကစၢ်ယွၤအတၢ်သးထီၣ်, လၢခံကတၢၢ်န့ၣ်လီၤ.

လံာ်လီၣ်ဖျါ 21:11

ဒီးကပြုၢ်ကပြီၤထီၣ်ဝဲလၢကစၢ်ယွၤအလၤကပီၤန့ၣ် လီၤ. ဝ့ၢ်တဖျၢၣ်န့ၣ်ကပီၤဝဲဒ်လၢၢ်လုၢ်ဒိၣ်ပှ့ၤဒိၣ်, ဒ်လၢၢ်နကၤသွဲးဒီးအိၣ်ဖျါဆှံဝဲဒ်လၢၢ်ဖျါကလၤအသိး န့ၣ်လီၤ.