လံာ်လီၣ်ဖျါ 15:6 - Sgaw Karen Common Bible

⁶ ကလူးနွံဂၤလၢအအိၣ်ဒီးတၢ်နးတၢ်ဖှီၣ်နွံမံၤန့ၣ်, ဟဲထီၣ်လၢ တၢ်လုၢ်ဟံၣ်အပူၤ, ကူဝဲသိးဝဲလၢဖှီဝါကဆှၣ်လၢအကဆှီဒီး ကတြ့ၣ်ကတြိၣ်, ဒီးကံၢ်တူာ်အသးနါပှၢ်လၢတၢ်အကွီၤထူ တဖၣ်န့ၣ်လီၤ.

လံာ်လီၣ်ဖျါ 15:6 Iomraidhean Croise

လံာ်ဒၤနံးယ့လး 10:5

ယကွၢ်ထီၣ်ဒီးယထံၣ်တ့ၢ်ပှၤတဂၤသိးဆ့ဖှီဝါကဆှၣ်တဖၣ်အိၣ်ဒီးယီၢ် တကိးထူဂ့ၤဂ့ၤတဘိန့ၣ်လီၤ.

လံာ်လူၤကၣ် 24:4

ဖဲအဝဲသ့ၣ်အိၣ်ဆၢထၢၣ်ဖဲန့ၣ်ဒီးကမၢကမၣ်ဝဲလၢတၢ်တမံၤအံၤအဂ့ၢ်န့ၣ်, သတူၢ်ကလာ်ပှၤခံဂၤကူသိးတၢ်ကူတၢ်ကၤကပြုၢ်ကပြီၤ ဆၢထၢၣ်လၢအဝဲသ့ၣ်အဃၢၤလီၤ.

လံာ်လီၣ်ဖျါ 1:13

ဒီးလၢအဝဲသ့ၣ်တဖၣ်အသိးအကျါန့ၣ်, ပှၤအိၣ်ဝဲတဂၤလၢအလီၤဂာ်ဒီးပှၤကညီတဂၤ, ကူသိးဆ့ကၤဖးထီတဘ့ၣ်လၢအလီၤတုၤလၢအခီၣ် ထံး, ဒီးကံၢ်တူာ်ယီၢ်တကိးထူလၢအသးနါပှၢ်န့ၣ်လီၤ.

လံာ်လီၣ်ဖျါ 14:15

အန့ၣ်ဝံၤဒီးကလူးအဂၤတဂၤဟဲထီၣ်လၢတၢ်လုၢ်ဟံၣ် အပူၤဒီးကိးထီၣ်လၢအကလုၢ်ဖးဒိၣ်ဆူပှၤတဂၤလၢအဆ့ၣ်နီၤ လၢတၢ်အၢၣ်အလိၤန့ၣ်, “သူနထးဂဲာ်ဒီးကူးတၢ်တက့ၢ်, အဂ့ၢ်ဒ်အံၤတၢ်ဆၢကတီၢ်တုၤဃီၤဝဲလံ, ဟီၣ်ခိၣ်အဘုဂီၤထီၣ်ဒီးတၢ်ကူးဘုအဆၢကတီၢ်တုၤဃီၤလံ.

လံာ်လီၣ်ဖျါ 14:17

တၢ်န့ၣ်ဝံၤအလီၢ်ခံယထံၣ်ကလူးအဂၤတဂၤဟဲထီၣ်လၢတၢ်လုၢ် ဟံၣ်လၢမူခိၣ်, ဒီးအဝဲဒၣ်စ့ၢ်ကီးအိၣ်ဒီးထးဂဲာ် လၢအကနၣ်အ့ၣ် တဘ့ၣ်န့ၣ်လီၤ.

လံာ်လီၣ်ဖျါ 15:1

အန့ၣ်ဝံၤအလီၢ်ခံ, ယထံၣ်ဘၣ်တၢ်လီၤတိၢ်လီၤဆီလၢ ပှၤနၢ်ပၢၢ်အဂ့ၢ်တသ့ဘၣ်အဂၤတမံၤလၢမူကပိာ်လိၤ, လၢအဒိၣ်ဝဲသွါဝဲဒီးလီၤကတုၤသးမးတမံၤန့ၣ်လီၤ. ကလူးအိၣ်ဝဲဒၣ်နွံဂၤ, လၢအအိၣ်ဒီးတၢ်နးတၢ်ဖှီၣ်နွံမံၤ, ဒီးမ့ၢ်ဝဲတၢ်နးတၢ်ဖှီၣ်လၢခံကတၢၢ်တဖၣ်, အဂ့ၢ်ဒ်အံၤ, မ့ၢ်ဝဲတၢ်ပာ်ဖျါထီၣ်ကစၢ်ယွၤအတၢ်သးထီၣ်, လၢခံကတၢၢ်န့ၣ်လီၤ.

လံာ်လီၣ်ဖျါ 19:8

အဝဲဒၣ်ဘၣ်တၢ်ဟ့ၣ်လံအီၤတၢ်ကံးယာ်အလွဲၢ်ဝါလၢအကဆှီ, ဒီးကပြုၢ်ကပြီၤ, လၢအကကူဝဲသိးဝဲအဂီၢ်လီၤ.” (တၢ်ကံးယာ် အလွဲၢ်အဝါန့ၣ်, မ့ၢ်ဝဲကစၢ်ယွၤအပှၤဂီၢ်မုၢ်အတၢ်ဖံးတၢ်မၤအဂ့ၤ အဝါတဖၣ်လီၤ.)