လံာ်လီၣ်ဖျါ 15:5 - Sgaw Karen Common Bible

⁵ တၢ်န့ၣ်ဝံၤအလီၢ်ခံ, ယထံၣ်တၢ်လုၢ်ဟံၣ်လၢမူခိၣ်အိးထီၣ် အသး, အိၣ်ဒီးတၢ်အၢၣ်လီၤအီလီၤအဒဲလၢအအိပူၤန့ၣ်လီၤ.

လံာ်လီၣ်ဖျါ 15:5 Iomraidhean Croise

လံာ်တၢ်ဟးထီၣ်ကွံာ် 25:21

ဒၢနုာ်လၢၢ်ဘ့ၣ်ဘၣ်ခံဘ့ၣ်ဆူတလါအပူၤန့ၣ်ဒီးကးဘၢအီၤလၢ တလါအခိၣ်ကၢၢ်တက့ၢ်.

လံာ်တၢ်ဟးထီၣ်ကွံာ် 38:21

အအံၤမ့ၢ်တၢ်ကွဲးနီၣ်တမံၤဘၣ်ဃးဒီးစ့ဃါဃုာ်အနီၣ်ဂံၢ်တဖၣ် လၢဘၣ်တၢ်သူအီၤလၢယွၤအိၣ်ဝဲဆိးဝဲအဒဲစီဆှံအပူၤတၢ်လီၢ် ဖဲတၢ်ပာ်လၢၢ်ဘ့ၣ်ဘၣ်ခံဘ့ၣ်လၢတၢ်မၤလိာ်အထံၣ်တဆံအိၣ်ကွဲး အသိးလၢအလိၤန့ၣ်လီၤ. ဒ်စီၤမိၤၡ့ဟ့ၣ်လီၤအကလုၢ်အသိးတၢ်ကွဲးနီၣ်အံၤဘၣ်တၢ်မၤအီၤ လၢပှၤလ့ၤဝံဖိတဖၣ်လၢအမၤတၢ်လၢပှၤလုၢ်တၢ်အခိၣ်စီၤအၤဟရိၣ် အဖိခွါစီၤအံသမၢ်အတၢ်နဲၣ်ကျဲအဖီလာ်န့ၣ်လီၤ.

လံာ်တၢ်ဂံၢ် 1:50

အခိၣ်တလိာ်, ပာ်ပှၤလ့ၤဝံဖိတဖၣ်ဒ်ပှၤအံးထွဲကွၢ်ထွဲ ယအိၣ်ဝဲဆိးဝဲအဒဲစီဆှံဒီးကယဲၢ်အတၢ်ပီးတၢ်လီခဲလၢာ်အသိး တက့ၢ်. အဝဲသ့ၣ်ကဘၣ်စိာ်အီၤဃုာ်ဒီးအတၢ်ပီးတၢ်လီတဖၣ်, မၤတၢ်လၢအပူၤဒီးသူၣ်ထီၣ်အဒဲဝးတရံးအီၤန့ၣ်လီၤ.

လံာ်တၢ်ဂံၢ် 1:53

မ့မ့ၢ်ပှၤလ့ၤဝံဖိတဖၣ်ကဘၣ်သူၣ်ဒဲဝးတရံးဒဲစီဆှံလၢကကဟု ကယာ်အီၤအဂီၢ်, ဒ်သိးပှၤသုတဟဲဘူးအီၤနီတဂၤဒီးထိၣ်ဂဲၤယတၢ်သးထီၣ်လၢ ယကကျီကွံာ်အံၣ်စရ့လးအဒူၣ်အထၢတဂ့ၤအဂီၢ်န့ၣ်လီၤ.”

လံာ်မးသဲ 27:51

တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

ဧ့ၤဘြံၤ 8:5

အဝဲသ့ၣ်မၤတၢ်အခ့အပှၤအတၢ်မၤဒ်ပှၤလုၢ်တၢ်အခိၣ်တဖၣ် အသိးန့ၣ်, နီၢ်နီၢ်တခီမ့ၢ်ဒၣ်တၢ်လၢအမၤအသးလၢမူခိၣ်တၢ်လီၢ် စီဆှံအဒိဒီးအကဒုန့ၣ်လီၤ. တၢ်အဝဲအံၤဒ်သိးဒၣ်ဒီးတၢ်လၢအမၤအသးဒီးစီၤမိၤၡ့လီၤ. ဖဲစီၤမိၤၡ့ကဘှီထီၣ်တၢ်အၢၣ်လီၤအီလီၤအဒဲစီဆှံန့ၣ်ကစၢ်ယွၤ စံးဘၣ်အီၤဒီးစံးဝဲ, “ပလီၢ်နသးလၢနကသူၣ်ထီၣ်ဘှီထီၣ်တၢ်ခဲလၢာ်ဒ်တၢ်အဒိ လၢနဘၣ်တၢ်ဒုးနဲၣ်နၤလၢကစၢၢ်ဒီခိၣ်အသိးန့ၣ်တက့ၢ်.”

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 13:6

အဝဲဒၣ်စးထီၣ်ဆိၣ်အၢကစၢ်ယွၤ, ကစၢ်ယွၤအမံၤ, တၢ်လီၢ်ဖဲအအိၣ်ဝဲဆိးဝဲ, ဒီးပှၤအိၣ်ဝဲဆိးဝဲလၢမူခိၣ် ခဲလၢာ်ခဲဆ့န့ၣ်လီၤ.