လံာ်လီၣ်ဖျါ 15:3 - Sgaw Karen Common Bible

³ ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 15:3 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 6:49

စီၤအၤဟရိၣ်ဒီးအစၢၤအသွဲၣ်တဖၣ်ပာ်ထီၣ်တၢ်လုၢ်နၢမူ တဖၣ်ဒီးလုၢ်ထီၣ်တၢ်လုၢ်တၢ်ပာ်တဖၣ်လၢအဘၣ်တၢ်ဆူးကဲၤအီၤလၢတၢ် လုၢ်လီၢ်အဖီခိၣ်န့ၣ်လီၤ. အဝဲသ့ၣ်အိၣ်မူအိၣ်ဒါလၢတၢ်ဘူၣ်ထီၣ်ဘါထီၣ်ယွၤလၢတၢ်လီၢ်စီ ဆှံကတၢၢ်ခဲလၢာ်ဒီးလၢတၢ်လုၢ်တၢ်ပာ်တဖၣ်လၢကစၢ်ယွၤပျၢ်ကွံာ် ပှၤအံၣ်စရ့လးဖိတဖၣ်အတၢ်ဒဲးဘးအဂီၢ်န့ၣ်လီၤ. အဝဲသ့ၣ်မၤတ့ၢ်တၢ်အံၤခဲလၢာ်ဒ်တၢ်သိၣ်တၢ်သီလၢအဘၣ်တၢ်ဟ့ၣ် လီၤခီဖျိကစၢ်ယွၤအခ့အပှၤစီၤမိၤၡ့န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:6

လၢတၢ်န့ၣ်အဃိ, အဝဲကိးနုာ်အဝဲသ့ၣ်အပှၤအခိၣ်စီၤယဟိယဒါဒီး ဃ့ဆူၣ်တၢ်စံးဝဲ, တၢ်ခိတၢ်သွဲလၢယွၤအခ့အပှၤစီၤမိၤၡ့ မၢပှၤဂီၢ်မုၢ်ဟ့ၣ်အီၤလၢတၢ်မၤစၢၤယွၤအိၣ်ဝဲဆိးဝဲအဒဲ အဂီၢ်န့ၣ်, ဘၣ်မနုၤလၢနတမၢပှၤလ့ၤဝံဖိတဖၣ်ထၢဖှိၣ်အီၤလၢကီၢ်ယူဒၤ ဒီးဝ့ၢ်ယရူၤရှလ့ၣ်အပူၤလဲၣ်.”

လံာ်စီၤနဃ့မယၤ 9:14

နသိၣ်လိတ့ၢ်အဝဲသ့ၣ်လၢကတိၢ်န့ၢ်ဖံးဃာ်တၢ်ပာ်စီဆှံမုၢ်အိၣ် ဘှံးနံၤ, ဒီးနဟ့ၣ်လီၤအဝဲသ့ၣ်လၢနတၢ်သိၣ်တၢ်သီတဖၣ်ခီဖျိနခ့နပှၤစီၤမိၤၡ့န့ၣ်လီၤ.

လံာ်စီၤယိၤဘး 36:24

သ့ၣ်နီၣ်ထီၣ်က့ၤလၢနကဘၣ်ပာ်ဒိၣ်အတၢ်မၤလၢပှၤကိးဂၤဒဲး အဂီၢ်ဒီးစံးထီၣ်ပတြၢၤအီၤလၢတၢ်သးဝံၣ်န့ၣ်တက့ၢ်.

လံာ်စီၤယိၤဘး 5:9

တၢ်မၤအဒိၣ်အမုၢ်လၢကစၢ်ယွၤမၤဝဲတဖၣ်န့ၣ်ပသ့ၣ်ညါနၢ်ပၢၢ် အီၤတသ့ဘၣ်. ဒီးအတၢ်လီၤလိၢ်လီၤလးတဖၣ်န့ၣ်တၢ်ဂံၢ်အီၤ တလၢာ်ဘၣ်.

စံးထီၣ်ပတြၢၤ 100:5

အဂ့ၢ်ဒ်အံၤ, ယွၤန့ၣ်ဂ့ၤဝဲ, အတၢ်အဲၣ်ဂၢၢ်ကျၢၤအိၣ်ဝဲလီၤထူလီၤယိာ် ဒီးအကလုၢ်တီဝဲအစိၤစိၤအဃၣ်ဃၣ်လီၤ.

စံးထီၣ်ပတြၢၤ 105:5

သ့ၣ်နီၣ်ထီၣ်က့ၤတၢ်လီၤလးတဖၣ်လၢအမၤတ့ၢ်ဝဲ, အတၢ်မၤလီၤလးတဖၣ်, ဒီးတၢ်စံၣ်ညီၣ်လၢ အဟ့ၣ်လီၤဝဲန့ၣ်တက့ၢ်.

စံးထီၣ်ပတြၢၤ 111:2

တၢ်လၢယွၤမၤတဖၣ်န့ၣ်လီၤလးဆံးဒိၣ်လဲၣ်. ကယဲၢ်ပှၤလၢအဘၣ်သူၣ်ဘၣ်သးလၢ တၢ်သ့ၣ်တဖၣ်န့ၣ်ဆၢနၢ်ပၢၢ်ဝဲဒၣ်န့ၣ်လီၤ.

စံးထီၣ်ပတြၢၤ 111:7

လၢအတၢ်မၤခဲလၢာ်အပူၤအဝဲအိၣ်ဒီး တၢ်သူၣ်တီသးလိၤဒီးတၢ်မ့ၢ်တၢ်တီန့ၣ်လီၤ. ကယဲၢ်အတၢ်မၤလိာ်ခဲလၢာ်တဖၣ်န့ၣ် ဘၣ်တၢ်နာ်န့ၢ်အီၤသ့ဝဲဒၣ်န့ၣ်လီၤ.

စံးထီၣ်ပတြၢၤ 139:14

ယစံးထီၣ်ပတြၢၤနၤ, အဂ့ၢ်ဒ်အံၤ နမ့ၢ်တၢ်လီၤပျံၤအလီၢ် နတၢ်မၤတဖၣ်န့ၣ် မ့ၢ်တၢ်လီၤကမၢကမၣ်ဒီး တၢ်လီၤလးလီၤ. နသ့ၣ်ညါလၢလၢပှဲၤပှဲၤန့ၣ်လီၤ.

စံးထီၣ်ပတြၢၤ 145:17

ယွၤန့ၣ်တီဝဲလိၤဝဲလၢအတၢ်မၤခဲလၢာ်အပူၤ ဒီးအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

စံးထီၣ်ပတြၢၤ 145:6

ပှၤကကတိၤနတၢ်မၤလီၤလးတဖၣ်အစိအကမီၤ, ဒီးယကတဲဖျါနတၢ်ဒိၣ်တၢ်ထီန့ၣ်လီၤ.

စံးထီၣ်ပတြၢၤ 18:30

ကစၢ်ယွၤလၢယဘါအီၤအံၤအကျဲလၢပှဲၤဝဲ, ယွၤအတၢ်စံးပာ်န့ၣ်ဘၣ်တၢ်မၤကွၢ် ဒီးထံၣ်န့ၢ်အီၤလၢအတီဝဲလီၤ. အဝဲမ့ၢ်ကတီၤတဘ့ၣ်လၢပှၤလၢအ အိၣ်တဒၢလၢအပူၤခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 78:12

လၢအပၢ်တဖၣ်အမဲာ်ညါန့ၣ်, ကစၢ်ယွၤမၤတၢ်လီၤလးတဖၣ် လၢကီၢ်အဲၤကူပတူးအပူၤ, ဒီးစိၤဧၣ်အပျီပူၤန့ၣ်လီၤ.

စံးထီၣ်ပတြၢၤ 92:5

ယွၤဧၢ, နတၢ်မၤတဖၣ်န့ၣ်ဒိၣ်ဆံးဒိၣ်လဲၣ်. နတၢ်ဆိကမိၣ်တဖၣ်န့ၣ်ယိာ်မးလီၤ.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 45:21

ဟဲဒီးပာ်ဖျါထီၣ်သုတၢ်ဂ့ၢ်လၢကွီၢ်ဘျီၣ်ပူၤတက့ၢ်. ပျဲပှၤဒီဒၣ်လီၤက့ၤအသးတဖၣ်ကူၣ်လိာ်သကိးအသးတဂၤဒီးတဂၤတ က့ၢ်. မ့ၢ်မတၤကတိၤဆိပာ်လၢအပူၤကွံာ်ယံာ်တ့ၢ်မးလံလၢတၢ်မနုၤ မနုၤကမၤအသးန့ၣ်တဂၤလဲၣ်. တမ့ၢ်ယၤ, ယွၤ, ကစၢ်ယွၤလၢအအုၣ်က့ၤခီၣ်က့ၤ အပှၤဂီၢ်မုၢ်န့ၣ်ဘၣ်ဧါ. ကစၢ်အဂၤတအိၣ်ဘၣ်.

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်ဒၤနံးယ့လး 9:11

ပှၤအံၣ်စရ့လးဖိခဲလၢာ်လုၣ်သ့ၣ်ခါပတာ်လံနတၢ်သိၣ်တၢ် သီတဖၣ်ဒီးဂ့ၢ်လိာ်ဝဲဒ်သိးအသုတဒိကနၣ်ဘၣ်တၢ်လၢနကတိၤတ့ၢ် တဖၣ်တဂ့ၤန့ၣ်လီၤ. ပမၤတ့ၢ်တၢ်ဒဲးဘးထီဒါနၤလီၤ. မၤသးဒ်န့ၣ်ဒီးနဒုးလီၤဘၣ်ပှၤလၢတၢ်ဆိၣ်အၢဒ်အဘၣ်တၢ်ကွဲး တ့ၢ်အသးလၢနခ့နပှၤစီၤမိၤၡ့အတၢ်သိၣ်တၢ်သီအပူၤအသိးန့ၣ်လီၤ.

လံာ်ဟိၤၡ့ 14:9

မ်ပှၤလၢအကူၣ်သ့ကိးဂၤဒဲးနၢ်ပၢၢ်တၢ်လၢအကွဲးအသးဖဲအံၤ ဒီးမ်အတိၢ်န့ၢ်ဝဲလၢအသးပူၤန့ၣ်တက့ၢ်. ယွၤအကျဲန့ၣ်မ့ၢ်အဘၣ်ဒီးပှၤဂီၢ်မုၢ်လၢအတီဝဲလိၤဝဲကမူလၢ တၢ်ပိာ်ထွဲအီၤအဃိ, မ့မ့ၢ်ပှၤတၢ်ဒဲးဘးဖိတဖၣ်အခီၣ် ကဘၣ်တိၢ်ဒီးကလီၤဃံၤဝဲမ့ၢ်လၢအဝဲသ့ၣ်လဲၤကပာ်အီၤအဃိန့ၣ် လီၤ.

လံာ်မံကၤ 7:20

နကဒုးနဲၣ်နတၢ်သးတီဒီးတၢ်အဲၣ်တပယူာ်ဃီဆူနပှၤဂီၢ်မုၢ်, စီၤအၤဘြၣ်ဟၣ်ဒီးစီၤယၤကိာ်အစၢၤအသွဲၣ်တဖၣ်, ဒ်နအၢၣ်လီၤတ့ၢ်တၢ်ဒီးပမိၢ်ပၢ်ဖံဖုသ့ၣ်လၢပျၢၤလံၤလံၤအသိး န့ၣ်လီၤ.

လံာ်စဖါနယၤ 3:5

ဘၣ်ဆၣ်ယွၤအိၣ်ဒံးဝဲလၢဝ့ၢ်ပူၤ, မၤတၢ်လၢအဘၣ်ဒီးတၢ်လၢအကမၣ်န့ၣ်တမၤဝဲနီတစုဘၣ်. အဝဲဟဲစိာ်တၢ်တီတၢ်လိၤဆူအပှၤဂီၢ်မုၢ်အအိၣ်ကိးမုၢ်ဂီၤဒဲး ဒီးတလီၤတဲာ်တူာ်ဘၣ်. အန့ၣ်ဒၣ်လဲာ်ပှၤတတီတလိၤမၤဒံးတၢ် ကမၣ်ဒီးအမဲာ်တဆှးဘၣ်ဝဲဘၣ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 31:30

အန့ၣ်ဝံၤဒီးစီၤမိၤၡ့ရူးထီၣ်က့ၤတၢ်သးဝံၣ်ဒီတယုၢ်ညါဖဲ ကယဲၢ်ကီၢ်အံၣ်စရ့လးအပှၤဂီၢ်မုၢ်ဒိကနၣ်တၢ်န့ၣ်လီၤ.

လံာ်သိၣ်လီၤသီလီၤတၢ် 32:3

ယကစံးထီၣ်ပတြၢၤယွၤအမံၤ, ဒီးအဝဲအပှၤဂီၢ်မုၢ်ကတဲတၢ်ဘၣ်ထွဲဒီးအဝဲအတၢ်ဒိၣ်တၢ်မုၢ်အဂ့ၢ်န့ၣ်လီၤ.

လံာ်သိၣ်လီၤသီလီၤတၢ် 34:5

လၢတၢ်န့ၣ်အဃိ, ဒ်ယွၤစံးတ့ၢ်ဝဲလၢအဝဲကသံအသိးန့ၣ်, ယွၤအခ့အပှၤစီၤမိၤၡ့သံဝဲဖဲန့ၣ်, လၢကီၢ်မိၤအးအပူၤန့ၣ် လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 3:5

စီၤမိၤၡ့အကလုၢ်တီဝဲလၢယွၤအပှၤဂီၢ်မုၢ်အဖီခိၣ်ဒ်တၢ်အခ့ အပှၤတဂၤအသိး, ဒီးအဝဲကတိၤတၢ်ဘၣ်ဃးတၢ်လၢကစၢ်ယွၤ ကစံးကတိၤဝဲလၢခါလၢအကဟဲအပူၤတဖၣ်လီၤ.

လံာ်စီၤယိၤၡူ 22:5

ပာ်သူၣ်ပာ်သးလီၤတံၢ်လီၤဆဲးလၢသုကဒိကနၣ် တၢ်သိၣ်တၢ်သီလၢယွၤအခ့အပှၤစီၤမိၤၡ့မၤလိာ်တ့ၢ်သုလၢအမ့ၢ်ဝဲ, အဲၣ်ယွၤသုကစၢ်, မၤအတၢ်ဘၣ်အသး, ဒိကနၣ်အတၢ်မၤလိာ်တဖၣ်, တီဒီးအီၤ, ဒီးမၤအတၢ်လၢသုသးဒီဖျၢၣ်ညါဒီးသုသူၣ်ကံၢ်သးလဲန့ၣ်တက့ၢ်.”

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 11:17

“သ့တၢ်လၢာ်ကစၢ်ယွၤ, လၢအမ့ၢ်တၢ်, ဒီးမ့ၢ်တ့ၢ်ဝဲတဂၤဧၢ, ပစံးဘျုးနၤလၢနဟံးန့ၢ်တ့ၢ်လံနစိကမီၤအဒိၣ်အမုၢ်, ဒီးစးထီၣ်ပၢတၢ်အဃိန့ၣ်လီၤ.

လံာ်လီၣ်ဖျါ 14:3

ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်လီၣ်ဖျါ 14:8

ကလူးခံဂၤတဂၤပိာ်ထီၣ်တၢတဂၤအခံဒီးစံးဝဲ, “အဝဲ ဒၣ်လီၤပှီၢ်ကွံာ်ဝဲလံ, ဝ့ၢ်ဘၤဘူၤလိၣ်ဖးဒိၣ်လီၤပှီၢ်ကွံာ်ဝဲလံ. အဝဲဒၣ်မၢတ့ၢ်ပှၤကိးကလုာ်ဒဲးအီစပံးထံ, စပံးထံအဆူၣ်ဘၣ်ဃးဒီးအတၢ်ကလုာ်ကလိၤအတဂ့ၤ တဝါန့ၣ်လီၤ.”

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.

လံာ်လီၣ်ဖျါ 19:2

အဝဲအတၢ်စံၣ်ညီၣ်တဖၣ်မ့ၢ်ဝဲတီဝဲ, ဒီးတီဝဲလိၤဝဲလီၤ. အဝဲစံၣ်ညီၣ်ဃၣ်တ့ၢ်လံဃဲသဲမုၣ်လၢအမၤဟးဂီၤဟီၣ်ခိၣ်လၢ အလုၢ်အၢလၢ်သီန့ၣ်လီၤ. ကစၢ်ယွၤစံၣ်ညီၣ်တ့ၢ်လံအီၤမ့ၢ်လၢအဝဲဒၣ်မၤသံတ့ၢ် ကစၢ်ယွၤအခ့အပှၤတဖၣ်အဃိလီၤ.”

လံာ်လီၣ်ဖျါ 4:8

တၢ်အိၣ်ဒီးအသးသမူလွံၢ်ဒုအံၤ, တဒုဒီးတဒုအိၣ်ဒီးအဒံး ဆ့ဃုဘ့ၣ်, ဒီးအဝဲသ့ၣ်အိၣ်ပှဲၤဒီးမဲာ်ချံတဖၣ်လၢအအိပူၤဒီး လၢအချၢတကပၤန့ၣ်လီၤ. ဒီနံၤဒီနၤ, အဝဲသ့ၣ်တဆိကတီၢ် ဘၣ်ဒီးသးဝံၣ်ဝဲဒ်အံၤ, “ကစၢ်ယွၤလၢအသ့တၢ်လၢာ်, လၢအအိၣ်တ့ၢ်လံလၢပျၢၤလံၤလံၤ, အိၣ်ဝဲခဲကနံၣ်အံၤ, ဒီးအကဟဲဝဲတဂၤန့ၣ်, စီဆှံ, စီဆှံ, စီဆှံဝဲလီၤ.”