လံာ်လီၣ်ဖျါ 15:2 - Sgaw Karen Common Bible

² ဒီးယထံၣ်တၢ်လၢအလီၤဂာ်ပီၣ်လဲၣ်ယွၤခၣ်စိးအိၣ်ဃါဃုာ် အသးဒီးမ့ၣ်အူန့ၣ်လီၤ. ယထံၣ်ဘၣ်စ့ၢ်ကီးပှၤတဖၣ်လၢအမၤနၢၤတၢ်ဒူတၢ်ဃိၤဒီး အက့ၢ်အဂီၤ, ဒီးမၤနၢၤပှၤတဂၤလၢအမံၤဘၣ်တၢ်ပာ်ဖျါ အီၤခီဖျိနီၣ်ဂံၢ်တဖျၢၣ်န့ၣ်လီၤ. အဝဲသ့ၣ်အိၣ်ဆၢထၢၣ်လၢပီၣ်လဲၣ်ယွၤခၣ်စိးအကပၤ, ဟံးဃာ်တနၢ်သ့ၣ်တဖၣ်လၢကစၢ်ယွၤဟ့ၣ်အဝဲသ့ၣ်,

လံာ်လီၣ်ဖျါ 15:2 Iomraidhean Croise

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:17

ပှၤလၢအတအိၣ်ဒီးတၢ်ပနီၣ်အဝဲအံၤန့ၣ်, ပှ့ၤတၢ်မ့ၢ်ဂ့ၤဆါတၢ်မ့ၢ်ဂ့ၤတသ့နီတဂၤဘၣ်. ဒ်ပစံးတၢ်အသိး, တၢ်ပနီၣ်လၢအမ့ၢ်ဝဲတၢ်ဒူတၢ်ဃိၤအမံၤ, မ့တမ့ၢ်နီၣ်ဂံၢ်လၢအပာ်ဖျါထီၣ်မံၤအဝဲန့ၣ်လီၤ.

လံာ်လီၣ်ဖျါ 21:18

တၢ်ဒူၣ်န့ၣ်ဘၣ်တၢ်မၤအီၤလၢလၢၢ်နကၤသွဲး, ဒီးဝ့ၢ်အနီၢ်ကစၢ်ဒၣ်ဝဲဘၣ်တၢ်ဘှီအီၤလၢထူအစီအိၣ်ဖျါ ဆှံဝဲဒ်ယွၤခၣ်စိးအသိးလီၤ.

လံာ်လီၣ်ဖျါ 4:6

ဖဲလီၢ်ပစိာ်အမဲာ်ညါန့ၣ်တၢ်အိၣ်စ့ၢ်ကီးဝဲတမံၤလၢအလီၤ ဂာ်ဒီးပီၣ်လဲၣ်ယွၤခၣ်စိး, လၢအဆှံဝဲဒ်လၢၢ်ဖျါကလၤအသိး န့ၣ်လီၤ. ဝးတရံးလီၢ်ပစိာ်, ဖဲအကပၤတကပၤဒီးတကပၤစုာ်စုာ်န့ၣ်, တၢ်အိၣ်ဒီးအသးသမူလွံၢ်ဒုအိၣ်ဝဲ, အိၣ်ပှဲၤဒီးအမဲာ်ချံတဖၣ်လၢအမဲာ်ညါဒီးအလီၢ်ခံန့ၣ်လီၤ.

လံာ်လီၣ်ဖျါ 5:8

ဖဲအမၤဝဲဒ်န့ၣ်န့ၣ်, တၢ်အသးသမူအိၣ်လွံၢ်ဒုဒီးပှၤသူၣ်က့သး ပှၢ်ခံဆံလွံၢ်ဂၤထိၣ်လီၤပှီၤအသးလၢသိဖိအမဲာ်ညါလီၤ. အဝဲသ့ၣ်တဒုဘၣ်တဒု, တဂၤဘၣ်တဂၤအိၣ်ဒီးတနၢ်တဆိဒီးသလၢထူတဖၣ်လၢ အပှဲၤဒီးတၢ်နၢမူနၢဆှီ, လၢအမ့ၢ်ကစၢ်ယွၤအပှၤဂီၢ်မုၢ်အတၢ်ထုကဖၣ်တဖၣ်န့ၣ်လီၤ.