လံာ်လီၣ်ဖျါ 14:9 - Sgaw Karen Common Bible

⁹ ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,

လံာ်လီၣ်ဖျါ 14:9 Iomraidhean Croise

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်လီၣ်ဖျါ 14:11

မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 16:2

ကလူးတၢတဂၤလဲၤဒီးဂၢ်လီၤအသလၢလၢဟီၣ်ခိၣ်ချၢလီၤ. တၢ်ပူၤလီၢ်ပူၤကျဲလၢအလီၤပျံၤလီၤဖုးဒီးအဆါမးတဖၣ် ဟဲထီၣ်လၢပှၤအိၣ်ဒီးတၢ်ဒူတၢ်ဃိၤအပနီၣ်တဖၣ်အလိၤ, ဒီးလၢပှၤဘါတၢ်ဒူတၢ်ဃိၤအက့ၢ်အဂီၤတဖၣ်အလိၤန့ၣ်လီၤ.

လံာ်လီၣ်ဖျါ 7:3

ကလူးန့ၣ်စံးဝဲ, “တချုးဒံးလၢပမၤပနီၣ်ဃာ်ပကစၢ်ယွၤအခ့ အပှၤတဖၣ်လၢတၢ်စဲပနီၣ်ဃာ်, လၢအခိၣ်တိသၣ်ဒံးဘၣ်န့ၣ်, တဘၣ်မၤဘၣ်ဒိဘၣ်ထံးဟီၣ်ခိၣ်မ့ၢ်ဂ့ၤ, ပီၣ်လဲၣ်မ့ၢ်ဂ့ၤ, သ့ၣ်ဧိၤဝၣ်ဧိၤတဖၣ်မ့ၢ်ဂ့ၤနီတမံၤဒံးတဂ့ၤ.”