လံာ်လီၣ်ဖျါ 14:6 - Sgaw Karen Common Bible

⁶ အန့ၣ်ဝံၤဒီး, ယထံၣ်ကလူးအဂၤတဂၤယူၤဝဲဒၣ်ထီထီကလဲာ်လၢ ကလံၤကျါအိၣ်ဒီးတၢ်ကစီၣ်အထူအယိာ်ဘၣ်ဃးတၢ်သးခု ကစီၣ်လၢအကဘိးဘၣ်သ့ၣ်ညါဝဲဆူပှၤအိၣ်လၢဟီၣ်ခိၣ်ချၢ တဖၣ်, ဆူပှၤကိးကလုာ်ဒဲး, ပှၤကိးဒူၣ်ကိးထၢဒဲး, ပှၤကတိၤ ကျိာ်တကျိာ်လၢ်လၢ်, ဒီးထံကီၢ်ကိးကီၢ်ဒဲးအအိၣ်န့ၣ်လီၤ.

လံာ်လီၣ်ဖျါ 14:6 Iomraidhean Croise

လံာ်တၢ်ကဲထီၣ်အခီၣ်ထံး 1:6

ဒီးကစၢ်ယွၤခါလီၤအကလုၢ်, “မ်မူကပိာ်လိၤကဲထီၣ်လၢကနီၤဖး ထံဒီးပာ်လီၤဖးအီၤလၢတၢ်လီၢ်ခံတီၤတက့ၢ်,” ဒီးတၢ်မၤအသးဒ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:5

ဒီးတၢ်န့ၣ်မ့ၢ်ကစၢ်ယွၤကဆိၣ်ဂ့ၤယစၢၤယသွဲၣ်တဖၣ် ဒ်လဲၣ်ဒ်လဲၣ်အဂ့ၢ်, မ့ၢ်လၢအဝဲမၤတ့ၢ်တၢ်အၢၣ်လီၤအီလီၤအထူအယိာ်တမံၤဒီးယၤ, ဒီးတၢ်အၢၣ်လီၤခံခီယၢ်ခီတမံၤလၢအဟးဂီၤကွံာ်အီၤတသ့ဘၣ်, တၢ်အၢၣ်လီၤတမံၤလၢတၢ်လဲလိာ်ကွံာ်တသ့ဘၣ်န့ၣ်လီၤ. တၢ်န့ၣ်မ့ၢ်တၢ်ခဲလၢာ်လၢယမိၢ်န့ၢ်သးလီၤအီၤန့ၣ်လီၤ. တၢ်န့ၣ်ကမ့ၢ်ယတၢ်မၤနၢၤ, ဒီးကစၢ်ယွၤကမၤလၢထီၣ်ပှဲၤထီၣ်အီၤသပှၢ်တၢၢ်န့ၣ်လီၤ.

စံးထီၣ်ပတြၢၤ 119:142

နတၢ်တီတၢ်လိၤန့ၣ်ကအိၣ်ဝဲလီၤထူလီၤယိာ်, ဒီးနတၢ်သိၣ်တၢ်သီန့ၣ်မ့ၢ်တၢ်မ့ၢ်တၢ်တီလီၤ.

စံးထီၣ်ပတြၢၤ 139:24

ဒီးကျဲအအၢလၢယပူၤမ့ၢ်အိၣ်, တအိၣ်လဲၣ်န့ၣ်ကွၢ်, ဒီးဆှၢယၤလၢကျဲအထူအယိာ်အပူၤတက့ၢ်.

စံးထီၣ်ပတြၢၤ 145:13

နတၢ်ပၢတၢ်ပြးန့ၣ်အိၣ်ဝဲလီၤထူလီၤယိာ် ဒီးနမ့ၢ်စီၤပၤအစိၤစိၤအဃၣ်ဃၣ်န့ၣ်လီၤ. ယွၤန့ၣ်တီဒီးအတၢ်အၢၣ်လီၤတဖၣ်, အဝဲအိၣ်ဒီးတၢ်သးကညီၤလၢ အတၢ်မၤခဲလၢာ်အပူၤလီၤ.

လံာ်ယၡါယၤ 40:8

မ့ၢ်လီၤ. နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံး လီၤဘဲဝဲလီၤ. မ့မ့ၢ်ပကစၢ်ယွၤအကလုၢ်အိၣ်ဂၢၢ်ဆိးကျၢၤဝဲလီၤထူလီၤယိာ် လီၤ.”

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယၡါယၤ 51:8

အဝဲသ့ၣ်ကဟါမၢ်ကွံာ်ဝဲဒ်တၢ် ကူတၢ်ကၤလၢအဃၢ်အီၣ်ကွံာ်အီၤအသိးလီၤ. မ့မ့ၢ်, တၢ်မၤပူၤဖျဲးလၢယဟဲစိာ်န့ၢ်သုန့ၣ်, ကအိၣ်ဂၢၢ်ဆိးကျၢၤဝဲလီၤထူလီၤယိာ်လီၤ. ယတၢ်မၤနၢၤကအိၣ်ဂၢၢ်အိၣ်ကျၢၤ ကိးဆၢကိးကတီၢ်ဒဲးလီၤ.”

လံာ်ယၡါယၤ 6:2

စ့ရၤဖးတဖၣ်ဆၢထၢၣ်ဝးတရံးအီၤတဂၤအိၣ်ဒီးအဒံးဆ့ ဃုဘ့ၣ်စုာ်စုာ်လီၤ. မၤဘၢအမဲာ်ခံဘ့ၣ်, ဒီးအနီၢ်ခိခံဘ့ၣ်ဒီးအဂၤခံဘ့ၣ်န့ၣ်သူဝဲလၢကယူၤဝဲအဂီၢ်လီၤ.

လံာ်ယဃ့းစက့လး 1:14

တၢ်ဘၣ်တ့တဖၣ်အကစၢ်ဒၣ်ဝဲဃ့ၢ်သဘျိၣ်ဆူန့ၣ်ဆူအံၤချ့ဝဲဒ်လီ ဝၢ်ဒံးအသိးန့ၣ်လီၤ.

လံာ်ဒၤနံးယ့လး 4:1

စီၤပၤနဘူၤကးန့စၢ်ဘိးဘၣ်သ့ၣ်ညါလီၤတၢ်ဆူကယဲၢ်ပှၤဂီၢ် မုၢ်လၢထံကီၢ်ခဲလၢာ်, ပှၤကိးကလုာ်ဒဲး, ဒီးပှၤကတိၤကျိာ် အကလုာ်ကလုာ်လၢအအိၣ်လၢဟီၣ်ခိၣ်ဒီဘ့ၣ်, “မ်တၢ်ဃူတၢ်မုာ်ဂံၢ်အါထီၣ်အသးလၢသုဂီၢ်တက့ၢ်.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.

လံာ်မးသဲ 10:27

တၢ်လၢယတဲဘၣ်သုလၢတၢ်ခံးကျါန့ၣ်, သုကဘၣ်ကတိၤဖျါထီၣ်အီၤ လၢတၢ်ကပီၤအကျါဒီးတၢ်လၢသုနၢ်ဟူကသွံဒံန့ၣ်, သုကဘၣ်ကိးသတြီထီၣ်အီၤလၢဟံၣ်ခိၣ်အဖီခိၣ်ဒ်သိးပှၤဂၤကနၢ်ဟူ အဂီၢ်လီၤ.

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 1:25

မ့မ့ၢ်, ကစၢ်ယွၤအကလုၢ်ကထါအိၣ်ဝဲဆိးဝဲ လီၤထူလီၤယိာ်လီၤ” (ၡါ ၄၀:၆-၈). ဒီးတၢ်ကလုၢ်အံၤမ့ၢ်တၢ်သးခုကစီၣ်လၢအဘၣ်တၢ်စံၣ်တဲၤတဲလီၤ န့ၢ်သုန့ၣ်လီၤ.

လံာ်လီၣ်ဖျါ 10:11

အန့ၣ်ဝံၤအလီၢ်ခံ ယဘၣ်တၢ်စံးဘၣ်ယၤ, “မၤကဒီးတစုနကဘၣ်ကတိၤကဒီးတၢ်လၢဝံ အကျိာ်ဘၣ်ဃးကီၢ်အါဘ့ၣ်, ပှၤကလုာ်အါကလုာ်, ကျိာ်အါကျိာ်ဒီးစီၤလိၣ်စီၤပၤအါဂၤအဂ့ၢ်လီၤ.”

လံာ်လီၣ်ဖျါ 10:7

မ့မ့ၢ်ဖဲကလူးနွံဂၤတဂၤအူထီၣ်ကွဲၤန့ၣ်, ကစၢ်ယွၤကမၤလၢထီၣ်ပှဲၤထီၣ်အတၢ်ကူၣ်ထီၣ်ဖးလီၤခူသူၣ်, ဒ်အဝဲဒၣ်ဘိးဘၣ်သ့ၣ်ညါတ့ၢ်ဝဲအခ့အပှၤဝံတဖၣ် အသိး န့ၣ်လီၤ.”

လံာ်လီၣ်ဖျါ 13:7

တၢ်ဟ့ၣ်အီၤအခွဲးလၢအကဒုးတၢ်ထီဒါကစၢ်ယွၤ အပှၤဂီၢ်မုၢ်, ဒီးမၤနၢၤကွံာ်အဝဲသ့ၣ်, ဒီးတၢ်ဟ့ၣ်အီၤတၢ်စိတၢ်ကမီၤလၢကယဲၢ်ဒူၣ် ထၢ, ထံကီၢ်, ပှၤကတိၤကျိာ်တကျိာ်လၢ်လၢ်ဒီးပှၤကလုာ် တကလုာ်လၢ်လၢ်, အဖီခိၣ်န့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်လီၣ်ဖျါ 8:13

တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”