လံာ်လီၣ်ဖျါ 14:3 - Sgaw Karen Common Bible

³ ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်လီၣ်ဖျါ 14:3 Iomraidhean Croise

စံးထီၣ်ပတြၢၤ 144:9

ကစၢ်ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ, ယကဒ့တနၢ်ဒီးသးဝံၣ်ထီၣ်နၤလီၤ.

စံးထီၣ်ပတြၢၤ 149:1

စံးထီၣ်ပတြၢၤယွၤတက့ၢ်. သးဝံၣ်ထီၣ်ယွၤလၢတၢ်သးဝံၣ်အသီ, စံးထီၣ်ပတြၢၤအီၤလၢပှၤလၢအသးတီဒီးအီၤ အတၢ်အိၣ်ဖှိၣ်အပူၤန့ၣ်တက့ၢ်.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

စံးထီၣ်ပတြၢၤ 33:3

သးဝံၣ်ထီၣ်အီၤလၢတၢ်သးဝံၣ်အသီ, ဒ့သီတူၢ်လၢတၢ်သ့တၢ်ဘၣ်အလၢာ် ဒီးကိးထီၣ်အီၤလၢတၢ်သးခုန့ၣ်တက့ၢ်.

စံးထီၣ်ပတြၢၤ 40:3

အဝဲသိၣ်လိတ့ၢ်ယၤလၢယကသးဝံၣ်တၢ်သးဝံၣ်အသီ, တၢ်သးဝံၣ်စံးထီၣ်ပတြၢၤဆူပကစၢ်ယွၤန့ၣ်လီၤ. ပှၤအါဂၤလၢအထံၣ်တၢ်အံၤ ကအိၣ်ဒီးတၢ်ပျံၤဒီးတၢ်နာ်လၢယွၤအပူၤန့ၣ်လီၤ.

စံးထီၣ်ပတြၢၤ 96:1

အိ, သးဝံၣ်ထီၣ်ယွၤလၢတၢ်သးဝံၣ်အသီ, သးဝံၣ်ထီၣ်ယွၤဟီၣ်ခိၣ်ဖိခဲလၢာ်သ့ၣ်ဧၢ,

စံးထီၣ်ပတြၢၤ 98:1

သးဝံၣ်ထီၣ်ယွၤလၢတၢ်သးဝံၣ်အသီတက့ၢ်. အဂ့ၢ်ဒ်အံၤ, အဝဲမၤတ့ၢ်တၢ်လီၤလးတဖၣ်လီၤ. အစုထွဲဒီးအစုဒုၣ်စီဆှံ မၤတ့ၢ်တၢ်အုၣ်က့ၤခီၣ်က့ၤလၢအဂီၢ်လီၤ.

လံာ်ယၡါယၤ 42:10

သးဝံၣ်ထီၣ်တၢ်သးဝံၣ်အသီတယုၢ်ဆူယွၤတက့ၢ်. ကယဲၢ်တၢ်အိၣ်လၢဟီၣ်ခိၣ်ခဲလၢာ်သ့ၣ်ဧၢ, သးဝံၣ်အတၢ်စံးထီၣ်ပ တြၢၤတက့ၢ်. သုဝဲလၢအလဲၤတၢ်လၢပီၣ်လဲၣ်သ့ၣ်ဧၢ, စံးထီၣ်ပတြၢၤအီၤတ က့ၢ်. ကယဲၢ်ပှၤလၢအအိၣ်လၢထံယံၤကီၢ်ယံၤခဲလၢာ်သ့ၣ်ဧၢ, သးဝံၣ်ထီၣ်တက့ၢ်.

1 ကရံၣ်သူး 1:18

အဂ့ၢ်ဒ်အံၤ, လၢပှၤလီၤမၢ်တဖၣ်အဂီၢ်န့ၣ်, တၢ်ကစီၣ်ဘၣ်ဃးခရံာ်အတၢ်သံလၢထူၣ်စုညါအလိၤတမ့ၢ်တၢ်လၢ အခီပညီအိၣ်ဘၣ်. မ့မ့ၢ်, လၢပဝဲပှၤဒိးန့ၢ်တၢ်အုၣ်က့ၤခီၣ်က့ၤတဖၣ် အဂီၢ်န့ၣ်, ခရံာ်အတၢ်သံလၢထူၣ်စုညါအလိၤမ့ၢ်ဝဲကစၢ်ယွၤအစိ ကမီၤလီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

လံာ်လီၣ်ဖျါ 14:1

တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.

လံာ်လီၣ်ဖျါ 15:3

ဒီးသးဝံၣ်ယွၤအခ့အပှၤ, စီၤမိၤၡ့အတၢ်သးဝံၣ်, ဒီးသိဖိ အတၢ်သးဝံၣ်ဒီးစံးဝဲ, “သ့တၢ်လၢာ်ကစၢ်ယွၤဧၢ, နတၢ်ဖံးတၢ်မၤတဖၣ်ဒိၣ်ဝဲသွါဝဲ, ဒီးလီၤလိၢ်လီၤလးမးလဲၣ်. ထံဧိၤကီၢ်ဧိၤတဖၣ်အစီၤပၤဧၢ, နကျဲဧိၤကပူၤဧိၤတဖၣ်လိၤဝဲဘၣ်ဝဲ, ဒီးမ့ၢ်ဝဲတီဝဲဆံးဒိၣ်လဲၣ်.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.

လံာ်လီၣ်ဖျါ 7:4

ဒီးယဘၣ်တၢ်စံးဘၣ်တဲဘၣ်ယၤလၢပှၤတဖၣ်လၢတၢ်မၤပနီၣ် ကစၢ်ယွၤအတၢ်စဲပနီၣ်ဃာ်လၢအခိၣ်တိသၣ်အလိၤန့ၣ်, အနီၣ်ဂံၢ်အိၣ်ဝဲအဂၤ ၁၄၄,ဝ၀၀ န့ၣ်လီၤ. အဝဲသ့ၣ်တဖၣ်န့ၣ်ဟဲလၢအံၣ်စရ့လးအဒူၣ်တဆံခံဒူၣ်,