လံာ်လီၣ်ဖျါ 14:18 - Sgaw Karen Common Bible

¹⁸ တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”

လံာ်လီၣ်ဖျါ 14:18 Iomraidhean Croise

လံာ်ယိၤအ့လး 3:13

ဒီၣ်တဲာ်ကွံာ်အီၤဒ်ဘုဧိၤဟုဧိၤလၢကူးဘု အကတီၢ်အသိး, ဒီးမၤသဘှံးကွံာ်အဝဲသ့ၣ်ဒ်စပံးသၣ်လၢတၢ်ဂံာ်စပံးထံ အဆၢၣ်အပူၤအသိး, တုၤစပံးထံပှဲၤလုာ်ကွံာ်န့ၣ်တက့ၢ်. အဂ့ၢ်ဒ်အံၤအဝဲသ့ၣ်အၢဝဲသီဝဲဒိၣ်မးလီၤ.

လံာ်မၢ်ကူး 4:29

တုၤအသၣ်တဖၣ်ဂီၤထီၣ်ဒီး အဝဲစိာ်ထီၣ်အထါဂဲာ်ဒီးလဲၤကူးဝဲဒၣ်, မ့ၢ်လၢကူးဘုအဆၢကတီၢ်ဘၣ်လံအဃိလီၤ.

လံာ်လီၣ်ဖျါ 16:7

တုၤနုၤတစုယနၢ်ဟူတၢ်ကလုၢ်လၢတၢ်လုၢ်လီၢ်န့ၣ်စံးဝဲ, “သ့တၢ်လၢာ်ကစၢ်ယွၤဧၢ, နတၢ်စံၣ်ညီၣ်တဖၣ်န့ၣ်, မ့ၢ်ဝဲတီဝဲဒီးတီဝဲလိၤဝဲဘၣ်ဝဲစဲဃဲၤန့ၣ်လီၤ.”

လံာ်လီၣ်ဖျါ 16:8

အန့ၣ်ဝံၤဒီး, ကလူးလွံၢ်ဂၤတဂၤဂၢ်လီၤအသလၢလၢမုၢ် အလိၤ, ဒီးတၢ်ပျဲအမၤကိၢ်ဃိာ်ပှၤကညီလၢအတၢ်ကိၢ်လၢ အဆူၣ်မးန့ၣ်လီၤ.

လံာ်လီၣ်ဖျါ 8:3

ကလူးအဂၤတဂၤလၢအအိၣ်ဒီးတၢ်ဆိၣ်ကဲၤနၢမူအလီခီထူ တဘ့ၣ်န့ၣ်, ဟဲဒီးဆၢထၢၣ်ဝဲဒၣ်ဖဲတၢ်လုၢ်လီၢ်အခီၣ်ထံးလီၤ. အဝဲဒၣ်ဘၣ်တၢ်ဟ့ၣ်အီၤတၢ်နၢမူနၢဆှီအါအါဂီၢ်ဂီၢ်ဒ်သိး အကမၤအါထီၣ်ကစၢ်ယွၤအပှၤစီဆှံခဲလၢာ်အတၢ်ထုကဖၣ် တဖၣ်, ဒီးကလုၢ်ထီၣ်အီၤလၢတၢ်လုၢ်လီၢ်ထူအဖီခိၣ်, တၢ်လုၢ်လီၢ်ထူလၢအအိၣ်ဆၢထၢၣ်ဝဲဒၣ်ဖဲလီၢ်ပစိာ် အမဲာ်ညါန့ၣ်အဂီၢ်လီၤ.