လံာ်လီၣ်ဖျါ 14:15 - Sgaw Karen Common Bible

¹⁵ အန့ၣ်ဝံၤဒီးကလူးအဂၤတဂၤဟဲထီၣ်လၢတၢ်လုၢ်ဟံၣ် အပူၤဒီးကိးထီၣ်လၢအကလုၢ်ဖးဒိၣ်ဆူပှၤတဂၤလၢအဆ့ၣ်နီၤ လၢတၢ်အၢၣ်အလိၤန့ၣ်, “သူနထးဂဲာ်ဒီးကူးတၢ်တက့ၢ်, အဂ့ၢ်ဒ်အံၤတၢ်ဆၢကတီၢ်တုၤဃီၤဝဲလံ, ဟီၣ်ခိၣ်အဘုဂီၤထီၣ်ဒီးတၢ်ကူးဘုအဆၢကတီၢ်တုၤဃီၤလံ.

လံာ်လီၣ်ဖျါ 14:15 Iomraidhean Croise

လံာ်တၢ်ကဲထီၣ်အခီၣ်ထံး 15:6

စီၤအၤဘြၣ်နာ်ယွၤဒီးမ့ၢ်လၢတၢ်အံၤအဃိယွၤဘၣ်သူၣ်ဘၣ်သးအီၤ ဒီးတူၢ်လိာ်အီၤန့ၣ်လီၤ.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယံးရမံယၤ 51:33

တယံာ်လၢၤဘၣ်န့ၣ်, ဒုၣ်ဒါကကျီလီၤကွံာ်အဝဲသ့ၣ်ဒီး ကယီၢ်တံၢ်အီၤဒ် ဘုဧိၤဟုဧိၤလၢကြဲၢ်ပူၤအသိးန့ၣ်လီၤ. ယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ, ကတိၤလံတၢ်လံ.”

လံာ်ယိၤအ့လး 3:13

ဒီၣ်တဲာ်ကွံာ်အီၤဒ်ဘုဧိၤဟုဧိၤလၢကူးဘု အကတီၢ်အသိး, ဒီးမၤသဘှံးကွံာ်အဝဲသ့ၣ်ဒ်စပံးသၣ်လၢတၢ်ဂံာ်စပံးထံ အဆၢၣ်အပူၤအသိး, တုၤစပံးထံပှဲၤလုာ်ကွံာ်န့ၣ်တက့ၢ်. အဂ့ၢ်ဒ်အံၤအဝဲသ့ၣ်အၢဝဲသီဝဲဒိၣ်မးလီၤ.

လံာ်မးသဲ 13:30

ပျဲအဝဲသ့ၣ်ခံကလုာ်လၢာ်ဒိၣ်ထီၣ်တပူၤဃီတက့ၢ်. တုၤကူးဘုအကတီၢ်ဘၣ်ဒီးယကစံးဘၣ်ပှၤကူးဘုဖိတဖၣ်လၢ အကထဲးထီၣ်ဆိနီၣ်စံစၣ်, စၢကဒိၣ်အီၤတကဒိၣ်ဘၣ်တကဒိၣ် ဒီးဆူးထီၣ်ကွံာ်အီၤလၢမ့ၣ်အူအပူၤလီၤ. မ့မ့ၢ်ဘုဧိၤဟုဧိၤန့ၣ်ယကမၢအထၢဖှိၣ်ဝဲဒီးဂၢ်ဖှိၣ်လၢယဖီပူၤလီၤ.’ ”

လံာ်မးသဲ 13:39

ဒီးဒုၣ်ဒါလၢအဖှံလီၤအဝဲသ့ၣ်န့ၣ်, မ့ၢ်မုၣ်ကီၤလံၢ်လီၤ. ကူးဘုအဆၢကတီၢ် မ့ၢ်မုၢ်နံၤခံကတၢၢ်အကတီၢ်, ဒီးပှၤကူးဘုဖိတဖၣ် မ့ၢ်ကလူးတဖၣ်လီၤ.

လံာ်မးသဲ 23:32

မ့မ့ၢ်ဒ်န့ၣ်ဒီး, မၤဝံၤက့ၤတၢ်မၤလၢသုဖံသုဖုတဖၣ်စးထီၣ်မၤတ့ၢ်လံဝဲန့ၣ် တက့ၢ်.

လံာ်မၢ်ကူး 4:29

တုၤအသၣ်တဖၣ်ဂီၤထီၣ်ဒီး အဝဲစိာ်ထီၣ်အထါဂဲာ်ဒီးလဲၤကူးဝဲဒၣ်, မ့ၢ်လၢကူးဘုအဆၢကတီၢ်ဘၣ်လံအဃိလီၤ.

၁ သ့းစၤလနံ 2:16

အဝဲသ့ၣ်ဂုာ်ကျဲးစၢးတြီဒၣ်လဲာ်ပှၤဒ်သိးတၢ်ကစီၣ်လၢ အကဟဲစိာ်န့ၢ်တၢ်အုၣ်က့ၤခီၣ်က့ၤန့ၣ်, ပသုတစံၣ်တဲၤတဲလီၤန့ၢ်ပှၤကလုာ်ဂၤတဖၣ်တဂ့ၤန့ၣ်လီၤ. အဝဲအံၤမ့ၢ်တၢ်လၢအမၤလၢထီၣ်ပှဲၤထီၣ်တၢ်ဒဲးဘးခဲ လၢာ်လၢအဝဲသ့ၣ်မၤတ့ၢ်ဝဲထီဘိန့ၣ်လီၤ. ဒီးခဲကနံၣ်အံၤကစၢ်ယွၤအတၢ်သးထီၣ်တုၤအိၣ်အဝဲသ့ၣ် လံန့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 13:12

အဝဲဒၣ်သူတၢ်ဒူတၢ်ဃိၤအဆိကတၢၢ်တဒုအတၢ်စိတၢ် ကမီၤခဲလၢာ်လၢအမဲာ်ညါဒၣ်ဝဲန့ၣ်လီၤ. အဝဲဒၣ်မၢဆူၣ် ဟီၣ်ခိၣ်, ဒီးပှၤအိၣ်ဝဲဆိးဝဲလၢအပူၤခဲလၢာ်ဒ်သိးအကဘူၣ် ထီၣ်ဘါထီၣ်တၢ်ဒူတၢ်ဃိၤတၢတဒု, လၢအအိၣ်ဒီးအပူၤလီၢ်လၢအဒုးသံအီၤသ့ဒီးဘျါက့ၤဝဲ န့ၣ်လီၤ.

လံာ်လီၣ်ဖျါ 14:14

အန့ၣ်ဝံၤအလီၢ်ခံယကွၢ်တၢ်, ဒီးတၢ်အၢၣ်အဝါအိၣ်ဝဲတလိၣ်, ဒီးလၢတၢ်အၢၣ်အလိၤန့ၣ်ပှၤဆ့ၣ်နီၤဝဲတဂၤလၢအလီၤဂာ် ပှၤကညီ, အိၣ်ဒီးခိၣ်သလုးထူတဖျၢၣ်လၢအခိၣ်လိၤဒီးထးဂဲာ် အကနၣ်အ့ၣ်တဘ့ၣ်လၢအစုပူၤန့ၣ်လီၤ.

လံာ်လီၣ်ဖျါ 14:16

တုၤနုၤတစုပှၤလၢအဆ့ၣ်နီၤလၢတၢ်အၢၣ်အလိၤတဂၤန့ၣ်, ဝံၢ်ဝၢ်အထးဂဲာ်လၢဟီၣ်ခိၣ်, ဒီးဟီၣ်ခိၣ်အဖီခိၣ်ဘုတၢ်ကူး အီၤဝံၤဝဲဒၣ်န့ၣ်လီၤ.

လံာ်လီၣ်ဖျါ 14:17

တၢ်န့ၣ်ဝံၤအလီၢ်ခံယထံၣ်ကလူးအဂၤတဂၤဟဲထီၣ်လၢတၢ်လုၢ် ဟံၣ်လၢမူခိၣ်, ဒီးအဝဲဒၣ်စ့ၢ်ကီးအိၣ်ဒီးထးဂဲာ် လၢအကနၣ်အ့ၣ် တဘ့ၣ်န့ၣ်လီၤ.

လံာ်လီၣ်ဖျါ 14:18

တုၤနုၤတစုကလူးအဂၤတဂၤ, လၢအဒိၣ်စိလၢမ့ၣ်အူအဖီခိၣ်ဟဲထီၣ်လၢတၢ်လုၢ်လီၢ်န့ၣ်လီၤ. အဝဲဒၣ်ကိးထီၣ်လၢအကလုၢ်ဖးဒိၣ်ဆူကလူးလၢအအိၣ်ဒီးထးဂဲာ် အကနၣ်အ့ၣ်တဂၤန့ၣ်, “သူနထးဂဲာ်ဒီးကူးကွံာ်စပံးသၣ်လၢဟီၣ်ခိၣ်အစပံးလီၢ် တဖၣ်န့ၣ်တက့ၢ်. အဂ့ၢ်ဒ်အံၤ, စပံးသၣ်တဖၣ်မံလံဝဲလံ.”

လံာ်လီၣ်ဖျါ 15:6

ကလူးနွံဂၤလၢအအိၣ်ဒီးတၢ်နးတၢ်ဖှီၣ်နွံမံၤန့ၣ်, ဟဲထီၣ်လၢ တၢ်လုၢ်ဟံၣ်အပူၤ, ကူဝဲသိးဝဲလၢဖှီဝါကဆှၣ်လၢအကဆှီဒီး ကတြ့ၣ်ကတြိၣ်, ဒီးကံၢ်တူာ်အသးနါပှၢ်လၢတၢ်အကွီၤထူ တဖၣ်န့ၣ်လီၤ.

လံာ်လီၣ်ဖျါ 16:17

အန့ၣ်ဝံၤအလီၢ်ခံ, ကလူးနွံဂၤတဂၤဂၢ်လီၤအသလၢလၢကလံၤ ကျါလီၤ. တၢ်ကလုၢ်ဖးဒိၣ်သီၣ်ထီၣ်လၢလီၢ်ပစိာ်လၢတၢ်လုၢ်ဟံၣ် အပူၤဒီးစံးဝဲ, “တၢ်မၤအသးဝံၤလံ.”

လံာ်လီၣ်ဖျါ 6:10

အဝဲသ့ၣ်ကိးပသူထီၣ်လၢအကလုၢ်ဖးဒိၣ်, “သ့တၢ်လၢာ်ကစၢ်လၢအစီဆှံဒီးတီဝဲလိၤဝဲ တဂၤဧၢ, နကစံၣ်ညီၣ်ပှၤလၢဟီၣ်ခိၣ်ချၢတဖၣ်ဒီးဟ့ၣ်ကၣ် အဝဲသ့ၣ်လၢအမၤသံပှၤတဖၣ်အဂီၢ်န့ၣ်, ဆၢကတီၢ် ကယံာ်ဒံးဝဲဆံးအါလဲၣ်.”