လံာ်လီၣ်ဖျါ 14:13 - Sgaw Karen Common Bible

¹³ အန့ၣ်ဝံၤဒီး, ယနၢ်ဟူတၢ်ကလုၢ်သီၣ်လၢမူခိၣ်ဒီးစံးဝဲ, “ကွဲးတၢ်ဒ်အံၤတက့ၢ်. ပှၤသ့ၣ်တဖၣ်လၢစးထီၣ်ခဲအံၤဒီးဆူညါသံဝဲလၢတၢ်မၤ ကစၢ်အတၢ်မၤအပူၤန့ၣ်, ဘၣ်ဆိၣ်ဂ့ၤဝဲလီၤ.” ယွၤအသးစံးဆၢဝဲ, “မ့ၢ်သပှၢ်ကတၢၢ်လီၤ. အဝဲသ့ၣ်ကမုာ်လၤလၢတၢ်အိၣ်ဘှံးက့ၤလၢ အတၢ်ဖံးတၢ်မၤအဆူၣ်အကိၤန့ၣ်လီၤ. အဂ့ၢ်ဒ်အံၤ, အဝဲသ့ၣ်အတၢ်ဖံးတၢ်မၤအဘျုးအဖှိၣ်တဖၣ်ကပိာ်ထွဲအဝဲသ့ၣ် အခံန့ၣ်လီၤ.”

လံာ်လီၣ်ဖျါ 14:13 Iomraidhean Croise

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 85:13

တၢ်တီတၢ်လိၤကလဲၤတၢ်လၢယွၤအမဲာ်ညါ ဒီးကကတဲာ်ကတီၤကျဲလၢအဂီၢ်လီၤ.

လံာ်ယၡါယၤ 35:10

အဝဲသ့ၣ်ကလဲၤတုၤဆူဝ့ၢ်ယရူၤၡလ့ၣ် လၢတၢ်သူၣ်ဖှံသးညီ, ကသူၣ်ဝံၣ်သးဆၢဒီးကကိးထီၣ်လၢအတၢ်သးခုဒိၣ်ဝဲအဃိလီၤ. အဝဲသ့ၣ်ကသူၣ်ဖှံသးညီအစိၤစိၤအဃၣ်ဃၣ်, အစိၤစိၤအဃၣ်ဃၣ်န့ၣ်ပူၤဖျဲးဝဲလၢတၢ်သူၣ်အုးသးအုးဒီး တၢ်ဘၣ်မိၣ်ဘၣ်မးလီၤ.

လံာ်ဒၤနံးယ့လး 12:13

ဒီးနဲဒၣ်စီၤဒၤနံးယ့လးဧၢ, တီတုၤအကတၢၢ်တက့ၢ်. တၢ်န့ၣ်ဝံၤဒီးနကသံနဲဘၣ်ဆၣ် ဒီးနကဂဲၤဆၢထၢၣ်ဒီးဒိးန့ၢ်နတၢ်န့ၢ်သါလၢမုၢ်နံၤခံကတၢၢ်န့ၣ်လီၤ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်လူၤကၣ် 16:25

ဘၣ်ဆၣ်ဒီးစီၤအၤဘြၤဟၣ်စံးဝဲ, ‘ယဖိခွါဧၢ, သ့ၣ်နီၣ်ထီၣ်တက့ၢ်. လၢနတၢ်အိၣ်မူအဆၢကတီၢ်န့ၣ်, နဘၣ်တၢ်ဟ့ၣ်နၤလၢကယဲၢ်တၢ် အဂ့ၤတဖၣ်, မ့မ့ၢ်စီၤလါစရူးတခီဒိးန့ၢ်ဘၣ်ကယဲၢ်မ့ၢ်တၢ်အအၢ တဖၣ်လီၤ. ဘၣ်ဆၣ်ဒီးခဲကနံၣ်အံၤ, အဝဲအနီၢ်ကစၢ်ဒၣ်ဝဲအိၣ်မုာ်အိၣ်ပၢၤဖဲတၢ်လီၢ်တပူၤအံၤ, မ့မ့ၢ်နၤတခီနအိၣ်လၢတၢ်ဘၣ်တူၢ်တၢ်အပူၤလီၤ.

လံာ်လူၤကၣ် 16:9

ဒီးယ့ၣ်ၡူးကတိၤတၢ်ဒီးစံးဝဲ, “ဒီးလၢတၢ်န့ၣ်အဃိယစံးဘၣ်တဲဘၣ်သု, ဒ်သိးသုကမၤန့ၢ်တံၤသကိးအဂီၢ်, သူဟီၣ်ခိၣ်အတၢ်ထူးတၢ်တီၤ, ဒီးတုၤအလၢာ်ကွံာ်ဒီး သုကဘၣ်တၢ်တူၢ်လိာ်ခီၣ်ဆၢသုလၢဟံၣ်အထူအယိာ်န့ၣ်တက့ၢ်.

ရိမ့ၤ 14:8

ပမ့ၢ်မူဒီးမ့ၢ်ပမူလၢကစၢ်အဂီၢ်, ဒီးပမ့ၢ်သံဒီးမ့ၢ်ပသံလၢကစၢ် အဂီၢ်လီၤ. မ့မ့ၢ်ဒ်န့ၣ်ဒီး, ပမူမ့ၢ်ဂ့ၤပသံမ့ၢ်ဂ့ၤ, ပမ့ၢ်ကစၢ်အတၢ်န့ၣ်လီၤ.

1 ကရံၣ်သူး 15:18

အခီပညီကမ့ၢ်စ့ၢ်ကီးလၢပှၤစူၢ်က့ၤနာ်က့ၤခရံာ်လၢအသံ တ့ၢ်လံတဖၣ်န့ၣ်လီၤမၢ်ကွံာ်ဝဲဒၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

1 ကရံၣ်သူး 15:58

လၢတၢ်န့ၣ်အဃိ, ယဒီပုၢ်ဝဲၢ်သးဘိသ့ၣ်ဧၢ, အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. လၢသုတၢ်မၤတၢ်လၢကစၢ်အဂီၢ်အပူၤန့ၣ်, မၤသုဝဲဆူၣ်ဆူၣ်ထီဘိတဘိယူၢ်ဃီတက့ၢ်. အဂ့ၢ်ဒ်အံၤ, သုသ့ၣ်ညါသုဝဲလၢကစၢ်အတၢ်ဖံးတၢ်မၤအပူၤ, သုတၢ်ဖံးတၢ်မၤလၢအဘျုးအဖှိၣ်တအိၣ်န့ၣ်, တအိၣ်ဝဲနီတမံၤဘၣ်န့ၣ်လီၤ.

၂ ကရံၣ်သူး 5:8

ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

၁ သ့းစၤလနံ 4:14

ပနာ်လၢယ့ၣ်ၡူးသံဒီးဂဲၤဆၢထၢၣ်သမူထီၣ်က့ၤလီၤ. ဒ်န့ၣ်အသိး, ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးအပူၤတဖၣ်န့ၣ်, ကစၢ်ယွၤကဒုးဂဲၤဆၢထၢၣ်က့ၤအဝဲသ့ၣ်ဃုာ်ဒီးအီၤန့ၣ်လီၤ.

၁ သ့းစၤလနံ 4:16

တၢ်ဟ့ၣ်လီၤတၢ်ကလုၢ်ကသီၣ်ထီၣ်ဖးဒိၣ်, ကလူးအဒိၣ်ကတၢၢ်အကလုၢ်ဒီးကစၢ်ယွၤအကွဲၤကသီၣ် ထီၣ်, ဒီးကစၢ်အနီၢ်ကစၢ်ဒၣ်ဝဲကဟဲလီၤလၢမူခိၣ်လီၤ. ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးခရံာ်အပူၤ တဖၣ်ကဂဲၤဆၢထၢၣ်သမူထီၣ်က့ၤအဆိကတၢၢ်န့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.

၁ တံၤမသ့း 5:24

ပှၤတနီၤနီၤအတၢ်ဒဲးဘးတဖၣ်တၢ်ထံၣ်ဘၣ်အီၤဖျါဖျါ, ဒီးအတၢ်ဒဲးဘးတဖၣ်လဲၤလၢအမဲာ်ညါလၢတၢ်စံၣ်ညီၣ် အဂီၢ်န့ၣ်လီၤ. မ့မ့ၢ်, ပှၤအဂၤတဖၣ်အတၢ်ဒဲးဘးတဖၣ်န့ၣ်, ဘၣ်တၢ်ထံၣ်န့ၢ်ဒၣ်အီၤလၢခံန့ၣ်လီၤ.

၁ တံၤမသ့း 5:25

ဒ်န့ၣ်အသိး, တၢ်မၤဂ့ၤတဖၣ်ဘၣ်တၢ်ထံၣ်န့ၢ်အီၤဖျါဖျါ, ဒီးလၢအတအိၣ်ဖျါတဖၣ်ဒၣ်လဲာ်န့ၣ် တၢ်ပာ်ခူသူၣ်အီၤတန့ၢ်ဘၣ်.

လံာ်လီၣ်ဖျါ 1:11

တၢ်အကလုၢ်န့ၣ်စံးဝဲ, “ကွဲးလီၤတၢ်လၢနထံၣ်ဘၣ်နဲ, လၢလံာ်တဘ့ၣ်အပူၤ, ဒီးဆှၢလီၤလံာ်အဝဲန့ၣ်ဆူတၢ်အိၣ်ဖှိၣ် တဖၣ်လၢဝ့ၢ်နွံဖျၢၣ်အံၤ, ဝ့ၢ်အ့းဖ့းစူး, ဝ့ၢ်စမူရနၤ, ဝ့ၢ်ပ့ၢ်ကမူး, ဝ့ၢ်သူၤအတံရၤ, ဝ့ၢ်စၢ်ဒံ, ဝ့ၢ်ဖံၤလဒ့းလဖံ, ဒီးဝ့ၢ်လီၤဒံၤကံ, အပူၤန့ၣ်တက့ၢ်.”

လံာ်လီၣ်ဖျါ 10:4

လီသီၣ်နွံဘီဟ့ၣ်တၢ်စံးဆၢတဘျီဃီ, ယသါကကွဲးလီၤတၢ်လီၤ. ဘၣ်ဆၣ်, ယနၢ်ဟူတၢ်ကလုၢ်သီၣ်ထီၣ်လၢမူခိၣ်ဒီးစံးဝဲ, “ပာ်ခူသူၣ်တၢ်လၢလီသီၣ်နွံဘီစံးတ့ၢ်ဝဲန့ၣ်တက့ၢ်, တဘၣ်ကွဲးလီၤအီၤတဂ့ၤ.”

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.

လံာ်လီၣ်ဖျါ 16:17

အန့ၣ်ဝံၤအလီၢ်ခံ, ကလူးနွံဂၤတဂၤဂၢ်လီၤအသလၢလၢကလံၤ ကျါလီၤ. တၢ်ကလုၢ်ဖးဒိၣ်သီၣ်ထီၣ်လၢလီၢ်ပစိာ်လၢတၢ်လုၢ်ဟံၣ် အပူၤဒီးစံးဝဲ, “တၢ်မၤအသးဝံၤလံ.”

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်လီၣ်ဖျါ 2:1

ဆူအ့းဖ့းစူးတၢ်အိၣ်ဖှိၣ်အကလူးအအိၣ်န့ၣ်ကွဲးနဲဒ်အံၤ, “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအဟံးဃာ်ဆၣ်နွံ ဖျၢၣ်လၢအစုထွဲပူၤ, ဒီးဟးဝဲလၢမ့ၣ်အူဒၢထူနွံဖျၢၣ်အသိး အကျါတဂၤအအိၣ်န့ၣ်လီၤ.

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 20:6

ပှၤလၢအဂဲၤဆၢထၢၣ်သမူထီၣ်က့ၤအဆိကတၢၢ်တဘျီအံၤ တဖၣ်န့ၣ်, အသူၣ်ခုအသးခုဒီးဘၣ်ဆိၣ်ဂ့ၤဝဲလီၤ. တၢ်သံခံစုတစုအစိကမီၤတအိၣ်လၢအဝဲသ့ၣ် အဖီခိၣ်ဘၣ်. အဝဲသ့ၣ်ကမ့ၢ်ကစၢ်ယွၤဒီးခရံာ်အပှၤလုၢ်တၢ် အခိၣ်တဖၣ်ဒီးကပၢတၢ်ဒီးခရံာ်အနံၣ်တကထိလီၤ.

လံာ်လီၣ်ဖျါ 21:5

အန့ၣ်ဝံၤအလီၢ်ခံပှၤတဂၤလၢအဆ့ၣ်နီၤလၢလီၢ်ပစိာ် အဖီခိၣ်စံးဝဲ, “ဒီးခဲကနံၣ်အံၤ ယမၤတၢ်အသီခဲလၢာ် လီၤ.” အဝဲဒၣ်စံးဘၣ်စ့ၢ်ကီးယၤ, “ကွဲးတၢ်အံၤ တက့ၢ်. အဂ့ၢ်ဒ်အံၤ တၢ်စံးတၢ်ကတိၤတဖၣ်အံၤမ့ၢ်ဝဲတီဝဲဒီး တၢ်နာ်န့ၢ်အီၤသ့ဝဲဒၣ်လီၤ.”

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.

လံာ်လီၣ်ဖျါ 6:11

အဝဲသ့ၣ်တဂၤဘၣ်တဂၤဘၣ်တၢ်ဟ့ၣ်အီၤလၢဆ့ကၤဝါဖးထီ တဘ့ၣ်, ဒီးတၢ်စံးဘၣ်အီၤလၢအကအိၣ်ဘှံးဒံးဆူညါတစိၢ် တလီၢ်တုၤလၢတၢ်ခ့တၢ်ပှၤသကိးသကိးအီၤ, ဒီးဒ်အဒီပုၢ်ဝဲၢ်တဖၣ်ဘၣ်တၢ်မၤသံအီၤဒ်အဝဲသ့ၣ်အနီၢ် ကစၢ်ဒၣ်ဝဲဘၣ်တၢ်မၤသံအီၤအသိး, အနီၣ်ဂံၢ်ပှဲၤထီၣ်ဝဲ တစုလီၤ.