လံာ်လီၣ်ဖျါ 14:11 - Sgaw Karen Common Bible

¹¹ မ့ၣ်အူလၢအမၤအၢမၤနးအဝဲသ့ၣ်တဖၣ်န့ၣ်, အလုၢ်ခုၣ်ထီၣ်ဝဲလီၤ စိၤလီၤဃၣ်လီၤ. ပှၤသ့ၣ်တဖၣ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤဒီးအက့ၢ် အဂီၤ, ပှၤတဂၤဂ့ၤတဂၤဂ့ၤလၢအအိၣ်ဒီးတၢ်ပနီၣ်ဘၣ်ဃးတၢ်ဒူ တၢ်ဃိၤအမံၤ, ပှၤသ့ၣ်တဖၣ်အံၤအဂီၢ်န့ၣ်, လၢမုၢ်ဆါမ့ၢ်ဂ့ၤမုၢ်နၤမ့ၢ်ဂ့ၤတၢ်အိၣ်ဘှံးအိၣ်သါ တအိၣ်ဝဲဘၣ်.”

လံာ်လီၣ်ဖျါ 14:11 Iomraidhean Croise

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 145:1

ယကစၢ်ယွၤဒီးယစီၤပၤဧၢ, ယကပာ်ထီၣ်ထီနၤဒီးစံးထီၣ်ပတြၢၤနမံၤ လီၤစိၤလီၤထီန့ၣ်လီၤ.

လံာ်တၢ်ဟးထီၣ်ကွံာ် 15:18

နဲဒၣ်, ယွၤဧၢ, နကမ့ၢ်စီၤပၤအစိၤစိအဃၣ်ဃၣ်လီၤ.”

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 34:10

ကအီၣ်တၢ်မနၤနၤမဆါဆါ, ဒီးမ့ၣ်အူလုၣ်ကခုၣ်ထီၣ်ဝဲလီၤစိၤ လီၤထီလီၤ. ထံကီၢ်ကအိၣ်သယုၢ်တစိၤဝံၤတစိၤ, ဒီးပှၤတလဲၤတၢ်က့ၤတၢ်ခီဖျိကဒီးအီၤနီတစုနီတဂၤလၢၤဘၣ်န့ၣ်လီၤ.

လံာ်ယၡါယၤ 34:8

ခဲအံၤကမ့ၢ်တၢ်ဆၢကတီၢ်လၢယွၤကအုၣ်က့ၤခီၣ်က့ၤဝ့ၢ်စံယိၣ် ဒီးဟ့ၣ်ကၣ်အဒုၣ်အဒါတဖၣ်န့ၣ်လီၤ.

လံာ်ယၡါယၤ 57:20

မ့မ့ၢ်ပှၤအၢပှၤသီတဖၣ်လီၤဂာ်ဒ်ပီၣ်လဲၣ်လၢတအိၣ်ဂၢၢ်ဘၣ်, လၢအလပီတဖၣ်တဆိကတီၢ်စံၣ်ပီပုနီတဘျီအသိး, ဟဲစိာ်ဃုာ်ဒီးတၢ်ဘၣ်အၢဘၣ်သီဒီးတၢ်အ့ၣ်တၢ်ဆံၣ်တဖၣ်န့ၣ်လီၤ.

လံာ်ဒၤနံးယ့လး 3:6

ပှၤတဂၤလၢ်လၢ်လၢအတချံးခီၣ်တီၤလီၤဒီးဘူၣ်ထီၣ်ဘါထီၣ်တၢ်န့ၣ်ကဘၣ် တၢ်ကွံာ်လီၤအီၤဆူမ့ၣ်အူကဲၤကဖးအဖၣ်ကပူၤတဘျီဃီန့ၣ်လီၤ.”

လံာ်ယိၤအ့လး 2:30

လၢမုၢ်နံၤန့ၣ်ယကဟ့ၣ်တၢ်ဟ့ၣ်ပလီၢ်တဖၣ် အဂ့ၢ်လၢမူကပိာ်လိၤဒီးလၢဟီၣ်ခိၣ်ချၢန့ၣ်လီၤ. တၢ်ဂၢ်သွံၣ်ဂၢ်စီၤ, မ့ၣ်အူဒီးမ့ၣ်အူလုၣ်ခုၣ်ဒ်တၢ်အၢၣ်ကအိၣ်ဝဲဒၣ်န့ၣ်လီၤ.

လံာ်မးသဲ 11:28

ပှၤလၢတၢ်ဘှံးအသးဒီးဝံတၢ်ယိးတၢ်ဃၢခဲလၢာ်သ့ၣ်သုဧၢ, ဟဲဆူယအိၣ်တက့ၢ်. ဒီးယကဒုးအိၣ်ဘှံးသုလီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်သိၣ်လီၤသီလီၤတၢ် 28:65

သုတထံၣ်န့ၢ်ဘၣ်တၢ်ဃူတၢ်ဖိးလၢတၢ်လီၢ်နီတပူၤ, တၢ်လီၢ်လၢတၢ်ကကိးအီၤလၢသုတၢ်န့ၣ်တအိၣ်ဘၣ်နီတပူၤဘၣ်. ယွၤကလုၣ်ဘၢသုဒီးတၢ်ကိၢ်တၢ်ဂီၤ, တၢ်မုၢ်လၢ်လၢာ်ကွံာ်ဒီးတၢ် သးဟးဂီၤန့ၣ်လီၤ.

ဧ့ၤဘြံၤ 1:8

ဘၣ်ဆၣ်ဒီးဖဲအဘၣ်ဃးဒီးဖိခွါန့ၣ်စံးဝဲ, “ကစၢ်ယွၤဧၢ, နဘီနမုၢ်အိၣ်ဝဲအစိၤစိၤအဃၣ်ဃၣ်, နပၢတၢ်ဒီးတၢ်တီတၢ်လိၤလီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 13:12

အဝဲဒၣ်သူတၢ်ဒူတၢ်ဃိၤအဆိကတၢၢ်တဒုအတၢ်စိတၢ် ကမီၤခဲလၢာ်လၢအမဲာ်ညါဒၣ်ဝဲန့ၣ်လီၤ. အဝဲဒၣ်မၢဆူၣ် ဟီၣ်ခိၣ်, ဒီးပှၤအိၣ်ဝဲဆိးဝဲလၢအပူၤခဲလၢာ်ဒ်သိးအကဘူၣ် ထီၣ်ဘါထီၣ်တၢ်ဒူတၢ်ဃိၤတၢတဒု, လၢအအိၣ်ဒီးအပူၤလီၢ်လၢအဒုးသံအီၤသ့ဒီးဘျါက့ၤဝဲ န့ၣ်လီၤ.

လံာ်လီၣ်ဖျါ 13:15

တၢ်ဒူတၢ်ဃိၤခံဒုတဒုအံၤ, တၢ်ပျဲအအူနုာ်တၢ်မူဆူတၢ်ဒူတၢ်ဃိၤတၢတဒုအက့ၢ်အဂီၤ အပူၤ, ဒ်သိးက့ၢ်ဂီၤအဝဲန့ၣ်ကတိၤတၢ်ကသ့ဝဲ, ဒီးကမၤသံကယဲၢ်ပှၤလၢအတဘါထီၣ်အီၤတဂၤလၢ်လၢ် န့ၣ်လီၤ.

လံာ်လီၣ်ဖျါ 13:17

ပှၤလၢအတအိၣ်ဒီးတၢ်ပနီၣ်အဝဲအံၤန့ၣ်, ပှ့ၤတၢ်မ့ၢ်ဂ့ၤဆါတၢ်မ့ၢ်ဂ့ၤတသ့နီတဂၤဘၣ်. ဒ်ပစံးတၢ်အသိး, တၢ်ပနီၣ်လၢအမ့ၢ်ဝဲတၢ်ဒူတၢ်ဃိၤအမံၤ, မ့တမ့ၢ်နီၣ်ဂံၢ်လၢအပာ်ဖျါထီၣ်မံၤအဝဲန့ၣ်လီၤ.

လံာ်လီၣ်ဖျါ 14:9

ကလူးသၢဂၤတဂၤပိာ်ထီၣ်အခီၣ်ထံးခံဂၤန့ၣ်အခံဒီးစံးဝဲလၢ အကလုၢ်ဖးဒိၣ် “ပှၤတဂၤလၢ်လၢ်လၢအဘူၣ်ထီၣ်ဘါထီၣ်တၢ်ဒူတၢ်ဃိၤ တဒုအံၤဒီးအက့ၢ်အဂီၤဝံၤ, ဒိးန့ၢ်ဘၣ်တၢ်ပနီၣ်လၢအခိၣ်တိသၣ်မ့တမ့ၢ်လၢအစုလိၤန့ၣ်,

လံာ်လီၣ်ဖျါ 18:18

ဒီးကိးထီၣ်ဝဲဒၣ်ဖဲအဝဲသ့ၣ်ထံၣ်ဘၣ်မ့ၣ်အူလုၢ်လၢအဟဲ ထီၣ်လၢမ့ၣ်အူလၣ်လၢအအီၣ်ကွံာ်အီၤန့ၣ်, “ဝ့ၢ်အဂၤတဖျၢၣ်လၢအလီၤဂာ်ဒီးဝ့ၢ်ဖးဒိၣ်တဖျၢၣ်အံၤ, တအိၣ်ဒံးဝဲနီတစုဘၣ်.”

လံာ်လီၣ်ဖျါ 18:9

ဟီၣ်ခိၣ်အစီၤပၤလၢအမၤသကိးဝဲအလုၢ်အၢလၢ်သီအတၢ်မၤဒီး အတၢ်ကလုာ်ကလိၤတဖၣ်န့ၣ်, ကဟီၣ်ပသူပသီလၢဝ့ၢ်တဖျၢၣ်အံၤ အဃိ, ဖဲအဝဲသ့ၣ်ထံၣ်ဘၣ်မ့ၣ်အူလၣ်လၢအအီၣ်ကွံာ်အီၤန့ၣ် အလုၢ်ခုၣ်ထီၣ်လီၤ.

လံာ်လီၣ်ဖျါ 19:3

အဝဲသ့ၣ်ကိးထီၣ်ကဒီးဝဲ, “စံးထီၣ်ပတြၢၤယွၤတက့ၢ်. မ့ၣ်အူလၢအအီၣ်ကွံာ်ဝ့ၢ်ဖးဒိၣ်တဖျၢၣ်န့ၣ်အလုၢ်ခုၣ်ထီၣ်ဝဲဒၣ် အစိၤစိၤအဃၣ်ဃၣ်လံ.”

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.

လံာ်လီၣ်ဖျါ 7:12

ဒီးစံးဝဲ, “အၤမ့ၣ်. တၢ်စံးထီၣ်ပတြၢၤတၢ်လၤကပီၤ, တၢ်ကူၣ်ဘၣ်ကူၣ်သ့, တၢ်စံးဘျုးစံးဖှိၣ်, တၢ်ယူးယီၣ်, တၢ်စိကမီၤ, ဒီးတၢ်ဂံၢ်တၢ်ဘါန့ၣ် မ့ၢ်ပကစၢ်ယွၤအတၢ် အစိၤစိၤအဃၣ်ဃၣ်လီၤ. အၤမ့ၣ်.”