လံာ်လီၣ်ဖျါ 14:1 - Sgaw Karen Common Bible

¹ တုၤနုၤတစု, ယကွၢ်တၢ်, ဒီးသိဖိန့ၣ်အိၣ်ဆၢထၢၣ်လၢ ကစၢၢ်စံယိၣ်အလိၤ, ပှၤအိၣ်ဒီးအီၤအဂၤ ၁၄၄,ဝ၀၀ လၢ အအိၣ်ဒီးအဝဲအမံၤ, ဒီးအဝဲအပၢ်အမံၤအိၣ်ကွဲးအသးလၢအခိၣ်တိသၣ်တဖၣ် အလိၤန့ၣ်လီၤ.

လံာ်လီၣ်ဖျါ 14:1 Iomraidhean Croise

စံးထီၣ်ပတြၢၤ 2:6

အဝဲစံးဝဲ, “ယပာ်ထီၣ်ယစီၤပၤလၢ ယကစၢၢ်စီဆှံစံယိၣ်အလိၤလံ.”

လံာ်ယၡါယၤ 49:14

ဘၣ်ဆၣ်, ပှၤဝ့ၢ်ယရူၤၡလ့ၣ်ဖိတဖၣ်စံးဝဲ, “ယွၤပာ်တ့ၢ်ကွံာ်ပှၤလံ. အဝဲသးပ့ၤနီၣ်ကွံာ်ပှၤလံ.”

လံာ်ယံးရမံယၤ 1:11

ယွၤသံကွၢ်ယၤ, “စီၤယံးရမံယၤဧၢ, နထံၣ်တၢ်မနုၤလဲၣ်.” ယစံးဆၢအီၤ, “ယထံၣ်သ့ၣ်ၡၤကးအဒ့တဒ့လီၤ.”

လံာ်ယဃ့းစက့လး 1:4

ယကွၢ်ထီၣ်တၢ်ဒီးထံၣ်ဘၣ်ကလံၤမုၢ်ဟဲထီၣ်လၢကလံၤစိးတခီလီၤ. လီဝၢ်ထီၣ်အဒံးလၢတၢ်အၢၣ်ဖးဒိၣ်တလိၣ်အလိၤဒီးမူကပိာ်လိၤဝး တရံးအီၤန့ၣ်ကပြုၢ်ကပြီၤထီၣ်ဝဲလီၤ. ဖဲလီၢ်ဝၢ်ထီၣ်အဒံးအလီၢ်န့ၣ်, တၢ်ကပီၤထီၣ်ဝဲတမံၤဒ်တိၢ်ဘီအသိးန့ၣ်လီၤ.

လံာ်ယဃ့းစက့လး 10:1

ယကွၢ်တၢ်ခိၣ်ဒုးဖျၢၣ်သလၢၣ်လၢအအိၣ်လၢတၢ်ဘၣ်တ့ အမူတဖၣ်အဖီခိၣ်ဒီးလၢအဝဲသ့ၣ်အဖီခိၣ်န့ၣ်, တၢ်မၤအသးလီၤဂာ်ဒီးလီၢ်ပစိာ်တခါလၢအဘၣ် တၢ်မၤအီၤလၢတၢ်မျၢ်နံၤလါ, အိၣ်ဝဲလီၤ.

လံာ်ယဃ့းစက့လး 10:9

ယထံၣ်စ့ၢ်ကီးလၢလ့ၣ်ဖံဘၣ်အိၣ်ဝဲလွံၢ်ခါလၢအလီၤဂာ်လိာ်အသး ဒီးတခါအိၣ်ဝဲလၢတၢ်ဘၣ်တ့တဂၤစုာ်စုာ်အကပၤန့ၣ်လီၤ.

လံာ်ယဃ့းစက့လး 2:9

ယထံၣ်ဘၣ်စုတခီယူာ်ဃီၤအသးဆူယအိၣ်, ဒီးဟံးဃာ်လံာ်ထူ တထူလီၤ.

လံာ်ယဃ့းစက့လး 44:4

အန့ၣ်ဝံၤဒီးပှၤတဂၤန့ၣ်ဆှၢဃီၤယၤခီဖျိကလံၤစိးအတြဲၤဖးဒိၣ်, ဆူယွၤအတၢ်လုၢ်ဟံၣ်အမဲာ်ညါန့ၣ်လီၤ. ဖဲယကွၢ်တၢ်အဖၢမုၢ်န့ၣ်, ယထံၣ်ဘၣ်လၢယွၤအတၢ်လုၢ်ဟံၣ်န့ၣ်ပှဲၤဒီးယွၤအိၣ်ဝဲဆိးဝဲ အတၢ်ကပီၤကပြုၢ်ကပြီၤန့ၣ်လီၤ. ယထိၣ်လီၤဃံၤယသးဒီး ကျးလီၤယမဲာ်ဆူဟီၣ်ခိၣ်လိၤ,

လံာ်ယဃ့းစက့လး 8:7

အဝဲလဲၤဆှၢယၤဆူဂၢၤလၢတၢ်ချၢအကျဲစၢၤဒီးဒုးနဲၣ်ယၤတၢ် ပူၤတပူၤလၢအအိၣ်လၢတၢ်အဒူၣ်အလိၤန့ၣ်လီၤ.

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ဒၤနံးယ့လး 12:5

အန့ၣ်ဝံၤဒီး, ယထံၣ်တ့ၢ်ပှၤခံဂၤဆၢထၢၣ်လၢထံကျိတဘိ အဃၢၤတဂၤအိၣ်လၢအံၤ, တဂၤအိၣ်လၢဘးခီတကပၤန့ၣ်လီၤ.

လံာ်ယိၤအ့လး 2:32

ဘၣ်ဆၣ်ဒီးကယဲၢ်ပှၤလၢအဃ့တၢ်မၤစၢၤလၢ ယွၤခဲလၢာ်န့ၣ်ကဘၣ်တၢ်အုၣ်က့ၤခီၣ်က့ၤအီၤလီၤ. ဒ်ယွၤစံးတ့ၢ်ဝဲအသိး, “ပှၤလၢဝ့ၢ်ယရူၤၡလ့ၣ်အပူၤတနီၤကထူၣ်ဖျဲးဝဲ ဒီးပှၤလၢယဃုထၢအီၤန့ၣ်ကပူၤဖျဲးဝဲန့ၣ်လီၤ.”

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

လံာ်မံကၤ 4:7

အဝဲသ့ၣ်လဲၤတၢ်တကျဲၢ်တကျဲၢ်ဒီးအိၣ်ယံၤဒီးဟံၣ်ဃီလီၤ. ဘၣ်ဆၣ်ဒီးယကမၤက့ၤတၢ်အခီၣ်ထံးအသီလၢပှၤအိၣ်လီၤ တဲာ်တ့ၢ်တဖၣ်ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်လီၤ. ယကပၢတၢ်လၢအဖီခိၣ်လၢကစၢၢ်စံယိၣ်အလိၤစးထီၣ်ဖဲန့ၣ်ဒီးဆူ ညါလီၤထူလီၤယိာ်လီၤ”.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်လူၤကၣ် 12:8

ယစံးဘၣ်တဲဘၣ်သု, ပှၤတဂၤလၢ်လၢ်လၢအအၢၣ်လီၤလၢပှၤအါဂၤအမဲာ်ညါ, လၢအဝဲဒၣ်ဘၣ်ဃးဒီးယၤန့ၣ်, ပှၤကညီဖိခွါကမၤတၢ်တမံၤဃီန့ၣ်လၢ အဂီၢ်, လၢကစၢ်ယွၤအကလူးတဖၣ်အမဲာ်ညါလီၤ.

ရိမ့ၤ 9:33

လၢတၢ်ကွဲးအသးစံးလၢအဂ့ၢ်, “ကွၢ်တက့ၢ်, ယပာ်လီၤလၢၢ်တဖျၢၣ်လၢစံယိၣ်အပူၤ, လၢပှၤအခီၣ်ကဘၣ်တိၢ်ဝဲအဂီၢ်, လၢၢ်တဖျၢၣ်လၢကမၤလီၤဃံၤအဝဲသ့ၣ်လီၤ. ဒီးကယဲၢ်ပှၤလၢအစူၢ်က့ၤနာ်က့ၤအီၤတဂၤလၢ်လၢ်န့ၣ် အမဲာ်တဆှးဘၣ်ဝဲဘၣ်” (ၡါ ၈:၁၄; ၂၈:၁၆).

လံာ်လီၣ်ဖျါ 14:14

အန့ၣ်ဝံၤအလီၢ်ခံယကွၢ်တၢ်, ဒီးတၢ်အၢၣ်အဝါအိၣ်ဝဲတလိၣ်, ဒီးလၢတၢ်အၢၣ်အလိၤန့ၣ်ပှၤဆ့ၣ်နီၤဝဲတဂၤလၢအလီၤဂာ် ပှၤကညီ, အိၣ်ဒီးခိၣ်သလုးထူတဖျၢၣ်လၢအခိၣ်လိၤဒီးထးဂဲာ် အကနၣ်အ့ၣ်တဘ့ၣ်လၢအစုပူၤန့ၣ်လီၤ.

လံာ်လီၣ်ဖျါ 14:3

ပှၤအဂၤ ၁၄၄,ဝ၀၀ န့ၣ်, ဆၢထၢၣ်လၢလီၢ်ပစိာ်, တၢ်အိၣ်ဒီး အသးသမူလွံၢ်ဒု, ဒီးပှၤသူၣ်က့သးပှၢ်တဖၣ်န့ၣ်အမဲာ်ညါ လီၤ. အဝဲသ့ၣ်သးဝံၣ်တၢ်သးဝံၣ်အသီတယုၢ်, လၢပှၤသးဝံၣ်လိအီၤသ့ထဲအဝဲသ့ၣ်တဖၣ်ဧိၤလီၤ. လၢ ပှၤကညီခဲလၢာ်အကျါန့ၣ်, အဝဲသ့ၣ်မ့ၢ်ပှၤထဲတဖုဧိၤလၢအဘၣ်တၢ်အုၣ်က့ၤခီၣ်က့ၤ အီၤလီၤ.

လံာ်လီၣ်ဖျါ 15:5

တၢ်န့ၣ်ဝံၤအလီၢ်ခံ, ယထံၣ်တၢ်လုၢ်ဟံၣ်လၢမူခိၣ်အိးထီၣ် အသး, အိၣ်ဒီးတၢ်အၢၣ်လီၤအီလီၤအဒဲလၢအအိပူၤန့ၣ်လီၤ.

လံာ်လီၣ်ဖျါ 22:4

အဝဲသ့ၣ်ကထံၣ်ဘၣ်အမဲာ်သၣ်, ဒီးအဝဲဒၣ်အမံၤကအိၣ်ကွဲးအသးလၢအဝဲသ့ၣ်အခိၣ်တိသၣ်တဖၣ် အလိၤလီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်လီၣ်ဖျါ 4:1

တၢ်န့ၣ်တဖၣ်အလီၢ်ခံန့ၣ်, ယအိၣ်ဒီးတၢ်ထံၣ်လၢညါခီအဂၤ တမံၤ, ဒီးထံၣ်ဘၣ်တြဲၤတဘ့ၣ်အိၣ်အိးထီၣ်အသးလၢမူခိၣ်န့ၣ်လီၤ. ဒီးတၢ်ကလုၢ်လၢအသီၣ်လီၤဂာ်ဒီးကွဲၤအသီၣ်, လၢယနၢ်ဟူဘၣ်တ့ၢ်ယဲအကတိၤတၢ်ဒီးယၤလၢအခီၣ်ထံးန့ၣ်စံးဝဲ, “ဟဲထီၣ်နဲဖဲအံၤ, ဒီးယကဒုးနဲၣ်နၤတၢ်လၢအကဘၣ်မၤအသးဖဲတၢ်တမံၤအံၤမၤ အသးဝံၤအလီၢ်ခံန့ၣ်လီၤ.”

လံာ်လီၣ်ဖျါ 6:8

ယကွၢ်တၢ်ဒီးကသ့ၣ်အလွဲၢ်လီၤဝါတဒုအိၣ်ဝဲလီၤ. ပှၤလၢအဒိးအီၤတဂၤဘၣ်တၢ်ယုၢ်အမံၤလၢတၢ်သံ, ဒီးပျုၤပူၤပိာ်ထီၣ်အခံဘူးဘူးတံၢ်တံၢ်လီၤ. အဝဲသ့ၣ်ဘၣ်တၢ်ဟ့ၣ်အီၤတၢ်စိတၢ်ကမီၤလၢဟီၣ်ခိၣ်ချၢ လွံၢ်ပူတပူအဖီခိၣ်, လၢအကမၤသံတၢ်ခီဖျိတၢ်ဒုးတၢ်ယၤ, တၢ်သၣ်ဝံၤလီၤဒိ, တၢ်ဆူးတၢ်ဆါ, ဒီးဆၣ်ဖိကီၢ်ဖိအမံၤတဖၣ်လီၤ.