လံာ်လီၣ်ဖျါ 13:8 - Sgaw Karen Common Bible

⁸ ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 13:8 Iomraidhean Croise

လံာ်တၢ်ကဲထီၣ်အခီၣ်ထံး 22:7

ဒီးဖဲအလဲၤသကိးတၢ်အခါန့ၣ်, စီၤအံၤစဲးစံးဝဲဒၣ်, “ပၢ်ဧၢ,” ဒီးစီၤအၤဘြၤဟၣ်စံးဆၢဝဲ, “ဘၣ်မနုၤလဲၣ်ယ ဖိခွါဧၢ,” ဒီးစီၤအံၤစဲးသံကွၢ်, “ယထံၣ်လၢနအိၣ်ဒီးမ့ၣ်အူအ့ၣ်ဒီး သ့ၣ်မုၣ်လီၤ. မ့မ့ၢ်သိဖိလၢတၢ်လုၢ်ထီၣ်ပာ်ထီၣ်အဂီၢ်အိၣ်ဖဲလဲၣ်.”

စံးထီၣ်ပတြၢၤ 69:28

မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်. မ်အသုတအိၣ်ကွဲးလီၤအသးလၢ ပှၤအတီအလိၤတဖၣ်အကျါတဂ့ၤ.

လံာ်တၢ်ဟးထီၣ်ကွံာ် 32:32

ဝံသးစူၤပျၢ်လၢ်အတၢ်ကမၣ်တက့ၢ်. ဘၣ်ဆၣ်ဒီးနမ့ၢ်တပျၢ်ဘၣ်န့ၣ် တြူာ်ကွံာ်ယမံၤလၢလံာ်လၢနကွဲးတ့ၢ်နပှၤဂီၢ်မုၢ်အမံၤတဖၣ်အပူၤန့ၣ်တက့ၢ်.”

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ဒၤနံးယ့လး 12:1

မူခိၣ်ကလူးလၢအသိးဆ့ဖှီဝါကဆှၣ်စံးဝဲ, “အကတီၢ်ဖဲန့ၣ် မူခိၣ်ကလူးဖးဒိၣ်မံၤက့လး, ပှၤလၢအပၢၤဃးနပှၤဂီၢ်မုၢ်က အိၣ်ဖျါထီၣ်ဝဲလီၤ. ဒီးဖဲန့ၣ်တၢ်ကီတၢ်ခဲတဖၣ် အကတီၢ်ကတုၤဝဲ, တၢ်ကီတၢ်ခဲအနးကတၢၢ် လၢအတမၤတ့ၢ်အသးဒံးဘၣ်, စးထီၣ်လၢပှၤတကလုာ်ကဲ ထီၣ်ဝဲတုၤမုၢ်တနံၤန့ၣ်လီၤ. ဘၣ်ဆၣ်ဒီးအကတီၢ်ဖဲန့ၣ်န့ၣ်, နပှၤဂီၢ်မုၢ်ကဘၣ်တၢ်မၤပူၤဖျဲးအီၤ, ကယဲၢ်ပှၤလၢအမံၤအိၣ်ကွဲးအသး လၢကစၢ်ယွၤအလံာ်ပူၤန့ၣ်ကတုၤလၢတၢ်အုၣ်က့ၤခီၣ်က့ၤန့ၣ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

လံာ်ယိၤဟၣ် 1:29

မုၢ်ဆ့ၣ်ထီၣ်တနံၤစီၤယိၤဟၣ်ထံၣ်ဘၣ်ယ့ၣ်ၡူးဟဲဆူအအိၣ်ဒီး စံးဝဲ, “ကွၢ်ကွၢ်အဝဲမ့ၢ်ကစၢ်ယွၤအသိဖိလၢအစိာ်ထီၣ်ကွံာ် ပှၤဟီၣ်ခိၣ်ဖိအတၢ်ဒဲးဘးန့ၣ်လီၤ.

အ့းဖ့းစူး 1:4

တချုးဒံးဒၣ်လဲာ်လၢဟီၣ်ခိၣ်ဘၣ်တၢ်တ့လီၤအီၤန့ၣ်ကစၢ်ယွၤ ဃုထၢဆိပာ်စၢၤပှၤခီဖျိတၢ်အိၣ်မူလၢခရံာ်အပူၤဒ်သိး ပကစီဆှံဒီးပတၢ်ကမၣ်အသုတအိၣ်လၢအမဲာ်ညါတဂ့ၤ အဂီၢ်န့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

လံာ်လီၣ်ဖျါ 12:15

တုၤနုၤတစု, ပယိၤဒုးဟးထီၣ်ထံဒိၣ်ခိၣ်ယွၤလၢအကိာ်ပူၤလၢ အယွၤလီၤဒီးလူၤထွဲပိာ်မုၣ်အခံဒ်သိးအကစိာ်ကွံာ်အီၤအဂီၢ်လီၤ.

လံာ်လီၣ်ဖျါ 13:12

အဝဲဒၣ်သူတၢ်ဒူတၢ်ဃိၤအဆိကတၢၢ်တဒုအတၢ်စိတၢ် ကမီၤခဲလၢာ်လၢအမဲာ်ညါဒၣ်ဝဲန့ၣ်လီၤ. အဝဲဒၣ်မၢဆူၣ် ဟီၣ်ခိၣ်, ဒီးပှၤအိၣ်ဝဲဆိးဝဲလၢအပူၤခဲလၢာ်ဒ်သိးအကဘူၣ် ထီၣ်ဘါထီၣ်တၢ်ဒူတၢ်ဃိၤတၢတဒု, လၢအအိၣ်ဒီးအပူၤလီၢ်လၢအဒုးသံအီၤသ့ဒီးဘျါက့ၤဝဲ န့ၣ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.

လံာ်လီၣ်ဖျါ 5:12

ဒီးသးဝံၣ်တၢ်လၢအကလုၢ်ဖးဒိၣ် “သိဖိလၢအဘၣ်တၢ်မၤသံအီၤန့ၣ် ကြၢးဝဲဘၣ်ဝဲလၢအကဒိးန့ၢ်ဘၣ် တၢ်စိတၢ်ကမီၤ, တၢ်ထူးတၢ်တီၤ, တၢ်ကူၣ်ဘၣ်ကူၣ်သ့ဒီးတၢ်ဂံၢ်တၢ်ဘါ, တၢ်မံၤလၤသၣ်ကပီၤ, တၢ်ယူးယီၣ် ဒီးတၢ်စံးထီၣ်ပတြၢၤန့ၣ်လီၤ.”

လံာ်လီၣ်ဖျါ 5:13

ဒီးယနၢ်ဟူ, ကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ဒီးလၢဟီၣ်ခိၣ် အဖီလာ်တဖၣ်ဒီးပီၣ်လဲၣ်ဒီဘ့ၣ်ညါတၢ်အိၣ်လၢအပူၤခဲလၢာ် သးဝံၣ်တၢ်ဒ်အံၤ, “မ်ပှၤလၢအဆ့ၣ်နီၤလၢလီၢ်ပစိာ်အလိၤ, ဒီးသိဖိတဒုန့ၣ်, ဒိးန့ၢ်ဘၣ်တၢ်စံးထီၣ်ပတြၢၤ, တၢ်မံၤလၤသၣ်ကပီၤ, တၢ်ယူးယီၣ်ဒီး တၢ်ဂံၢ်တၢ်ဘါ အစိၤစိၤဃၣ်ဃၣ်န့ၣ်တက့ၢ်.”

လံာ်လီၣ်ဖျါ 6:1

တုၤနုၤတစု, ယထံၣ်သိဖိတဒုန့ၣ်မၤသ့ၣ်ဖးတၢ်စဲပနီၣ်ဃာ်နွံခါ အကျါအဆိကတၢၢ်တခါဒီးအိးထီၣ်အီၤ, ဒီးယနၢ်ဟူတၢ်အသးသမူအိၣ်လွံၢ်ဒုအကျါတဒုစံးဝဲလၢ အကလုၢ်လၢအသီၣ်ထီၣ်ဒ်လီသီၣ်အသိး, “ဟဲတက့ၢ်” န့ၣ်လီၤ.