လံာ်လီၣ်ဖျါ 13:4 - Sgaw Karen Common Bible

⁴ ပှၤကိးဂၤဒဲးဘူၣ်ထီၣ်ဘါထီၣ်ပယိၤန့ၣ်, အဂ့ၢ်မ့ၢ်လၢအဝဲဟ့ၣ်တ့ၢ်အတၢ်စိတၢ်ကမီၤဆူတၢ်ဒူတၢ်ဃိၤန့ၣ် အဃိလီၤ. အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးတၢ်ဒူတၢ်ဃိၤန့ၣ် ဒီးစံးဝဲ “မတၤလီၤဂာ်ဒီးတၢ်ဒူတၢ်ဃိၤန့ၣ်တဂၤလဲၣ်. မတၤဒုးတၢ်ထီဒါအီၤကသ့တဂၤလဲၣ်.”

လံာ်လီၣ်ဖျါ 13:4 Iomraidhean Croise

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်ယၡါယၤ 46:5

“သုကထိၣ်သတြီၤယၤဒီးမတၤလဲၣ်.” ယွၤစံးဝဲဒၣ်, “ပှၤလၢအလီၤဂာ်ဒီးယၤအိၣ်ဝဲတဂၤဂၤဧါ.”

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

လံာ်သိၣ်လီၤသီလီၤတၢ် 9:2

ပှၤဂီၢ်မုၢ်တဖၣ်အနီၢ်ကစၢ်ဒၣ်ဝဲအနီၢ်ထီဒီးအဂံၢ်အဘါဆူၣ်ဝဲဒၣ် လီၤ. အဝဲသ့ၣ်မ့ၢ်ပှၤနီၢ်ဒိၣ်နီၢ်သွါတဖၣ်ဒီးသုနၢ်ဟူတ့ၢ်လၢပှၤ စံးဝဲလၢပှၤဆၢထၢၣ်ထီဒါအဝဲသ့ၣ်တန့ၢ်နီတဂၤဘၣ်န့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 13:11

အန့ၣ်ဝံၤအလီၢ်ခံယထံၣ်တၢ်ဒူတၢ်ဃိၤအဂၤတဒုလၢ အဟဲထီၣ်လၢဟီၣ်ခိၣ်အပူၤန့ၣ်လီၤ. အဝဲအိၣ်ဒီးအနၢၤခံ ဘိဒ်သိဖိအနၢၤအသိး, ဒီးအဝဲဒၣ်ကတိၤတၢ်ဒ်ပယိၤ အသိးန့ၣ်လီၤ.

လံာ်လီၣ်ဖျါ 13:15

တၢ်ဒူတၢ်ဃိၤခံဒုတဒုအံၤ, တၢ်ပျဲအအူနုာ်တၢ်မူဆူတၢ်ဒူတၢ်ဃိၤတၢတဒုအက့ၢ်အဂီၤ အပူၤ, ဒ်သိးက့ၢ်ဂီၤအဝဲန့ၣ်ကတိၤတၢ်ကသ့ဝဲ, ဒီးကမၤသံကယဲၢ်ပှၤလၢအတဘါထီၣ်အီၤတဂၤလၢ်လၢ် န့ၣ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 18:18

ဒီးကိးထီၣ်ဝဲဒၣ်ဖဲအဝဲသ့ၣ်ထံၣ်ဘၣ်မ့ၣ်အူလုၢ်လၢအဟဲ ထီၣ်လၢမ့ၣ်အူလၣ်လၢအအီၣ်ကွံာ်အီၤန့ၣ်, “ဝ့ၢ်အဂၤတဖျၢၣ်လၢအလီၤဂာ်ဒီးဝ့ၢ်ဖးဒိၣ်တဖျၢၣ်အံၤ, တအိၣ်ဒံးဝဲနီတစုဘၣ်.”

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 17:24

ဖဲပှၤအံၣ်စရ့လးဖိတဖၣ်ထံၣ်စီၤကၤလယးန့ၣ်အဝဲသ့ၣ်ဃ့ၢ်ကွံာ် လၢတၢ်ပျံၤဖးဒိၣ်အပူၤလီၤ.