လံာ်လီၣ်ဖျါ 13:3 - Sgaw Karen Common Bible

³ တၢ်ဒူတၢ်ဃိၤအခိၣ်အကျါတဖျၢၣ်န့ၣ်အိၣ်ဖျါလၢအဘၣ်ဒိဘူးတ့ၢ်လၢ အကသံဘၣ်ဆၣ်အပူၤလီၢ်ဘျါက့ၤလံဝဲလံန့ၣ်လီၤ. ဟီၣ်ခိၣ်ဒီဘ့ၣ်ကမၢကမၣ်ဒီးပိာ်တၢ်ဒူတၢ်ဃိၤန့ၣ်အခံလီၤ.

လံာ်လီၣ်ဖျါ 13:3 Iomraidhean Croise

လံာ်ယဃ့းစက့လး 30:24

အန့ၣ်ဝံၤဒီးယကမၤဆူၣ်ထီၣ်ကီၢ်ဘၤဘူၤလိၣ်အစီၤပၤအစုဒုၣ်တဖၣ် ဒီးပာ်လီၤယနးလၢအစုပူၤန့ၣ်လီၤ. ဘၣ်ဆၣ်ယကမၤကၢ်ကွံာ်ကီၢ်အဲၤကူပတူးအစီၤပၤအစု ဒုၣ်တဖၣ်ဒီးအဝဲကကအုကစွါဒီးသံကွံာ်လၢအဒုၣ်အဒါတဖၣ် အမဲာ်ညါန့ၣ်လီၤ.

လံာ်လူၤကၣ် 2:1

ဖဲအဆၢကတီၢ်အဝဲန့ၣ်, စီၤပၤဖးဒိၣ်အီၤကူစတူးဟ့ၣ်လီၤ အကလုၢ်လၢတၢ်ကဂံၢ်ထံဖိကီၢ်ဖိလၢအအိၣ်ဝဲဆိးဝဲ သကုၤရိမ့ၤအဘီအမုၢ်အပူၤတဖၣ်ခဲလၢာ်ခီဖျိတၢ်ဆဲးလီၤ အမံၤန့ၣ်လီၤ.

လံာ်ယိၤဟၣ် 12:19

တုၤနုၤတစု, ပှၤဖၤရံၤၡဲတဖၣ်ကတိၤလိာ်အသးတဂၤဒီးတဂၤ, “သုထံၣ်လံ. ပမၤတၢ်တကဲထီၣ်လိၣ်ထီၣ်နီတမံၤဘၣ်. ကွၢ်ကွၢ်, ပှၤခဲလၢာ်ပိာ်အခံလံ.”

မၤတၢ် 8:13

စီၤၡံမိၣ်အနီၢ်ကစၢ်ဒၣ်ဝဲစ့ၢ်ကီးစူၢ်က့ၤနာ်က့ၤတၢ်, ဒီးလၢအဘၣ်တၢ်ဘျၢအီၤလၢထံဝံၤအလီၢ်ခံ, အဝဲဒၣ်လဲၤက့ၤအိၣ်ဆိးဝဲထီဘိဒီးစီၤဖံလံးပူးလီၤ. တုၤအထံၣ်ဘၣ်ဝဲတၢ်ပနီၣ်လီၤလးဒီးတၢ်လီၤလိၢ်လီၤလး တဖၣ်န့ၣ်ဒီး, ကမၢကမၣ်ဝဲဒိၣ်ဒိၣ်ကလဲာ်လီၤ.

လံာ်လီၣ်ဖျါ 13:12

အဝဲဒၣ်သူတၢ်ဒူတၢ်ဃိၤအဆိကတၢၢ်တဒုအတၢ်စိတၢ် ကမီၤခဲလၢာ်လၢအမဲာ်ညါဒၣ်ဝဲန့ၣ်လီၤ. အဝဲဒၣ်မၢဆူၣ် ဟီၣ်ခိၣ်, ဒီးပှၤအိၣ်ဝဲဆိးဝဲလၢအပူၤခဲလၢာ်ဒ်သိးအကဘူၣ် ထီၣ်ဘါထီၣ်တၢ်ဒူတၢ်ဃိၤတၢတဒု, လၢအအိၣ်ဒီးအပူၤလီၢ်လၢအဒုးသံအီၤသ့ဒီးဘျါက့ၤဝဲ န့ၣ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 17:10

လၢအဝဲသ့ၣ်အကျါယဲၢ်ဂၤန့ၣ်လီၤတဲာ်ကွံာ်လံဝဲလံ. တဂၤ န့ၣ်ပၢဒံးတၢ်, ဒီးအဂၤတဂၤန့ၣ်တဟဲဒံးဘၣ်. ဖဲအဝဲဒၣ်ဟဲန့ၣ်ကဘၣ်ပၢတၢ်ထဲတစိၢ်ဖိဧိၤလီၤ.

လံာ်လီၣ်ဖျါ 17:11

ဒီးတၢ်ဒူတၢ်ဃိၤလၢအအိၣ်မူတ့ၢ်လံဝဲတဘျီ, ဘၣ်ဆၣ်တအိၣ် မူလၢၤဝဲန့ၣ်, အနီၢ်ကစၢ်ဒၣ်ဝဲမ့ၢ်စီၤပၤဃိးဂၤတဂၤလၢ အမ့ၢ်စီၤပၤနွံဂၤအကျါတဂၤ, ဒီးဟးထီၣ်ကွံာ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်န့ၣ်လီၤ.

လံာ်လီၣ်ဖျါ 17:13

စီၤပၤအဂၤတဆံအံၤ, အဝဲသ့ၣ်ကိးဂၤဒဲးအိၣ်ဒီးတၢ်တိာ်ပာ် တမံၤဃီ, ဒီးအဝဲသ့ၣ်ဟ့ၣ်လီၤကွံာ်အတၢ်ဂံၢ်တၢ်ဘါဒီးတၢ်စိတၢ် ကမီၤဆူတၢ်ဒူတၢ်ဃိၤတဒုန့ၣ်လီၤ.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.