လံာ်လီၣ်ဖျါ 13:13 - Sgaw Karen Common Bible

¹³ တၢ်ဒူတၢ်ဃိၤခံဒုတဒုအံၤမၤတၢ်လီၤလးအဒိၣ်အမုၢ် တဖၣ်, အဝဲဒၣ်ဒုးဟဲလီၤမ့ၣ်အူလၢမူခိၣ်ဆူဟီၣ်ခိၣ် လၢပှၤကိးဂၤဒဲးအမဲာ်ညါန့ၣ်လီၤ.

လံာ်လီၣ်ဖျါ 13:13 Iomraidhean Croise

လံာ်စီၤပၤအခီၣ်ထံးတဘ့ၣ် 18:38

ယွၤဆှၢလီၤမ့ၣ်အူဒီးမ့ၣ်အူန့ၣ်အီၣ်ကွံာ်ဝဲတၢ်လုၢ်တၢ်ပာ်, သ့ၣ်မုၣ်, လၢၢ်တဖၣ်ဒီးဟီၣ်ခိၣ်ကမူၣ်ဒီးအီၣ်ဃ့ထီၣ်ကွံာ်စ့ၢ် ကီးထံလၢတၢ်ကျိၤအပူၤန့ၣ်လီၤ.

လံာ်တၢ်ဟးထီၣ်ကွံာ် 7:22

တုၤနုၤတစုစီၤပၤအပှၤမၤကဒါပမဲာ်တဖၣ်မၤတၢ်ဒ်န့ၣ်အသိးခီ ဖျိအတၢ်သ့တၢ်ဘၣ်န့ၣ်လီၤ. ဒီးစီၤပၤအသးကိၤဒံးဝဲ ဒၣ်ဒ်အလီၢ်လီၢ်န့ၣ်လီၤ. ဒ်ယွၤစံးဝဲအသိးစီၤပၤဂ့ၢ်လိာ်လၢ ကဒိကနၣ်စီၤမိၤၡ့ဒီးစီၤအၤဟရိၣ်န့ၣ်လီၤ.

လံာ်တၢ်ဟးထီၣ်ကွံာ် 8:7

ဘၣ်ဆၣ်ပှၤမၤကဒါပမဲာ်တဖၣ်ဒုးဟဲထီၣ်စ့ၢ်ကီးဒ့ၣ်ဧိၤကွီၣ်ဧိၤ တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်တၢ်ဟးထီၣ်ကွံာ် 9:11

ဒီးပှၤမၤကဒါပှၤမဲာ်တဖၣ်န့ၣ်ဟဲထီၣ်ဆူစီၤမိၤၡ့မဲာ်ညါတကဲဘၣ် လၢအဝဲသ့ၣ်ပှဲၤဒီးတၢ်ဝ့တၢ်ကျူၤဒ်ပှၤအဲၤကူပတူးဖိအဂၤတဖၣ်အသိးအဃိန့ၣ်လီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်မးသဲ 16:1

ဒီးပှၤဖၤရံၤၡဲ ဒီးပှၤစးဒူၤကဲနီၤဟဲဆူယ့ၣ်ၡူးအအိၣ်, ဒီးဒ်သိးကမၤကွၢ်အီၤအဂီၢ်န့ၣ်, မၢအဒုးနဲၣ်အဝဲသ့ၣ်လၢတၢ်လီၤလးတမံၤလၢအဟဲလီၤလၢမူခိၣ်တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤအဂီၢ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

၂ တံၤမသ့း 3:8

ဒ်စီၤယၣ်နံၤဒီးစီၤယၣ်ဘြံၤထီဒါစီၤမိၤၡ့အသိးန့ၣ်, ပှၤတဖၣ်အံၤထီဒါစ့ၢ်ကီးတၢ်မ့ၢ်တၢ်တီဒီးမ့ၢ်ပှၤတဖၣ် လၢအဆိကမိၣ်ဆိကမးတၢ်တဘၣ်ဒီးလီၤတိၢ်ကွံာ်လၢ အတၢ်စူၢ်တၢ်နာ်န့ၣ်လီၤ.

လံာ်လီၣ်ဖျါ 11:5

ပှၤတဂၤဂၤမ့ၢ်ဂုာ်ကျဲးစၢးမၤဆါအဝဲသ့ၣ်န့ၣ်, မ့ၣ်အူဟဲဖျိးထီၣ်လၢအဝဲသ့ၣ်အကိာ်ပူၤ, ဒီးအီၣ်ကွံာ် အဒုၣ်အဒါတဖၣ်, ဒီးလၢကျဲဒ်အံၤအပူၤ, ပှၤတဂၤလၢ်လၢ်လၢအဂုာ်ကျဲးစၢးမၤဆါအဝဲသ့ၣ်န့ၣ်, ကဘၣ်တၢ်မၤသံကွံာ်အီၤလီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 20:9

အဝဲသ့ၣ်ရၤလီၤအသးသကုၤဟီၣ်ခိၣ်ချၢ, ဒီးကဝီၤဃာ်ကစၢ်ယွၤအပှၤဂီၢ်မုၢ်တဖၣ်အဒဲဒီးဝ့ၢ် တဖျၢၣ်လၢအဝဲဒၣ်အဲၣ်ဝဲန့ၣ်လီၤ. ဘၣ်ဆၣ်ဒီးမ့ၣ်အူ ဟဲလီၤလၢမူခိၣ်, ဒီးမၤဟးဂီၤကွံာ်အဝဲသ့ၣ်လီၤ.