လံာ်လီၣ်ဖျါ 13:11 - Sgaw Karen Common Bible

¹¹ အန့ၣ်ဝံၤအလီၢ်ခံယထံၣ်တၢ်ဒူတၢ်ဃိၤအဂၤတဒုလၢ အဟဲထီၣ်လၢဟီၣ်ခိၣ်အပူၤန့ၣ်လီၤ. အဝဲအိၣ်ဒီးအနၢၤခံ ဘိဒ်သိဖိအနၢၤအသိး, ဒီးအဝဲဒၣ်ကတိၤတၢ်ဒ်ပယိၤ အသိးန့ၣ်လီၤ.

လံာ်လီၣ်ဖျါ 13:11 Iomraidhean Croise

လံာ်ဒၤနံးယ့လး 7:8

ဖဲယကွၢ်စူၣ်ကွၢ်ထံတၢ်အနၢၤတဖၣ်အခါန့ၣ် ယထံၣ်တ့ၢ်တၢ်အနၢၤဆံးဆံးဖိတဘိဟဲထီၣ်ဝဲလၢ အနၢၤအဂၤတဖၣ်အကျါန့ၣ်လီၤ. တၢ်အနၢၤအိၣ်တ့ၢ်လၢ အခီၣ်ထံးတဖၣ်အကျါန့ၣ်အဝဲမၤဟးဂီၤကွံာ်ဝဲသၢဘိန့ၣ်လီၤ. တၢ်အနၢၤဖိတဘိအံၤအိၣ်ဝဲဒၣ်ဒီးပှၤကညီအမဲာ်ချံတဖၣ်ဒီး အထးခိၣ်တပူၤလၢအကတိၤဒိၣ်ကတိၤသွါအသးလၢတၢ်သး ထီၣ်ထီအပူၤန့ၣ်လီၤ.

လံာ်ဒၤနံးယ့လး 8:3

ဒီးဖဲထံကျိဖးဒိၣ်အံၤအကပၤန့ၣ်ယထံၣ်တ့ၢ်သိဖါတဒုလၢ အအိၣ်ဒီးအနၢၤဖးထီခံဘိ, လၢအကျါတဘိန့ၣ်ထီဝဲဒီးသီ ဝဲအါန့ၢ်ဒံးအဂၤတဘိန့ၣ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 12:17

ပယိၤသူၣ်ဒိၣ်သးဖျိးပိာ်မုၣ်ဒီးဟးထီၣ်ဝဲဒ်သိးအကဒုး တၢ်ထီဒါအဝဲဒၣ်အစၢၤအသွဲၣ်အဂၤတဖၣ်, ကယဲၢ်ပှၤတဖၣ်လၢအဒိကနၣ်ကစၢ်ယွၤအတၢ်မၤလိာ်တဖၣ်ဒီး အသးတီဝဲလၢတၢ်အုၣ်အသးလၢယ့ၣ်ၡူးအဂ့ၢ်န့ၣ်လီၤ.

လံာ်လီၣ်ဖျါ 13:1

တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 13:17

ပှၤလၢအတအိၣ်ဒီးတၢ်ပနီၣ်အဝဲအံၤန့ၣ်, ပှ့ၤတၢ်မ့ၢ်ဂ့ၤဆါတၢ်မ့ၢ်ဂ့ၤတသ့နီတဂၤဘၣ်. ဒ်ပစံးတၢ်အသိး, တၢ်ပနီၣ်လၢအမ့ၢ်ဝဲတၢ်ဒူတၢ်ဃိၤအမံၤ, မ့တမ့ၢ်နီၣ်ဂံၢ်လၢအပာ်ဖျါထီၣ်မံၤအဝဲန့ၣ်လီၤ.

လံာ်လီၣ်ဖျါ 13:4

ပှၤကိးဂၤဒဲးဘူၣ်ထီၣ်ဘါထီၣ်ပယိၤန့ၣ်, အဂ့ၢ်မ့ၢ်လၢအဝဲဟ့ၣ်တ့ၢ်အတၢ်စိတၢ်ကမီၤဆူတၢ်ဒူတၢ်ဃိၤန့ၣ် အဃိလီၤ. အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးတၢ်ဒူတၢ်ဃိၤန့ၣ် ဒီးစံးဝဲ “မတၤလီၤဂာ်ဒီးတၢ်ဒူတၢ်ဃိၤန့ၣ်တဂၤလဲၣ်. မတၤဒုးတၢ်ထီဒါအီၤကသ့တဂၤလဲၣ်.”

လံာ်လီၣ်ဖျါ 16:13

အန့ၣ်ဝံၤဒီးယထံၣ်သးလၢအတကဆှီဘၣ်သၢဒုလၢအလီၤဂာ်ဒီး ဒ့ၣ်တဖၣ်န့ၣ်လီၤ. အဝဲသ့ၣ်ဟဲထီၣ်လၢပယိၤအကိာ်ပူၤ, တၢ်ဒူတၢ်ဃိၤအကိာ်ပူၤ, ဒီးဝံအဘျၣ်တဂၤအကိာ်ပူၤလီၤ.

လံာ်လီၣ်ဖျါ 17:6

ဒီးယထံၣ်လၢပိာ်မုၣ်န့ၣ်အီမူၤအသးလၢကစၢ်ယွၤအပှၤဂီၢ်မုၢ်တဖၣ်, ဒီးယ့ၣ်ၡူးအမၤထူရၤတဖၣ်, အသွံၣ်န့ၣ်လီၤ. ဖဲယထံၣ်အီၤန့ၣ်, ယကမၢကမၣ်ယဲဒိၣ်ဒိၣ်အါအါလီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.