လံာ်လီၣ်ဖျါ 13:1 - Sgaw Karen Common Bible

¹ တုၤနုၤတစုယထံၣ်တၢ်ဒူတၢ်ဃိၤတဒုဟဲထီၣ်လၢပီၣ်လဲၣ်ပူၤလီၤ. အဝဲဒၣ်အိၣ်ဒီးအနၢၤအဘိတဆံဒီးအခိၣ်နွံဖျၢၣ်, လၢအနၢၤတဘိဘၣ်တဘိအလိၤန့ၣ်, ခိၣ်သလုးအိၣ်ဝဲတဖျၢၣ်စုာ်စုာ်, ဒီးလၢခိၣ်တဖျၢၣ်ဘၣ်တဖျၢၣ်အလိၤန့ၣ်, မံၤအိၣ်ဝဲတဖျၢၣ်စုာ်စုာ်လၢအဒုၣ်ဒွဲၣ်မၤတရီတပါကစၢ်ယွၤန့ၣ်လီၤ.

လံာ်လီၣ်ဖျါ 13:1 Iomraidhean Croise

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ဒၤနံးယ့လး 11:36

ကီၢ်စူၤရံအစီၤပၤကမၤတၢ်ဒ်အသးအိၣ်မၤဝဲအသိးလီၤ. ကကတိၤတၢ်ကဖၢလၢ, ဒီးစံးဝဲလၢအဝဲမ့ၢ်ပှၤဒိၣ်န့ၢ်ကစၢ်တဂၤလၢ် လၢ်, ဒီးဒိၣ်န့ၢ်ဒံးတၢ်ထီကတၢၢ်ကစၢ်ယွၤဒၣ်လဲာ်န့ၣ်လီၤ. မၤတၢ်အံၤကသ့ဝဲတုၤတၢ်အကတီၢ်ဖဲကစၢ်ယွၤစံၣ်ညီၣ်အီၤန့ၣ် လီၤ. ကစၢ်ယွၤကမၤတၢ်လီၤတံၢ်လီၤဆဲးဒ်တၢ်လၢအကူၣ် ပာ်တ့ၢ်ဝဲအသိးလီၤ.

လံာ်ဒၤနံးယ့လး 2:41

ဒီးဒ်နထံၣ်တ့ၢ်အခီၣ်လၣ်ဒီးအခီၣ်မုၢ်ဘိတဖၣ်မ့ၢ်ထးတနီၤကပံာ် တနီၤအသိးန့ၣ်, တၢ်န့ၣ်ကမ့ၢ်ဝဲဘီမုၢ်အိၣ်လီၤဖးအသးန့ၣ်လီၤ. ဘၣ်ဆၣ်ဒီးတၢ်ဂံၢ်ဆူၣ်ဘါဆူၣ်ဒ်ထးအသိးတနီၤကအိၣ်လၢအကျါ, ဒ်နထံၣ်တ့ၢ်ထးအိၣ်ဃါဃုာ်အသးဒီးကပံာ်အသိးန့ၣ်လီၤ.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 13:11

အန့ၣ်ဝံၤအလီၢ်ခံယထံၣ်တၢ်ဒူတၢ်ဃိၤအဂၤတဒုလၢ အဟဲထီၣ်လၢဟီၣ်ခိၣ်အပူၤန့ၣ်လီၤ. အဝဲအိၣ်ဒီးအနၢၤခံ ဘိဒ်သိဖိအနၢၤအသိး, ဒီးအဝဲဒၣ်ကတိၤတၢ်ဒ်ပယိၤ အသိးန့ၣ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 13:15

တၢ်ဒူတၢ်ဃိၤခံဒုတဒုအံၤ, တၢ်ပျဲအအူနုာ်တၢ်မူဆူတၢ်ဒူတၢ်ဃိၤတၢတဒုအက့ၢ်အဂီၤ အပူၤ, ဒ်သိးက့ၢ်ဂီၤအဝဲန့ၣ်ကတိၤတၢ်ကသ့ဝဲ, ဒီးကမၤသံကယဲၢ်ပှၤလၢအတဘါထီၣ်အီၤတဂၤလၢ်လၢ် န့ၣ်လီၤ.

လံာ်လီၣ်ဖျါ 15:2

ဒီးယထံၣ်တၢ်လၢအလီၤဂာ်ပီၣ်လဲၣ်ယွၤခၣ်စိးအိၣ်ဃါဃုာ် အသးဒီးမ့ၣ်အူန့ၣ်လီၤ. ယထံၣ်ဘၣ်စ့ၢ်ကီးပှၤတဖၣ်လၢအမၤနၢၤတၢ်ဒူတၢ်ဃိၤဒီး အက့ၢ်အဂီၤ, ဒီးမၤနၢၤပှၤတဂၤလၢအမံၤဘၣ်တၢ်ပာ်ဖျါ အီၤခီဖျိနီၣ်ဂံၢ်တဖျၢၣ်န့ၣ်လီၤ. အဝဲသ့ၣ်အိၣ်ဆၢထၢၣ်လၢပီၣ်လဲၣ်ယွၤခၣ်စိးအကပၤ, ဟံးဃာ်တနၢ်သ့ၣ်တဖၣ်လၢကစၢ်ယွၤဟ့ၣ်အဝဲသ့ၣ်,

လံာ်လီၣ်ဖျါ 16:13

အန့ၣ်ဝံၤဒီးယထံၣ်သးလၢအတကဆှီဘၣ်သၢဒုလၢအလီၤဂာ်ဒီး ဒ့ၣ်တဖၣ်န့ၣ်လီၤ. အဝဲသ့ၣ်ဟဲထီၣ်လၢပယိၤအကိာ်ပူၤ, တၢ်ဒူတၢ်ဃိၤအကိာ်ပူၤ, ဒီးဝံအဘျၣ်တဂၤအကိာ်ပူၤလီၤ.

လံာ်လီၣ်ဖျါ 17:16

နၢၤအဘိတဆံလၢနထံၣ်တ့ၢ်နဲဒီးတၢ်ဒူတၢ်ဃိၤတဒုန့ၣ်, ကသးဟ့ဃဲသဲမုၣ်တဂၤန့ၣ်လီၤ. အဝဲသ့ၣ်ကဟံးထီၣ်ကွံာ်တၢ်ခဲလၢာ်ခဲဆ့လၢအအိၣ်ဒီးပိာ်မုၣ် အဝဲန့ၣ်, ဒီးပာ်တ့ၢ်အိၣ်ဘ့ၣ်ဆ့အီၤလီၤ. အဝဲသ့ၣ်ကအီၣ်ကွံာ်ဃဲသဲမုၣ်အဝဲန့ၣ်အညၣ်ဒီးဒွဲၣ်ကွံာ်အီၤ လၢမ့ၣ်အူန့ၣ်လီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.

လံာ်လီၣ်ဖျါ 17:5

လၢအဝဲဒၣ်အခိၣ်တိသၣ်အလိၤန့ၣ်, မံၤတဖျၢၣ်လၢအအိၣ်ဒီးအခီပညီခူသူၣ်အိၣ်ကွဲးအသးဒ်အံၤလီၤ. ဘၤဘူၤလိၣ်ဖးဒိၣ်, ကယဲၢ်ဃဲသဲမုၣ်ဒီးဟီၣ်ခိၣ်အတၢ်လီၤသးဘၣ် အၢခဲလၢာ်အမိၢ်

လံာ်လီၣ်ဖျါ 19:19

တုၤနုၤတစုယထံၣ်တၢ်ဒူတၢ်ဃိၤတဒုန့ၣ်ဒီးဟီၣ်ခိၣ် အစီၤပၤတဖၣ်, ဒီးအဝဲသ့ၣ်အသုးမုၢ်သံၣ်ဘိတဖၣ်ပာ်ဖှိၣ်ထီၣ်အသးဒ်သိး အကဒုးတၢ်ထီဒါပှၤတဂၤလၢအဒိးကသ့ၣ်န့ၣ်, ဒီးထီဒါ အဝဲဒၣ်အသုးမုၢ်န့ၣ်လီၤ.