လံာ်လီၣ်ဖျါ 12:9 - Sgaw Karen Common Bible

⁹ ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 12:9 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်တၢ်ကဲထီၣ်အခီၣ်ထံး 3:13

ဒီးယွၤ, ကစၢ်ယွၤသံကွၢ်ပိာ်မုၣ်, “ဘၣ်မနုၤလၢနမၤတၢ်အံၤ လဲၣ်.” ဒီးပိာ်မုၣ်န့ၣ်စံးဆၢဝဲ, “ဂုၢ်န့ၣ်ကူၣ်လီယၤဒ်သိးယကအီၣ် ဘၣ်တ့ၢ်အီၤလီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 21:1

မုၣ်ကီၤလံၢ်အဲၣ်ဒိးဒုးလီၤဘၣ်တၢ်ကိၢ်တၢ်ဂီၤတမံၤလၢအံၣ်စရ့ လးအပှၤဂီၢ်မုၢ်အလိၤအဃိအဝဲထိၣ်ဂဲၤစီၤဒၤဝံးအသးလၢကထၢပှၤ ထံဖိကီၢ်ဖိအနီၣ်ဂံၢ်ဒီးမၤတၢ်ဆဲးလီၤမံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 18:21

သးန့ၣ်စံးဆၢက့ၤဝဲ, ယကလဲၤဒီးမၤဒ်သိးကယဲၢ်စီၤအၤဃာ်အဝံ ခဲလၢာ်ကတဲတၢ်လီတၢ်ဝ့ၤတဖၣ်န့ၣ်လီၤ. ယွၤစံးဝဲဒၣ်, လဲၤဒီးလီန့ၢ်အီၤတက့ၢ်. နကမၤနၢၤတၢ်န့ၣ်လီၤ.”

စံးထီၣ်ပတြၢၤ 109:6

ဃုထၢစံၣ်ညီၣ်ကွီၢ်တတီအလိၤတနီၤလၢ ကသမံသမိးယဒုၣ်ယဒါဒီး မ်အဝဲဒၣ်အဒုၣ်အဒါတဖၣ်အကျါတဂၤလိာ်ဘၢလိာ်ကွီၢ်တက့ၢ်.

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယၡါယၤ 65:25

ထွံၣ်မံၤတဖၣ်ဒီးသိဖိတဖၣ်ကအီၣ်အဆၣ်တပူၤဃီ, ခ့ယုၢ်တဖၣ်ကအီၣ်လီၢ်ဧိၤဒံးဧိၤ, ဒ်ဂီၤဘုၣ်ဂီၤဖံးအသိး, ဒီးဂုၢ်သ့ၣ်တဖၣ်တလီၤပျံၤလီၤဖုးလၢၤဘၣ်. လၢယကစၢၢ်စီဆှံစံယိၣ်အလိၤန့ၣ်, တၢ်မၤဆူးမၤဆါမ့ၢ်ဂ့ၤ, တၢ်မၤအၢမၤသီမ့ၢ်ဂ့ၤ, တအိၣ်နီတမံၤလၢၤဘၣ်.”

လံာ်ယဃ့းစက့လး 28:16

နတၢ်ဖံးတၢ်မၤအါလၢ တၢ်ဆါတၢ်ပှ့ၤဒီး တၢ်အံၤန့ၣ်ဆှၢဃီၤနၤဆူတၢ်မၤဆူၣ်မၤစိးတၢ်ဒီးတၢ်မၤဒဲးဘးန့ၣ်လီၤ. လၢတၢ်န့ၣ်အဃိ, ယမၤဆူၣ်ဒ်သိး နကဟးထီၣ်ကွံာ်လၢယကစၢၢ်စီဆှံဒီးမူခိၣ်ကလူး တဂၤလၢအခိးဒီဒၣ်နၤန့ၣ်နီၣ်ဟးထီၣ်ကွံာ်နၤယံၤဒီး လၢၢ်တၢ်မျၢ်ကပြုၢ်ကပြီၤတဖၣ်န့ၣ်လီၤ.

လံာ်မးသဲ 13:39

ဒီးဒုၣ်ဒါလၢအဖှံလီၤအဝဲသ့ၣ်န့ၣ်, မ့ၢ်မုၣ်ကီၤလံၢ်လီၤ. ကူးဘုအဆၢကတီၢ် မ့ၢ်မုၢ်နံၤခံကတၢၢ်အကတီၢ်, ဒီးပှၤကူးဘုဖိတဖၣ် မ့ၢ်ကလူးတဖၣ်လီၤ.

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 4:1

တၢ်န့ၣ်ဝံၤအလီၢ်ခံယွၤအသးဆှၢယ့ၣ်ၡူးဆူပှၢ်မုၢ်ကနၢဒ်သိး အကဒိးဘၣ်တၢ်လ့ပစီအဂီၢ်လီၤ.

လံာ်မးသဲ 4:10

တုၤနုၤတစုယ့ၣ်ၡူးစံးဆၢအီၤ, “ဟးဖးဒီးယၤတက့ၢ်မုၣ်ကီၤလံၢ်ဧၢ, အဂ့ၢ်ဒ်အံၤ, တၢ်ကွဲးအသးစံးဝဲ, ‘နဘၣ်ဘူၣ်ထီၣ်ဘါထီၣ် ဒီးမၤထဲယွၤနကစၢ်ယွၤတဂၤဧိၤအတၢ်မၤလီၤ’ ” (သိၣ်သီ. ၆:၁၃).

လံာ်မးသဲ 4:5

မုၣ်ကီၤလံၢ်ဆှၢကဒီးယ့ၣ်ၡူးဆူဝ့ၢ်စီဆှံလၢအမ့ၢ်ဝ့ၢ်ယရူၤၡ လ့ၣ်ဒီးဒုးဆၢထၢၣ်အီၤလၢတၢ်လုၢ်ဟံၣ်အခိၣ်စိၣ်

လံာ်မးသဲ 4:8

အန့ၣ်ဝံၤဒီး မုၣ်ကီၤလံၢ်ဆှၢထီၣ်ယ့ၣ်ၡူးဆူကစၢၢ်လၢအထီမးတဖျၢၣ် အလိၤဒီးဒုးနဲၣ်အီၤလၢဟီၣ်ခိၣ်အဘီမုၢ်တဖၣ်ဃုာ်ဒီးအလၤကပီၤခဲ လၢာ်လီၤ.

လံာ်လူၤကၣ် 10:18

ယ့ၣ်ၡူးစံးဆၢအဝဲသ့ၣ်, “ယထံၣ်မုၣ်ကီၤလံၢ်ဟဲလီၤတဲာ်လၢမူခိၣ်ဒ်လီဝၢ်ဒံးအသိးလီၤ.

လံာ်လူၤကၣ် 13:16

ခဲကနံၣ်အံၤ, ပိာ်မုၣ်လၢအမ့ၢ်စီၤအၤဘြၤဟၣ်အစၢၤအသွဲၣ် အိၣ်ဝဲဒၣ်ဖဲအံၤတဂၤလၢမုၣ်ကီၤလံၢ်ဟံးဃာ်တ့ၢ်အီၤလၢတၢ်စၢဃာ် အပူၤ, အိၣ်လံတဆံဃိးနံၣ်လံန့ၣ်လီၤ. တၢ်ကဒုးထူၣ်ဖျဲးထီၣ်ကွံာ်အီၤလၢအတၢ်စၢဃာ်အပူၤဖဲမုၢ်အိၣ်ဘှံး အနံၤန့ၣ်, တကြၢးဝဲဘၣ်ဝဲဘၣ်ဧါ.”

လံာ်လူၤကၣ် 22:3

အန့ၣ်ဝံၤအလီၢ်ခံ, မုၣ်ကီၤလံၢ်လဲၤနုာ်လီၤဆူစီၤယူဒၤ, လၢတၢ်ကိးအီၤလၢအံၣ်စကၤရံၤအိာ်လၢအမ့ၢ်ပှၤတၢ်မၢဖိ တဆံခံဂၤအကျါတဂၤန့ၣ်အပူၤလီၤ.

လံာ်လူၤကၣ် 22:31

စီၤၡံမိၣ်ဧၢ, စီၤၡံမိၣ်ဧၢ, ဒိကနၣ်တက့ၢ်. မုၣ်ကီၤလံၢ်ဒိးန့ၢ်လံတၢ်ပျဲလၢအကမၤကွၢ်သုဝဲကိးဂၤဒဲး, လၢအကနီၤဖးတၢ်ဂ့ၤဒီးတၢ်အၢ, ဒ်ပှၤထူစံာ်ဖိတဂၤဂုၤဘုအသိးန့ၣ်လီၤ.

လံာ်လူၤကၣ် 8:12

တၢ်ချံလၢအလီၤဘၣ်လၢကျဲလိၤပာ်ဖျါထီၣ်ပှၤတဖၣ်လၢအနၢ် ဟူဘၣ်တၢ်, ဘၣ်ဆၣ်မုၣ်ကီၤလံၢ်ဟဲဒီးဟံးထီၣ်ကွံာ်တၢ်အကလုၢ် ကထါလၢအဝဲသ့ၣ်တဖၣ်အသးကံၢ်ပူၤ, ဒ်သိးအကတြီအဝဲသ့ၣ်လၢအသုတစူၢ်က့ၤနာ်က့ၤတၢ်ဒီး ဒိးန့ၢ်ဘၣ်တၢ်အုၣ်က့ၤခီၣ်က့ၤတဂ့ၤအဂီၢ်န့ၣ်လီၤ.

လံာ်ယိၤဟၣ် 12:31

ခဲကနံၣ်အံၤ, မ့ၢ်တၢ်ဆၢကတီၢ်လၢဟီၣ်ခိၣ်ကဘၣ်တၢ်စံၣ်ညီၣ်အီၤ အဂီၢ်လီၤ. ခဲကနံၣ်အံၤပှၤလၢအပၢဟီၣ်ခိၣ်တဂၤန့ၣ်, ကဘၣ်တၢ်တၢၤကွံာ်အီၤလၢစီၤပၤအလီၢ်လီၤ.

လံာ်ယိၤဟၣ် 14:30

ယကတိၤတၢ်ဒီးသုယံာ်ယံာ်တသ့လၢၤဘၣ်. မ့ၢ်လၢ ပှၤလၢအပၢဟီၣ်ခိၣ်အံၤတဂၤဟဲဝဲလံအဃိလီၤ. အဝဲအစိကမီၤတအိၣ်လၢယဖီခိၣ်နီတမံၤဘၣ်.

လံာ်ယိၤဟၣ် 16:11

လၢကစၢ်ယွၤအတၢ်စံၣ်ညီၣ်အဂ့ၢ်, မ့ၢ်လၢပှၤလၢအပၢဟီၣ်ခိၣ် အံၤဘၣ်တၢ်စံၣ်ညီၣ်တ့ၢ်လံအီၤအဃိန့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

မၤတၢ် 5:3

စီၤပ့းတရူးသံကွၢ်အီၤ, “စီၤအနၤနံဧၢ, ဘၣ်မနုၤနပျဲမုၣ်ကီၤလံၢ်ပၢနၤလၢနကလီန့ၢ်သးစီဆှံအတၢ်ဒီး ပာ်ဃာ်က့ၤစ့တနီၤလၢနမၤန့ၢ်ဖဲနဆါလီၤကွံာ်နစုလီၢ်ခီၣ်ခိၣ် အခါန့ၣ်လဲၣ်.

ရိမ့ၤ 16:18

အဂ့ၢ်ဒ်လဲၣ်န့ၣ်, ပှၤလၢအမၤတၢ်ဒ်အံၤတဖၣ်တမၤပကစၢ် ခရံာ်အတၢ်မၤဘၣ်, မ့မ့ၢ်မၤတၢ်လၢအဟၢဖၢဒၣ်ဝဲအဂီၢ်န့ၣ်လီၤ. ခီဖျိလၢအတၢ်ကတိၤအမုာ်အဆၢတဖၣ်ဒီးအတၢ်ကတိၤအူ သဖှိထီၣ်တၢ်န့ၣ်, အဝဲသ့ၣ်လီန့ၢ်ပှၤလၢအသးဂ့ၤအသးညီ တဖၣ်န့ၣ်လီၤ.

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

၂ ကရံၣ်သူး 11:14

အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

၂ ကရံၣ်သူး 11:3

ယဘၣ်ယိၣ်ဘၣ်ဘီလၢသုသူၣ်သုသးကဘၣ်တၢ်မၤဟးဂီၤကွံာ် အီၤဒီးသုကညိကွံာ်သုတၢ်ဟ့ၣ်လီၤသးလၢာ်လၢာ်ဆ့ဆ့စီစီ ဆှံဆှံဆူခရံာ်အအိၣ်လၢကျဲတဘိဃီလၢနီၢ်အံၣ်အုဘၣ်တၢ် လီန့ၢ်အီၤခီဖျိဂုၢ်သ့ၣ်အတၢ်ကတိၤကဘျံးကဘျၣ်တၢ်သ့သ့ ဘၣ်ဘၣ်တဖၣ်န့ၣ်လီၤ.

၂ ကရံၣ်သူး 12:7

ဘၣ်ဆၣ်ဒီး, ဒ်သိးတၢ်ကတြီဃာ်ယတၢ်ပာ်ထီၣ်ထီယသးအါ တလၢခီဖျိတၢ်လီၤတိၢ်လီၤဆီအါမံၤလၢယထံၣ်ဘၣ်ယဲန့ၣ်, ယဘၣ်တၢ်ဟ့ၣ်ယၤနီၢ်ခိအတၢ်ဆါလၢအဆါမးတမံၤ, တၢ်လၢအကဲထီၣ်မုၣ်ကီၤလံၢ်အကလူးလၢအကတီၢ် ယၤဒီးတြီဃာ်ယတၢ်ပာ်ထီၣ်ထီယသးန့ၣ်လီၤ.

၂ ကရံၣ်သူး 2:11

ဒ်သိးမုၣ်ကီၤလံၢ်အသုတအိၣ်ဒီးအခွဲးအယာ်လၢပဖီခိၣ် တဂ့ၤအဂီၢ်န့ၣ်လီၤ. အဂ့ၢ်ဒ်အံၤ, အဝဲအတၢ်ကူၣ်ထီၣ်ဖးလီၤတဖၣ်မ့ၢ်တၢ်မနုၤလဲၣ်န့ၣ်ပသ့ၣ်ညါ ပဝဲလီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၂ သ့းစၤလနံ 2:3

သုတပျဲပှၤလီန့ၢ်သုနီတဂၤလၢကျဲနီတဘိတဂ့ၤ. အဂ့ၢ်ဒ်အံၤမုၢ်နံၤအဝဲန့ၣ်ကဟဲဒၣ်ဝဲဖဲတၢ်ပူထီၣ်လၢခံ ကတၢၢ်မၤအသးဒီးတၢ်အၢတၢ်သီတဂၤ, လရာ်ဆၣ်န့ၣ်ဟဲပၢၢ်ထီၣ်ဝဲဒၣ်ဝံၤအလီၢ်ခံန့ၣ်လီၤ.

၁ တံၤမသ့း 2:14

ဒီးစီၤအၤဒၣ်တမ့ၢ်ပှၤလၢအဘၣ်တၢ်လီန့ၢ်အီၤဘၣ်. မ့မ့ၢ်ပှၤလၢအဘၣ်တၢ်လီန့ၢ်အီၤဒီးမၤကမၣ်ကစၢ်ယွၤ အတၢ်သိၣ်တၢ်သီန့ၣ်မ့ၢ်ပိာ်မုၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

၁ ယိၤဟၣ် 5:19

ပသ့ၣ်ညါလၢပဘၣ်ဃးဒီးကစၢ်ယွၤ, ဘၣ်ဆၣ်ဒီးဟီၣ်ခိၣ်ဒီဘ့ၣ်ညါအိၣ်လၢတၢ်အၢတၢ်သီတဂၤ အတၢ်ပၢအဖီလာ်န့ၣ်လီၤ.

ယူဒၤ 1:9

ကလူးအခိၣ်မံၤက့လးဒၣ်လဲာ်တမၤတၢ်အံၤဘၣ်. လၢအတၢ်အ့ၣ်လိာ်အသးဒီးမုၣ်ကီၤလံၢ်အပူၤ, ဖဲအဝဲသ့ၣ်ကတိၤဂ့ၢ်လိာ်တၢ်ဘၣ်ဃးဒီးမတၤ ကဟံးန့ၢ်စီၤမိၤၡ့အစိၣ်အဂ့ၢ်န့ၣ်, မံၤက့လးကတိၤဒုၣ်ဒွဲၣ်စံးအၢမုၣ်ကီၤလံၢ်တဘူၣ်ဘၣ်. မ့မ့ၢ်တခီစံးဝဲ, “မ်ကစၢ်သိၣ်ဃီၣ်နၤတက့ၢ်.”

လံာ်လီၣ်ဖျါ 12:12

ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”

လံာ်လီၣ်ဖျါ 12:3

တၢ်လီၤတိၢ်လီၤဆီလၢတၢ်နၢ်ပၢၢ်အဂ့ၢ်တသ့အိၣ်ဖျါထီၣ် ကဒီးအဂၤတမံၤလၢမူကပိာ်လိၤလီၤ. ပယိၤဂီၤဖးဒိၣ်အိၣ်ဝဲဒၣ်တဘိလၢအအိၣ်ဒီးအခိၣ်နွံဖျၢၣ်ဒီး အနၢၤအဘိတဆံ, ဒီးလၢအခိၣ်တဖျၢၣ်ဘၣ်တဖျၢၣ်အလိၤန့ၣ်အိၣ်ဒီးခိၣ်သလုး တဖျၢၣ်စုာ်စုာ်လီၤ.

လံာ်လီၣ်ဖျါ 12:7

တုၤနုၤတစုတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီးအကလူးတဖၣ်ဒုးတၢ်ထီဒါပယိၤ, ဒီးပယိၤဒုးဆၢအီၤဃုာ်ဒီးအကလူးတဖၣ်လီၤ.

လံာ်လီၣ်ဖျါ 12:8

ဘၣ်ဆၣ်ဒီးပယိၤဘၣ်တၢ်မၤနၢၤကွံာ်အီၤ, ဒီးအဝဲဒၣ်ဒီး အကလူးတဖၣ်, တၢ်တဟ့ၣ်အခွဲးလၢအကအိၣ်ကဆိးလၢ မူခိၣ်လၢၤဘၣ်န့ၣ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.

လံာ်လီၣ်ဖျါ 16:14

အဝဲသ့ၣ်မ့ၢ်တၢ်ဝံတၢ်နါလၢအမၤတၢ်လီၤလးတဖၣ်အသး န့ၣ်လီၤ. သးသၢဒုအံၤလဲၤဝဲဆူဟီၣ်ခိၣ်အစီၤပၤခဲလၢာ်အအိၣ် ဒ်သိးအကဒုးအိၣ်ဖှိၣ်အဝဲသ့ၣ်တပူၤဃီလၢတၢ်ဒုးဖဲသ့တၢ် လၢာ်ကစၢ်ယွၤအမုၢ်နံၤဖးဒိၣ်တနံၤန့ၣ်အဂီၢ်လီၤ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.

လံာ်လီၣ်ဖျါ 18:23

မ့ၣ်အူဒၢအတၢ်ကပီၤတဘၣ်တၢ်ထံၣ်န့ၢ်အီၤလၢနပူၤနီ တစုလၢၤဘၣ်. တလးမူးပိာ်မုၣ်ဒီးတလးမူးပိာ်ခွါတဖၣ်အကလုၢ် တဘၣ်တၢ်နၢ်ဟူအီၤလၢနပူၤနီတစုလၢၤဘၣ်. နပှၤပနံာ်တၢ်ကၤတၢ်ဖိတဖၣ်မ့ၢ်တ့ၢ်ပှၤအိၣ်ဒီးအစိအကမီၤ အဒိၣ်ကတၢၢ်လၢဟီၣ်ခိၣ်ဒီဘ့ၣ်ညါ, ဒီးခီဖျိနတၢ်မၤကဒါမဲာ် ကဘျံးကဘျၣ်န့ၣ်, နလီန့ၢ်ပှၤဟီၣ်ခိၣ်ဖိလၢဟီၣ်ခိၣ်ချၢခဲလၢာ်လီၤ.”

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 2:24

မ့မ့ၢ်သုဝဲလၢဝ့ၢ်သူၤအတံရၤအပူၤအဂၤတဖၣ်သုတပိာ် ထွဲတၢ်သိၣ်လီၤသီလီၤအအၢအသီတမံၤအံၤဘၣ်, သုတမၤလိနၢ်ပၢၢ်ဘၣ်ဃးတၢ်တမံၤလၢပှၤအဂၤတဖၣ် ကိးလၢ ‘မုၣ်ကီၤလံၢ်အတၢ်ခူသူၣ်အဒိၣ်အယိာ်တဖၣ်’ န့ၣ်ဘၣ်. သုဝဲတဖၣ်န့ၣ်ယစံးဘၣ်သုလၢယတပာ်ထီၣ်တၢ်ဝံ တၢ်ယိးအဂၤလၢသုလိၤနီတမံၤဘၣ်.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 20:10

တုၤနုၤတစုမုၣ်ကီၤလံၢ်, လၢအလီန့ၢ်တ့ၢ်အဝဲသ့ၣ်န့ၣ် ဘၣ်တၢ်တ့ၢ်လီၤအီၤဆူမ့ၣ်အူဒီးကးအနိၣ်အပူၤဖဲ တၢ်ဒူတၢ်ဃိၤဒီးဝံအဘျၣ်ဘၣ်တၢ်တ့ၢ်လီၤတ့ၢ်အီၤ, ဒီးအဝဲသ့ၣ်ကဘၣ်တၢ်မၤနးမၤဖှီၣ်အီၤလၢမုၢ်ဆါ ဒီးမုၢ်နၤအစိၤစိၤအဃၣ်ဃၣ်လီၤ.

လံာ်လီၣ်ဖျါ 20:8

ဒီးအဝဲဒၣ်ကဟးထီၣ်ဒ်သိးအကလီန့ၢ်ပှၤကလုာ်လၢ ထံဧိၤကီၢ်ဧိၤလၢအအိၣ်ရၤလီၤအသးသကုၤဟီၣ်ခိၣ်ဒီဘ့ၣ်ညါလၢ အမ့ၢ်ပှၤကိးဖိဒီးပှၤမကိးဖိလီၤ. မုၣ်ကီၤလံၢ်ကပာ်ဖှိၣ်အဝဲသ့ၣ်တပူၤဃီလၢတၢ်ဒုးသုးအဂီၢ်, အနီၣ်ဂံၢ်ကအါဝဲဒ်မဲးဧိၤဟီၣ်ဧိၤလၢပီၣ်လဲၣ်ကၢၢ်နံၤအသိး န့ၣ်လီၤ.

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.

လံာ်လီၣ်ဖျါ 9:1

တၢ်န့ၣ်ဝံၤအလီၢ်ခံ, ကလူးယဲၢ်ဂၤတဂၤအူထီၣ်အကွဲၤ လီၤ. ယထံၣ်ဆၣ်တဖျၢၣ်လၢအဟဲလီၤတဲာ်ဆူဟီၣ်ခိၣ်, ဒီးဘၣ်တၢ်ဟ့ၣ်အီၤတၢ်ပူၤယိာ်အနီၣ်ဝံာ်လီၤ.

လံာ်လီၣ်ဖျါ 9:20

ပှၤဟီၣ်ခိၣ်ဖိလၢအအိၣ်လီၤတဲာ်တ့ၢ်တဖၣ်ဒီးကယဲၢ်ပှၤလၢ အတဘၣ်တၢ်မၤသံအီၤလၢတၢ်သံသတြိာ်တဖၣ်န့ၣ်, တပီၢ်ယၢ်လီၤအသးလၢတၢ်လၢအဝဲသ့ၣ်အနီၢ်ကစၢ်ဒၣ်ဝဲမၤတ့ၢ်ဝဲ တဖၣ်အဃိန့ၣ်ဘၣ်. အဝဲသ့ၣ်တဆိကတီၢ်ကွံာ်အတၢ်ဘူၣ်ထီၣ် ဘါထီၣ်တၢ်ဝံတၢ်နါတဖၣ်မ့ၢ်ဂ့ၤ, တၢ်ဂီၤထူ, တၢ်ဂီၤစ့, တၢ်ဂီၤတိၢ်, တၢ်ဂီၤလၢၢ်, တၢ်ဂီၤသ့ၣ်လၢအထံၣ်တၢ်တသ့, အနၢ်ဟူတၢ်တသ့, ဟးတသ့တဖၣ်မ့ၢ်ဂ့ၤန့ၣ်ဘၣ်.