လံာ်လီၣ်ဖျါ 12:6 - Sgaw Karen Common Bible

⁶ ပိာ်မုၣ်န့ၣ်ဃ့ၢ်ကွံာ်ဆူပှၢ်မုၢ်ကနၢ, ဆူတၢ်လီၢ်တတီၤလၢကစၢ်ယွၤကတဲာ်ကတီၤပာ်ဝဲလၢအဂီၢ်ဖဲ အဝဲဒၣ်ကဘၣ်တၢ်အံးထွဲကွၢ်ထွဲအီၤလၢအသီ ၁၂၆၀ အတီၢ် ပူၤန့ၣ်လီၤ.

လံာ်လီၣ်ဖျါ 12:6 Iomraidhean Croise

လံာ်ဒၤနံးယ့လး 12:12

ပှၤလၢအသူၣ်တီသးလိၤတုၤအနံၤတကထိသၢကယၤသၢ ဆံယဲၢ်န့ၣ်ဘၣ်ဆိၣ်ဂ့ၤဝဲလီၤ.

လံာ်မးသဲ 4:11

အန့ၣ်ဒီးမုၣ်ကီၤလံၢ်ဟးဖးဒီးယ့ၣ်ၡူးဒီးကလူးတဖၣ်ဟဲ ဒီးမၤတၢ်အခ့အပှၤအတၢ်မၤလၢအဂီၢ်လီၤ.

လံာ်လီၣ်ဖျါ 12:14

ဘၣ်ဆၣ်ဒီး, ပိာ်မုၣ်ဘၣ်တၢ်ဟ့ၣ်အီၤလံာ်ကြီကြာ်ဖးဒိၣ် အဒံးဆ့ခံဘ့ၣ်ဒ်သိးအကယူၤကွံာ်ဆူအလီၢ်အိၣ်လီၢ်ဆိးလၢ ပှၢ်မုၢ်ကနၢ, ဖဲအဝဲဒၣ်ကဘၣ်တၢ်အံးထွဲကွၢ်ထွဲအီၤလၢသၢနံၣ် တခီအတီၢ်ပူၤ, ပူၤပူၤဖျဲးဖျဲးဒီးပယိၤန့ၣ်လီၤ.

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 13:5

တၢ်ဒူတၢ်ဃိၤန့ၣ်ဘၣ်တၢ်ဟ့ၣ်အီၤအခွဲးလၢအကကတိၤပာ်ဖျါ ထီၣ်အသးလၢတၢ်သးကဖၢလၢအပူၤအိၣ်ဒီးတၢ်ဒုၣ်ဒွဲၣ်မၤတရီ တပါကစၢ်ယွၤ, ဒီးတၢ်ဟ့ၣ်အီၤအခွဲးလၢကအိၣ်ဒီးတၢ်စိတၢ် ကမီၤလၢလွံၢ်ဆံခံလါအတီၢ်ပူၤန့ၣ်လီၤ.

လံာ်လီၣ်ဖျါ 17:3

ယွၤအသးန့ၣ်ပၢၤဃာ်ယၤ, ဒီးကလူးတဂၤန့ၣ်စိာ်ယၤဆူပှၢ်မုၢ် ကနၢလီၤ. ဖဲန့ၣ်ယထံၣ်ဘၣ်ပိာ်မုၣ်တဂၤဆ့ၣ်နီၤလၢတၢ်ဒူတၢ်ဃိၤ အလွဲၢ်ဂီၤတဒုအဖီခိၣ်လီၤ. တၢ်ဒူတၢ်ဃိၤအဝဲန့ၣ်အိၣ်ဒီးမံၤတဖၣ်ဘၣ်ဃးတၢ်ကတိၤတရီ တပါကစၢ်ယွၤအိၣ်ကွဲးအသးပှဲၤလၢအလိၤလီၤ. တၢ်ဒူတၢ်ဃိၤ အဝဲန့ၣ်, အိၣ်ဒီးအခိၣ်နွံဖျၢၣ်ဒီးအနၢၤအဘိတဆံလီၤ.