လံာ်လီၣ်ဖျါ 12:5 - Sgaw Karen Common Bible

⁵ တုၤနုၤတစုပိာ်မုၣ်အဝဲန့ၣ်ဆံးစၢ်ထီၣ်အဖိခွါတဂၤ, လၢအကပၢထံကီၢ်ကိးဘ့ၣ်ဒဲးလၢနီၣ်တီၢ်ထးတဘိ န့ၣ်လီၤ. ဘၣ်ဆၣ်ဒီးဖိသၣ်တဂၤန့ၣ်ဘၣ်တၢ်ဖီၣ်ထုးကွံာ် အီၤဒီးတၢ်စိာ်အီၤဆူကစၢ်ယွၤဒီးအလီၢ်ပစိာ်အအိၣ်န့ၣ်လီၤ.

လံာ်လီၣ်ဖျါ 12:5 Iomraidhean Croise

လံာ်ယၡါယၤ 66:7

ယဝ့ၢ်စီဆှံအံၤလီၤဂာ်ဒီးပိာ်မုၣ်တဂၤလၢအဆံးစၢ်ထီၣ်ဖိသၣ် တဂၤသတူၢ်ကလာ်တအိၣ်ဒီးတၢ်လဲၤခီဖျိတၢ်ဟုးဆါဘၣ် န့ၣ်လီၤ.

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်ယံးရမံယၤ 31:22

သုကမၤယံာ်မၤနီၢ်သုသးဆံးယံာ်လဲၣ်, ပှၤဂီၢ်မုၢ်လၢ အတၢ်နာ်တအိၣ်ဘၣ်သ့ၣ်ဧၢ, ယတ့လီၤတ့ၢ်တၢ်အသီဒီး လီၤဆီတမံၤ, လီၤဆီဝဲဒ်သိးသိး ပိာ်မုၣ်တဂၤဒီ ဒၣ်အိၣ် ပှိၤပိာ်ခွါတဂၤန့ၣ်လီၤ.

လံာ်မံကၤ 5:3

မၤသးဒ်န့ၣ်ဒီး, ယွၤကဒုးစူးကွံာ်ညိကွံာ်အပှၤဂီၢ်မုၢ်ဆူအဒုၣ်အဒါတဖၣ် အစုပူၤတုၤပိာ်မုၣ်လၢအကဆံးစၢ်တဂၤန့ၣ်န့ၢ်ဘၣ်အဖိခွါလီၤ. တုၤနုၤတစု, အထံဖိကီၢ်ဖိကဒဲကဒဲလၢအဘၣ်တၢ်စိာ်မၢကဲကုၢ်အီၤတဖၣ်န့ၣ်, ကဘၣ်တၢ်ပာ်ဖှိၣ်က့ၤဃုာ်အီၤဒီးအပှၤဂီၢ်မုၢ်ဒၣ်ဝဲလီၤ.

လံာ်မးသဲ 1:25

ဘၣ်ဆၣ်ဒီးတချုးလၢအဆံးစၢ်န့ၢ်အဖိခွါဘၣ်န့ၣ်, စီၤယိၤသးတမံဃုာ်ဒီးအမါဘၣ်. စီၤယိၤသးယုၢ်န့ၢ်ဖိသၣ်အမံၤလၢယ့ၣ်ၡူးလီၤ.

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

၂ ကရံၣ်သူး 12:4

ဒီးဖဲန့ၣ်အဝဲနၢ်ဟူတၢ်သ့ၣ်တဖၣ်လၢတၢ်တဲဖျါထီၣ်က့ၤ အီၤလၢတၢ်ကတိၤတသ့ဘၣ်. တၢ်သ့ၣ်တဖၣ်လၢပှၤကညီအနိးဖံးကတိၤဖျါလၢအဂ့ၢ်တသ့ ဘၣ်န့ၣ်လီၤ.

လံာ်လီၣ်ဖျါ 11:12

အန့ၣ်ဝံၤအလီၢ်ခံ, ဝံခံဂၤနၢ်ဟူတၢ်ကလုၢ်ဖးဒိၣ်လၢမူခိၣ်, ကတိၤတၢ်ဒီးအဝဲသ့ၣ်, “ဟဲထီၣ်ဖဲအံၤတက့ၢ်.” ဒီးဖဲအဝဲသ့ၣ်အဒုၣ်အဒါတဖၣ်ကွၢ်ဝဲအဖၢမုၢ်န့ၣ်, အဝဲသ့ၣ်က့ၤထီၣ်ဆူမူခိၣ်လၢတၢ်အၢၣ်တလိၣ်အပူၤ လီၤ.

လံာ်လီၣ်ဖျါ 12:13

ဖဲပယိၤသ့ၣ်ညါလၢအဝဲဘၣ်တၢ်တ့ၢ်လီၤကွံာ်လံအီၤဆူဟီၣ် ခိၣ်ချၢန့ၣ်, အဝဲဒၣ်စးထီၣ်လူၤပိာ်မုၣ်လၢအဆံးစၢ်ထီၣ်တ့ၢ်ပိာ်ခွါဖိ တဂၤန့ၣ်လီၤ.

လံာ်လီၣ်ဖျါ 12:2

အဝဲဒၣ်အိၣ်ဒီးအဟုးအသး, ဒီးကိးပသူထီၣ်ဝဲလၢတၢ်ဟုးဆါဒီးဘၣ်နးဘၣ်ဖှီၣ် လၢကဆံးစၢ်အဖိအဃိန့ၣ်လီၤ.

လံာ်လီၣ်ဖျါ 19:15

လၢအဝဲဒၣ်အကိာ်ပူၤန့ၣ် နးလၢအကနၣ်အ့ၣ်တဘ့ၣ် ဟဲဖျိးထီၣ်, ဒီးလၢနးအဝဲအံၤန့ၣ်အဝဲကမၤနၢၤထံဧိၤကီၢ် ဧိၤတဖၣ်လီၤ. အဝဲဒၣ်ကပၢအဝဲသ့ၣ်လၢနီၣ်တီၢ်ထး, ဒီးအဝဲကယီၢ်ထီၣ်စပံးထံလၢနီၣ်စံၢ်စပံးသၣ်အကျိးဘၣ် ဃးဒီးသ့တၢ်လၢာ်ကစၢ်ယွၤအတၢ်သးထီၣ်, အပူၤလီၤ.