လံာ်လီၣ်ဖျါ 12:4 - Sgaw Karen Common Bible

⁴ ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.

လံာ်လီၣ်ဖျါ 12:4 Iomraidhean Croise

လံာ်တၢ်ဟးထီၣ်ကွံာ် 1:16

“ဖဲသုမၤစၢၤပှၤဧ့ၤဘြံၤမုၣ်တဖၣ်ဆံးစၢ်အဖိန့ၣ်မ့ၢ်အိၣ် ဖျဲၣ်ထီၣ်အပိာ်ခွါဖိဒီးမၤသံကွံာ်အီၤတက့ၢ်. မ့မ့ၢ်အပိာ်မုၣ်ဖိဒီးပျဲအမူတက့ၢ်,” န့ၣ်လီၤ.

လံာ်ယၡါယၤ 27:1

တၢ်လၢမုၢ်တနံၤန့ၣ်, ယွၤကသူအနးလၢအတဟီၣ်ဆူၣ်ဒီးမၤ သံတၢ်သ့တဘ့ၣ်လၢကစံၣ်ညီၣ်သမၣ်ဂုၢ်, လၢအစွါဒ်ထိးကလဲာ် ဒီးဝံာ်ပကံးအသးဒ်ပယိၤအသိးန့ၣ်, ဒီးကမၤသံတၢ်မုၢ်ဃၢ်ဖး ဒိၣ်လၢအအိၣ်လၢပီၣ်လဲၣ်ပူၤန့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်လီၣ်ဖျါ 12:7

တုၤနုၤတစုတၢ်ဒုးတၢ်ယၤအိၣ်ထီၣ်လၢမူခိၣ်လီၤ. မံၤက့လးဒီးအကလူးတဖၣ်ဒုးတၢ်ထီဒါပယိၤ, ဒီးပယိၤဒုးဆၢအီၤဃုာ်ဒီးအကလူးတဖၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:2

တၢ်ဒူတၢ်ဃိၤအံၤလီၤဂာ်ဒီးခ့ဘှ့ အိၣ်ဒီးအခီၣ်လၢအလီၤဂာ်ဒီးတၤသူအခီၣ်ဒီးအကိာ်ပူၤ တပူၤလၢအလီၤဂာ်ဒီးခ့ယုၢ်အကိာ်ပူၤလီၤ. ပယိၤဟ့ၣ်တၢ်ဒူတၢ်ဃိၤန့ၣ်လၢအစိကမီၤဒၣ်ဝဲ, အလီၢ်ပစိာ်, ဒီးအတၢ်စိတၢ်ကမီၤအဒိၣ်အမုၢ်လၢကပၢတၢ်အဂီၢ်န့ၣ်လီၤ.

လံာ်လီၣ်ဖျါ 13:4

ပှၤကိးဂၤဒဲးဘူၣ်ထီၣ်ဘါထီၣ်ပယိၤန့ၣ်, အဂ့ၢ်မ့ၢ်လၢအဝဲဟ့ၣ်တ့ၢ်အတၢ်စိတၢ်ကမီၤဆူတၢ်ဒူတၢ်ဃိၤန့ၣ် အဃိလီၤ. အဝဲသ့ၣ်ဘူၣ်ထီၣ်ဘါထီၣ်စ့ၢ်ကီးတၢ်ဒူတၢ်ဃိၤန့ၣ် ဒီးစံးဝဲ “မတၤလီၤဂာ်ဒီးတၢ်ဒူတၢ်ဃိၤန့ၣ်တဂၤလဲၣ်. မတၤဒုးတၢ်ထီဒါအီၤကသ့တဂၤလဲၣ်.”

လံာ်လီၣ်ဖျါ 16:13

အန့ၣ်ဝံၤဒီးယထံၣ်သးလၢအတကဆှီဘၣ်သၢဒုလၢအလီၤဂာ်ဒီး ဒ့ၣ်တဖၣ်န့ၣ်လီၤ. အဝဲသ့ၣ်ဟဲထီၣ်လၢပယိၤအကိာ်ပူၤ, တၢ်ဒူတၢ်ဃိၤအကိာ်ပူၤ, ဒီးဝံအဘျၣ်တဂၤအကိာ်ပူၤလီၤ.

လံာ်လီၣ်ဖျါ 17:18

ပိာ်မုၣ်တဂၤလၢနထံၣ်ဘၣ်တ့ၢ်နဲန့ၣ်, မ့ၢ်ဝ့ၢ်ဖးဒိၣ်လၢအပၢဘၣ်ဟီၣ်ခိၣ်အစီၤပၤတဖၣ်လီၤ.”

လံာ်လီၣ်ဖျါ 20:2

အဝဲဒၣ်ဖီၣ်ဃာ်ပယိၤ, ဂုၢ်သ့ၣ်လၢထံးလၢသီတဘိလၢ အမ့ၢ်မုၣ်ကီၤလံၢ်မ့တမ့ၢ်စၤတၣ်, ဒီးစၢဃာ်အီၤလၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 8:10

အန့ၣ်ဝံၤဒီးကလူးသၢဂၤတဂၤအူထီၣ်အကွဲၤန့ၣ်လီၤ. ဆၣ်ဖးဒိၣ်တဖျၢၣ်, လၢအကပီၤဝဲဒ်ဆှီတဘိအသိး, ဟဲလီၤတဲာ်လၢမူကပိာ်လိၤဒီးလီၤဝဲလၢထံကျိတဖၣ် အသၢပူတပူအဖီခိၣ်, ဒီးလၢထံမူထီၣ်ပၢၢ်တဖၣ်အဖီခိၣ်လီၤ.

လံာ်လီၣ်ဖျါ 8:11

(ဆၣ်တဖျၢၣ်န့ၣ်အမံၤမ့ၢ်ဝဲဒၣ်အးပစံၣ်သိၣ်အခီပညီမ့ၢ်တၢ် အခၣ်န့ၣ်လီၤ) ထံသၢပူတပူခၣ်ထီၣ်ဝဲဒၣ်, ဒီးပှၤအါဒံအါဂၤသံဝဲဖဲအအီထံအဝဲန့ၣ်, မ့ၢ်လၢအခၣ်ထီၣ်ဝဲဒၣ်အဃိလီၤ.

လံာ်လီၣ်ဖျါ 8:12

တုၤနုၤတစုကလူးလွံၢ်ဂၤတဂၤအူထီၣ်အကွဲၤလီၤ. မုၢ်အသၢပူတပူဒီးလါအသၢပူတပူဒီးဆၣ်တဖၣ်အသၢပူ တပူဘၣ်တၢ်မၤဘၣ်ဒိအီၤတုၤဒၣ်လဲာ်အဝဲသ့ၣ်အတၢ်ကပီၤ အကပြုၢ်ကပြီၤလီၤမၢ်ကွံာ်ဝဲဒၣ်သၢပူတပူန့ၣ်လီၤ. မုၢ်နံၤအသၢပူတပူဒီးမုၢ်နၤအသၢပူတပူစ့ၢ်ကီးန့ၣ်, အတၢ်ကပီၤတအိၣ်ဘၣ်.

လံာ်လီၣ်ဖျါ 8:7

ကလူးအဆိကတၢၢ်တဂၤအူထီၣ်အကွဲၤလီၤ. သူၣ်ဒီးမ့ၣ်အူ, ဃါဃုာ်ဒီးတၢ်သွံၣ်ဟဲလီၤဝဲဒၣ်လၢဟီၣ်ခိၣ် အဖီခိၣ်လီၤ. မ့ၣ်အူအီၣ်ကွံာ်ဟီၣ်ခိၣ်သၢပူတပူ, သ့ၣ်အထူၣ်တဖၣ်သၢပူတပူဒီးတပံၢ်တမါအသံကစဲာ် တဖၣ်ကိးဘိဒဲးလီၤ.

လံာ်လီၣ်ဖျါ 8:8

တၢ်န့ၣ်ဝံၤအလီၢ်ခံ, ကလူးခံဂၤတဂၤအူထီၣ်အကွဲၤလီၤ. တၢ်တမံၤလၢအလီၤဂာ်ကစၢၢ်ဖးဒိၣ်လၢမ့ၣ်အူအီၣ်အီၤ တဖျၢၣ်, ဘၣ်တၢ်ကွံာ်လီၤအီၤဆူပီၣ်လဲၣ်ပူၤလီၤ. ပီၣ်လဲၣ်သၢပူတပူကဲထီၣ်တၢ်သွံၣ်န့ၣ်လီၤ.

လံာ်လီၣ်ဖျါ 8:9

တၢ်မူတၢ်ဂဲၤလၢပီၣ်လဲၣ်ပူၤသၢပူတပူသံကွံာ်ဝဲဒၣ်, ဒီးကဘီတဖၣ်အသၢပူတပူဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်လီၣ်ဖျါ 9:10

အဝဲသ့ၣ်အိၣ်ဒီးအမဲၢ်တဖၣ်ဒီးဆဲးတၢ်ဒ်ပတ့ၤချဲးဆဲးတၢ်အသိး, ဒီးခီဖျိအမဲၢ်တဖၣ်န့ၣ်, အဝဲသ့ၣ်အိၣ်ဒီးတၢ်စိကမီၤလၢ အကမၤဆူးမၤဆါပှၤကညီလၢယဲၢ်လါအတီၢ်ပူၤလီၤ.

လံာ်လီၣ်ဖျါ 9:19

အဂ့ၢ်ဒ်အံၤ, ကသ့ၣ်တဖၣ်အစိကမီၤအိၣ်ဝဲဒၣ်လၢအဝဲသ့ၣ် အကိာ်ပူၤဒီးလၢအမဲၢ်အပူၤစ့ၢ်ကီးန့ၣ်လီၤ. အဝဲသ့ၣ်အမဲၢ်တဖၣ်မၤအသးဒ်ဂုၢ်သ့ၣ်လၢအအိၣ်ဒီးအခိၣ် တဖၣ်, ဒီးအဝဲသ့ၣ်သူအီၤလၢအကမၤဆူးမၤဆါပှၤကညီ တဖၣ်အဂီၢ်လီၤ.