လံာ်လီၣ်ဖျါ 12:2 - Sgaw Karen Common Bible

² အဝဲဒၣ်အိၣ်ဒီးအဟုးအသး, ဒီးကိးပသူထီၣ်ဝဲလၢတၢ်ဟုးဆါဒီးဘၣ်နးဘၣ်ဖှီၣ် လၢကဆံးစၢ်အဖိအဃိန့ၣ်လီၤ.

လံာ်လီၣ်ဖျါ 12:2 Iomraidhean Croise

လံာ်ယၡါယၤ 26:17

နဲဒၣ်, ယွၤဧၢ, နဒုးကိးပသူထီၣ်ပှၤ, ဒ်ပိာ်မုၣ်ဟုးဆါတဂၤကိးပသူထီၣ်ဝဲလၢတၢ်ဆူးတၢ် ဆါပူၤအသိးန့ၣ်လီၤ.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်ယၡါယၤ 54:1

ဝ့ၢ်ယရူၤၡလ့ၣ်ဧၢ, နလီၤဂာ်တ့ၢ်ဒီးပိာ်မုၣ်တူာ်ဖိတဂၤလီၤ. ဘၣ်ဆၣ်ဒီးခဲအံၤ, နသးဝံၣ်ဒီးကိးထီၣ်လၢတၢ်သးခု အပူၤန့ၣ်သ့လံ. ခဲအံၤ, နကအိၣ်ဒီးနဖိအါန့ၢ်ဒံးပိာ်မုၣ်တဂၤလၢ အဝၤတဟးဖးဒီးအီၤနီတစုန့ၣ်လီၤ.

လံာ်ယၡါယၤ 66:6

ဒိကနၣ်, တၢ်သီၣ်ဖးဒိၣ်လၢဝ့ၢ်အပူၤဒီးတၢ်အသီၣ်လၢတၢ် လုၢ်ဟံၣ်ပူၤန့ၣ်တက့ၢ်. မ့ၢ်ယွၤအတၢ်စံၣ်ညီၣ်အဒုၣ်အဒါတဖၣ် အတၢ်သီၣ်န့ၣ်လီၤ.

လံာ်မံကၤ 4:9

ဘၣ်မနုၤနကိးပသူထီၣ်လၢနကလုၢ်ဖးဒိၣ်လဲၣ်. ဘၣ်မနုၤအဃိန တူၢ်တၢ်ဒ်ပိာ်မုၣ်လၢတၢ်ဟုးဆါအပူၤန့ၣ်လဲၣ်. မ့ၢ်နစီၤပၤတအိၣ်နီတဂၤအဃိဧါ. နပှၤကူၣ်လိာ်တၢ်တဖၣ်သံလံဧါ.

လံာ်မံကၤ 5:3

မၤသးဒ်န့ၣ်ဒီး, ယွၤကဒုးစူးကွံာ်ညိကွံာ်အပှၤဂီၢ်မုၢ်ဆူအဒုၣ်အဒါတဖၣ် အစုပူၤတုၤပိာ်မုၣ်လၢအကဆံးစၢ်တဂၤန့ၣ်န့ၢ်ဘၣ်အဖိခွါလီၤ. တုၤနုၤတစု, အထံဖိကီၢ်ဖိကဒဲကဒဲလၢအဘၣ်တၢ်စိာ်မၢကဲကုၢ်အီၤတဖၣ်န့ၣ်, ကဘၣ်တၢ်ပာ်ဖှိၣ်က့ၤဃုာ်အီၤဒီးအပှၤဂီၢ်မုၢ်ဒၣ်ဝဲလီၤ.

လံာ်မးသဲ 24:8

တၢ်တဖၣ်အံၤခဲလၢာ် မ့ၢ်ဒံးဒၣ်တၢ်လၢအလီၤဂာ်ဒီးပှၤဟုးဆါထီၣ်သီန့ၣ်လီၤ.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

ကလၤတံ 4:27

အဂ့ၢ်ဒ်အံၤ, တၢ်ကွဲးအသးစံးဝဲ, “သးခုတက့ၢ်, ပိာ်မုၣ်လၢအဖိတအိၣ်တဂၤဧၢ, ကိးပသူထီၣ်လၢတၢ်သးဖှံအပူၤ, ပှၤလၢအတတူၢ်ဘၣ်တၢ်ဟုးဆါနီတစု နၤဧၢ, အဂ့ၢ်ဒ်အံၤ, ပိာ်မုၣ်လၢအဝၤဟးသဒၣ်ကွံာ်အီၤ တဂၤန့ၣ်ကအိၣ်ဒီးအဖိအါန့ၢ် ပိာ်မုၣ်လၢအဝၤတဟးသဒၣ်အီၤ နီတဘျီဘၣ်တဂၤလီၤ” (ၡါ ၅၄:၁).

လံာ်လီၣ်ဖျါ 12:4

ဒီးအဝဲဒၣ်အမဲၢ်န့ၣ်ထုးလီၤတဲာ်ကွံာ်ဆၣ်သၢပူတပူ လၢမူကပိာ်လိၤ, ဒီးတ့ၢ်လီၤကွံာ်အီၤလၢဟီၣ်ခိၣ်လိၤလီၤ. အဝဲဒၣ်အိၣ်ဆၢထၢၣ်လၢပိာ်မုၣ်တဂၤန့ၣ်အမဲာ်ညါ, ဒ်သိးအကအီၣ်ကွံာ်အဖိတစုဃီဖဲအအိၣ်ဖျဲၣ်ထီၣ်န့ၣ်လီၤ.