လံာ်လီၣ်ဖျါ 12:12 - Sgaw Karen Common Bible

¹² ဒီးလၢတၢ်န့ၣ်အဃိ, မူခိၣ်ဒီးသုဝဲလၢအအိၣ်အဆိးဖဲန့ၣ်ကိးဂၤ သ့ၣ်ဧၢ, သူၣ်ခုသးခုတက့ၢ်. မ့မ့ၢ်ဟီၣ်ခိၣ်ဒီးပီၣ်လဲၣ်အဂီၢ်မ့ၢ်တၢ်လီၤ ပျံၤလီၤဖုးဝဲဒၣ်ဆံးဒိၣ်လဲၣ်. အဂ့ၢ်ဒ်အံၤ, မုၣ်ကီၤလံၢ်ဟဲလီၤလံဆူသုအိၣ်, ဒီးအဝဲဒၣ်ပှဲၤဒီးတၢ်သးထီၣ်လီၤ. အဂ့ၢ်ဒ်အံၤ, အဝဲသ့ၣ်ညါလၢအဆၢကတီၢ်အိၣ်တ့ၢ်ထဲတစိၢ်ဖိအဃိန့ၣ်လီၤ.”

လံာ်လီၣ်ဖျါ 12:12 Iomraidhean Croise

လံာ်ယၡါယၤ 44:23

ကိးထီၣ်လၢတၢ်သးခုတက့ၢ်, သုဝဲမူခိၣ်မူကပိာ်လိၤသ့ၣ်တဖၣ်ဧၢ, ကိးထီၣ်, ဟီၣ်ခိၣ်အလီၢ်လၢအယိာ်တဖၣ်ဧၢ, ကိးထီၣ်လၢတၢ်သးခုတက့ၢ်, ကစၢၢ်သ့ၣ်တဖၣ်ဒီးသ့ၣ်ထူၣ်ကိးထူၣ်ဒဲးလၢသ့ၣ်ဒိၣ်ပှၢ်တီၣ်ပူၤသ့ၣ်ဧၢ, ယွၤဒုးနဲၣ်အတၢ်ဒိၣ်တၢ်မုၢ်ခီဖျိတၢ်အုၣ်က့ၤခီၣ်က့ၤ အပှၤဂီၢ်မုၢ်အံၣ်စရ့လးလီၤ.

လံာ်ယၡါယၤ 49:13

မူခိၣ်မူကပိာ်လိၤဧၢ, သးဝံၣ်ထီၣ်တက့ၢ်. ကိးပသူထီၣ်လၢတၢ်သးခုအဂ့ၢ်တက့ၢ်. မ်ကစၢၢ်တဖၣ်သီၣ်ပုာ်ထီၣ်လၢတၢ်သးဝံၣ်တက့ၢ်. ယွၤကမၤမုာ်မၤခုၣ်အပှၤဂီၢ်မုၢ်အသးလီၤ. အဝဲကအိၣ်ဒီးတၢ်သးကညီၤဘၣ်အပှၤဂီၢ်မုၢ်လၢအဘၣ်တူၢ်ဘၣ်တၢ် တဖၣ်န့ၣ်လီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

ဧ့ၤဘြံၤ 10:37

အဂ့ၢ်ဒ်အံၤ, “တစိၢ်ဖိဒီးပှၤလၢအကဟဲဝဲတဂၤန့ၣ် ကဟဲဝဲဒီးတမၤယံာ်မၤနီၢ်အသးဘၣ်.

၂ ပ့းတရူး 3:8

ယတံၤသကိးသးဘိသ့ၣ်ဧၢ, တဘၣ်သးပ့ၤနီၣ်တၢ်တမံၤ အံၤတဂ့ၤ. လၢကစၢ်အမဲာ်ညါန့ၣ်, မုၢ်တနံၤဒီးအနံၣ် တကထိအဘၢၣ်စၢၤတၢ်လီၤဆီတအိၣ်ဘၣ်. လၢအဝဲအဂီၢ်တၢ်ခံမံၤအံၤမ့ၢ်ဒၣ်တၢ်ဒ်သိးသိးလီၤ.

လံာ်လီၣ်ဖျါ 10:6

ဒီးဆိၣ်လီၤအသးလၢကစၢ်ယွၤအမံၤ, ကစၢ်ယွၤလၢအမူဝဲ လီၤထူလီၤယိာ်, လၢအတ့လီၤမူခိၣ်ဟီၣ်ခိၣ်, ဒီးပီၣ်လဲၣ်ဒီးတၢ်ခဲလၢာ်ခဲဆ့လၢအအိၣ်လၢအပူၤန့ၣ်လီၤ. ကလူးန့ၣ်စံးဝဲ, “တၢ်တမၤယံာ်မၤနီၢ်တၢ်လၢၤဘၣ်.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်လီၣ်ဖျါ 11:14

တၢ်နးတၢ်ဖှီၣ်ခံမံၤတမံၤန့ၣ်မၤအသးဝံၤလံ, ဘၣ်ဆၣ်ဒီး တယံာ်ဘၣ်န့ၣ်, တၢ်နးတၢ်ဖှီၣ်သၢမံၤတမံၤကတုၤအိၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:6

အဝဲဒၣ်စးထီၣ်ဆိၣ်အၢကစၢ်ယွၤ, ကစၢ်ယွၤအမံၤ, တၢ်လီၢ်ဖဲအအိၣ်ဝဲဆိးဝဲ, ဒီးပှၤအိၣ်ဝဲဆိးဝဲလၢမူခိၣ် ခဲလၢာ်ခဲဆ့န့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်လီၣ်ဖျါ 8:13

တုၤနုၤတစုယကွၢ်တၢ်, ဒီးယနၢ်ဟူလံာ်ကြီကြာ်တဘ့ၣ်လၢအယူၤဝဲလၢကလံၤ ကျါဖးထီန့ၣ်, စံးဝဲလၢအကလုၢ်ဖးဒိၣ် “ဖဲကွဲၤအကလုၢ် သီၣ်ထီၣ်ဝဲ, လၢကလူးအဂၤသၢဂၤကဘၣ်အူသီၣ်ထီၣ်န့ၣ်, ကယဲၢ်ပှၤအိၣ်လၢဟီၣ်ခိၣ်ချၢတဖၣ်အဂီၢ်ကမ့ၢ်တၢ်အဖှီၣ်, တၢ်အဖှီၣ်, တၢ်အဖှီၣ်န့ၣ်လီၤ.”

လံာ်လီၣ်ဖျါ 9:12

တၢ်နးတၢ်ဖှီၣ်တၢတခါန့ၣ်မၤအသးဝံၤဝဲလံ. အဝဲအံၤဝံၤ အလီၢ်ခံန့ၣ်, တၢ်နးတၢ်ဖှီၣ်လၢအကမၤအသးအိၣ်ဒံးဝဲခံမံၤလီၤ.