လံာ်လီၣ်ဖျါ 12:11 - Sgaw Karen Common Bible

¹¹ ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 12:11 Iomraidhean Croise

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

ရိမ့ၤ 16:20

ဒီးကစၢ်ယွၤလၢအမ့ၢ်ပတၢ်ဃူတၢ်ဖိးအဂံၢ်ထံးတဂၤအံၤ, တယံာ်ဘၣ်ဒီးကမၤသဘှံးကွံာ်မုၣ်ကီၤလံၢ်လၢသုခီၣ်အဖီလာ်န့ၣ် လီၤ. မ်ပကစၢ်ယ့ၣ်ၡူးခရံာ်အဘျုးအဖှိၣ်အိၣ်ဒီးသုတက့ၢ်.

1 ကရံၣ်သူး 15:57

ဘၣ်ဆၣ်ဒီး ကစၢ်ယွၤလၢအဟ့ၣ်ပှၤတၢ်မၤနၢၤခီဖျိပကစၢ် ယ့ၣ်ၡူးခရံာ်တဂၤန့ၣ်, မ်အဘၣ်တၢ်စံးဘျုးစံးဖှိၣ်အီၤတက့ၢ်.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 5:5

မတၤမၤနၢၤဟီၣ်ခိၣ်သ့တဂၤလဲၣ်. မ့ၢ်ဒၣ်ထဲပှၤလၢအနာ်ဝဲလၢယ့ၣ်ၡူးမ့ၢ်ကစၢ်ယွၤအဖိခွါဧိၤ န့ၣ်လီၤ.

လံာ်လီၣ်ဖျါ 1:2

ဒီးစီၤယိၤဟၣ်တဲဖျါထီၣ်တ့ၢ်တၢ်သ့ၣ်တဖၣ်လၢအဝဲဒၣ် ထံၣ်ဘၣ်တ့ၢ်ဝဲခဲလၢာ်န့ၣ်လီၤ. အဝဲအံၤ, မ့ၢ်အဝဲဒၣ်အတၢ်ပာ်ဖျါဘၣ်ဃးတၢ်ကစီၣ်လၢကစၢ်ယွၤအအိၣ်, ဒီးတၢ်မ့ၢ်တၢ်တီလၢယ့ၣ်ၡူးခရံာ်လီၣ်ဖျါထီၣ်အီၤန့ၣ်လီၤ.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 11:7

ဖဲအဝဲသ့ၣ်ဘိးဘၣ်သ့ၣ်ညါအတၢ်ကစီၣ်ဝံၤလံန့ၣ်, တၢ်ဒူတၢ်ဃိၤလၢအဟဲဟးထီၣ်လၢတၢ်ပူၤယိာ်တဒုန့ၣ် ကဒုးလိာ်အသးဒီးအဝဲသ့ၣ်လီၤ. အဝဲဒၣ်ကမၤနၢၤ ဒီးမၤသံကွံာ်အဝဲသ့ၣ်လီၤ.

လံာ်လီၣ်ဖျါ 12:17

ပယိၤသူၣ်ဒိၣ်သးဖျိးပိာ်မုၣ်ဒီးဟးထီၣ်ဝဲဒ်သိးအကဒုး တၢ်ထီဒါအဝဲဒၣ်အစၢၤအသွဲၣ်အဂၤတဖၣ်, ကယဲၢ်ပှၤတဖၣ်လၢအဒိကနၣ်ကစၢ်ယွၤအတၢ်မၤလိာ်တဖၣ်ဒီး အသးတီဝဲလၢတၢ်အုၣ်အသးလၢယ့ၣ်ၡူးအဂ့ၢ်န့ၣ်လီၤ.

လံာ်လီၣ်ဖျါ 19:10

ယထိၣ်လီၤပှီၤယသးလၢအဝဲဒၣ်အမဲာ်ညါဒ်သိးယကဘူၣ် ထီၣ်ဘါထီၣ်အီၤ, ဘၣ်ဆၣ်ဒီးအဝဲဒၣ်စံးဘၣ်ယၤ, “တဘၣ်မၤတဂ့ၤ, ယမ့ၢ်တၢ်ခ့တၢ်ပှၤသကိးတၢ်ခ့တၢ်ပှၤ ဒီးနၤ, ဒီးနဒီပုၢ်ဝဲၢ်တဖၣ်, ကယဲၢ်ပှၤသ့ၣ်တဖၣ်လၢအဟံးဃာ်တၢ်မ့ၢ်တၢ်တီလၢ ယ့ၣ်ၡူးလီၣ်ဖျါဝဲန့ၣ်လီၤ. ဘူၣ်ထီၣ်ဘါထီၣ်ကစၢ်ယွၤတက့ၢ်.” အဂ့ၢ်ဒ်အံၤတၢ်မ့ၢ်တၢ်တီလၢယ့ၣ်ၡူးလီၣ်ဖျါထီၣ်ဝဲန့ၣ် မ့ၢ်တၢ်လၢအထိၣ်ဟူးထိၣ်ဂဲၤဝံတဖၣ်န့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 2:17

မၤသးဒ်န့ၣ်ဒီး, နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ဆူပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်လီၤအီၤကိၣ်မၤနၤခူသူၣ်တနီၤလီၤ. ယကဟ့ၣ်စ့ၢ်ကီးအဝဲသ့ၣ်တဂၤဘၣ်တဂၤလၢလၢၢ်ဝါ တဖျၢၣ်လၢမံၤသီတဖျၢၣ်အိၣ်ကွဲးအသးလၢအလိၤ, မံၤသီတဖျၢၣ်လၢပှၤတသ့ၣ်ညါဝဲနီတဂၤ, သ့ၣ်ညါထဲပှၤတဂၤလၢအဒိးန့ၢ်ဘၣ်အီၤန့ၣ်လီၤ.”

လံာ်လီၣ်ဖျါ 2:26

ပှၤတဖၣ်လၢအမၤနၢၤတၢ်ဒီးမၤတၢ်လၢယအဲၣ်ဒိးအကမၤဝဲ, တုၤလၢအကတၢၢ်တစုန့ၣ်,

လံာ်လီၣ်ဖျါ 2:7

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်. ပှၤလၢအဒိးန့ၢ်တၢ်မၤနၢၤတဖၣ်န့ၣ်, ယကဟ့ၣ်အီၤလၢတၢ်အခွဲး အယာ်လၢအကအီၣ်သ့ၣ်မူလၢအမဲထီၣ်ဝဲဒၣ်ဖဲကစၢ်ယွၤ အတၤသၣ်လီၢ်န့ၣ်အသၣ်လီၤ.”

လံာ်လီၣ်ဖျါ 20:4

အန့ၣ်ဝံၤဒီးယထံၣ်လီၢ်ပစိာ်တဖၣ်, ဒီးပှၤတဖၣ်လၢအဆ့ၣ်နီၤလၢ အလိၤန့ၣ်ဘၣ်တၢ်ဟ့ၣ်အီၤတၢ်စိကမီၤလၢအကစံၣ်ညီၣ်တၢ် လီၤ. ယထံၣ်ဘၣ်စ့ၢ်ကီးယဲပှၤအသးသမူတဖၣ်လၢအဘၣ် တၢ်မၤသံတ့ၢ်အီၤလၢအအုၣ်အသးလၢယ့ၣ်ၡူးအဂ့ၢ်ဒီး စံၣ်တဲၤတဲလီၤကစၢ်ယွၤအကလုၢ်ကထါတဖၣ်အဃိ န့ၣ်လီၤ. အဝဲသ့ၣ်တဘါထီၣ်တ့ၢ်တၢ်ဒူတၢ်ဃိၤတဒု န့ၣ်မ့ၢ်ဂ့ၤ, အက့ၢ်အဂီၤမ့ၢ်ဂ့ၤန့ၣ်ဘၣ်. ဒ်န့ၣ်အသိး, အဝဲသ့ၣ်တဒိးန့ၢ်တၢ်ဒူတၢ်ဃိၤတဒုန့ၣ်အတၢ်ပနီၣ် လၢအဝဲသ့ၣ်အခိၣ်တိသၣ်အလိၤမ့ၢ်ဂ့ၤ, လၢအစု လိၤမ့ၢ်ဂ့ၤန့ၣ်ဘၣ်. အဝဲသ့ၣ်ဂဲၤဆၢထၢၣ်သမူထီၣ်က့ၤ, ဒီးပၢတၢ်ဒ်စီၤပၤတဖၣ်အသိးတပူၤဃီဒီးခရံာ်လၢအနံၣ် တကထိအတီၢ်ပူၤလီၤ.

လံာ်လီၣ်ဖျါ 3:12

ပှၤလၢအမၤနၢၤတၢ်န့ၣ်, ယကဒုးကဲအီၤဟံၣ်ထူၣ်တထူၣ်လၢယကစၢ်ယွၤအတၢ်လုၢ်ဟံၣ် အပူၤ, ဒီးအဝဲဒၣ်တဟးထီၣ်လၢအပူၤနီတစုဘၣ်လီၤ. လၢအဝဲဒၣ်အလိၤန့ၣ်ယကကွဲးလီၤယကစၢ်ယွၤအမံၤ, ဒီး ယကစၢ်ယွၤအဝ့ၢ်အမံၤ, ဝ့ၢ်ယရူၤၡလ့ၣ်အသီတဖျၢၣ်လၢ အကဟဲလီၤလၢမူခိၣ်လၢယကစၢ်ယွၤအအိၣ်န့ၣ်လီၤ. ယကကွဲးလီၤစ့ၢ်ကီးယမံၤအသီတဖျၢၣ်လၢအဝဲဒၣ်အလိၤန့ၣ်လီၤ.

လံာ်လီၣ်ဖျါ 3:21

ပှၤလၢအဒိးန့ၢ်ဘၣ်တၢ်မၤနၢၤတဖၣ်န့ၣ်, ယကဟ့ၣ်အီၤတၢ်ခွဲးတၢ်ယာ်လၢအကဆ့ၣ်နီၤလၢယကပၤလၢ ယလီၢ်ပစိာ်အလိၤ, ဒ်ယမၤနၢၤတ့ၢ်လံတၢ်ဒီးဆ့ၣ်နီၤဘၣ်ယဲခဲ ကနံၣ်အံၤ, လၢယပၢ်အကပၤ, လၢအဝဲဒၣ်အလီၢ်ပစိာ်အလိၤ အသိးန့ၣ်လီၤ.

လံာ်လီၣ်ဖျါ 3:5

ပှၤလၢအမၤနၢၤတၢ်တဖၣ်န့ၣ်ကဘၣ်တၢ်ဒုးကူဒုးသိးအီၤဒ်အံၤ အသိးလၢတၢ်အဝါ, ဒီးယတထုးကွံာ်အဝဲသ့ၣ်အမံၤလၢလံာ်မူ အပူၤဘၣ်. လၢယပၢ်ဒီးအမူခိၣ်ကလူးတဖၣ်အမဲာ်ညါန့ၣ်, ယကဘိးဘၣ်သ့ၣ်ညါယဲဖျါဖျါလၢအဝဲသ့ၣ်မ့ၢ်ယတၢ်န့ၣ်လီၤ.

လံာ်လီၣ်ဖျါ 6:9

အန့ၣ်ဝံၤဒီး, သိဖိအိးထီၣ်တၢ်စဲပနီၣ်ဃာ်ယဲၢ်ခါတခါလီၤ. လၢတၢ်လုၢ်လီၢ်အဖီလာ်န့ၣ်, ယထံၣ်ဘၣ်ပှၤလၢအဘၣ် တၢ်မၤသံတ့ၢ်အီၤလၢအစံၣ်တဲၤတဲလီၤကစၢ်ယွၤအကလုၢ် အကထါဒီးအသးတီဝဲလၢအတၢ်အုၣ်အသးအပူၤအဃိ တဖၣ်အသးသမူန့ၣ်လီၤ.