လံာ်လီၣ်ဖျါ 12:10 - Sgaw Karen Common Bible

¹⁰ တုၤနုၤတစုယနၢ်ဟူတၢ်ကလုၢ်ဖးဒိၣ်လၢမူခိၣ်စံးဝဲ, “ခဲကနံၣ်အံၤ, ကစၢ်ယွၤအတၢ်အုၣ်က့ၤခီၣ်က့ၤဟဲတုၤဝဲလံ. ခဲကနံၣ်အံၤ, ကစၢ်ယွၤပာ်ဖျါလံအတၢ်စိတၢ်ကမီၤဒ်စီၤပၤတဂၤ အသိးလံ. ခဲကနံၣ်အံၤ, အဝဲဒၣ်အခရံာ်အတၢ်ပၢတၢ်ပြးစးထီၣ်လံ. အဂ့ၢ်ဒ်အံၤ, ပှၤလၢအဆၢထၢၣ်လၢပကစၢ်ယွၤအမဲာ်ညါဒီးပာ်တၢ်ကမၣ်လၢ ပဒီပုၢ်ဝဲၢ်တဖၣ်အလိၤ, မုၢ်ဆါဆါမုၢ်နၤနၤတဂၤန့ၣ်, ဘၣ်တၢ်တ့ၢ်လီၤကွံာ်အီၤလၢမူခိၣ်လံ.

လံာ်လီၣ်ဖျါ 12:10 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 29:11

နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

လံာ်စီၤယိၤဘး 1:11

မ့မ့ၢ်ယူာ်ထီၣ်နစုခဲအံၤဒီးဟံးထီၣ်ကွံာ်ကယဲၢ်တၢ်လၢအအိၣ် ဒီးအီၤခဲလၢာ်တက့ၢ်. ဒီးအဝဲဒၣ်ကဆိၣ်အၢနၤလၢနမဲာ် သၣ်န့ၣ်လီၤ.

လံာ်စီၤယိၤဘး 1:9

ဒီးမုၣ်ကီၤလံၢ်စံးဆၢယွၤဒီးစံး, “တၢ်ဘၣ်ဘျုးဘၣ်ဖှိၣ် အလီၢ်မ့ၢ်တအိၣ်ဘၣ်ဒီးစီၤယိၤဘးကဘူၣ်ထီၣ်ဘါထီၣ်ယွၤစ့ၢ်ကီး ဧါ.”

လံာ်စီၤယိၤဘး 2:5

ဘၣ်ဆၣ်ဒီးယူာ်ထီၣ်နစုခဲအံၤဒီးထိးဘၣ်အဃံဒီးအညၣ်တက့ၢ်. ဒီးကဆိၣ်အၢမးနၤလၢနမဲာ်သၣ်န့ၣ်လီၤ.”

စံးထီၣ်ပတြၢၤ 22:28

ယွၤမ့ၢ်စီၤပၤ ဒီးပၢပှၤကိးကလုာ်ဒဲးန့ၣ်လီၤ.

စံးထီၣ်ပတြၢၤ 45:6

ဘီမုၢ်လၢကစၢ်ယွၤဟ့ၣ်တ့ၢ်နၤအံၤ ကအိၣ်ဝဲအစိၤစိၤအဃၣ်ဃၣ်န့ၣ်လီၤ. နပၢနပှၤဂီၢ်မုၢ်လၢတၢ်တီတၢ်လိၤအပူၤ,

လံာ်ဒၤနံးယ့လး 2:44

လၢစီၤပၤတဖၣ်အမုၢ်နံၤအပူၤန့ၣ်ကစၢ်ယွၤလၢမူခိၣ်ကသူၣ်ထီၣ် ဘီမုၢ်တဘ့ၣ်လၢအကတၢၢ်တအိၣ်ဘၣ်လီၤ. ဘီမုၢ်န့ၣ်ဘၣ်တၢ်မၤနၢၤကွံာ်အီၤတန့ၢ်ဘၣ်. မ့မ့ၢ်ကမၤဟးဂီၤကွံာ်ဘီမုၢ်တဖၣ်လၢာ် လၢာ်ဆ့ဆ့ဒီးကအိၣ်ဂၢၢ်ကျၢၤဝဲလီၤထူလီၤယိာ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မးသဲ 6:10

နဘီနမုၢ်န့ၣ်မ်အဟဲတက့ၢ်. မ်တၢ်ဘၣ်နသးန့ၣ်, ဘၣ်တၢ်မၤအီၤလၢဟီၣ်ခိၣ်ချၢ ဒ်အဘၣ်တၢ်မၤအီၤလၢမူခိၣ်အသိးန့ၣ်တက့ၢ်.

လံာ်လူၤကၣ် 11:2

ယ့ၣ်ၡူးစံးဘၣ်အဝဲသ့ၣ်, “သုကဘၣ်ဃ့ဘါထုကဖၣ်တၢ်ဒ်အံၤအသိးလီၤ. ပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်. မ်နဘီနမုၢ်ဟဲတက့ၢ်.

လံာ်လူၤကၣ် 22:31

စီၤၡံမိၣ်ဧၢ, စီၤၡံမိၣ်ဧၢ, ဒိကနၣ်တက့ၢ်. မုၣ်ကီၤလံၢ်ဒိးန့ၢ်လံတၢ်ပျဲလၢအကမၤကွၢ်သုဝဲကိးဂၤဒဲး, လၢအကနီၤဖးတၢ်ဂ့ၤဒီးတၢ်အၢ, ဒ်ပှၤထူစံာ်ဖိတဂၤဂုၤဘုအသိးန့ၣ်လီၤ.

၂ ကရံၣ်သူး 12:9

ဘၣ်ဆၣ်ဒီးအဝဲအတၢ်စံးဆၢမ့ၢ်ဝဲ, “ယဘျုးယဖှိၣ်လၢလံလၢ နဂီၢ်လံ. အဂ့ၢ်ဒ်အံၤ, ယတၢ်စိတၢ်ကမီၤအသဟီၣ်ဆူၣ်ဒိၣ်ကတၢၢ်ဖဲနဂံၢ်နဘါစၢ်နဲန့ၣ် လီၤ.” မ့မ့ၢ်ဒ်န့ၣ်ဒီးယသးခုအဒိၣ်ကတၢၢ်လၢယကပာ်ကဖၢလၢ ယသးလၢယတၢ်ဂံၢ်စၢ်ဘါစၢ်တဖၣ်, ဒ်သိးယကကလၢၢ်ဘၣ်ခရံာ် အတၢ်စိကမီၤအတၢ်ကဟုကယာ်ယၤအဂီၢ်န့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 2:26

ပှၤတဖၣ်လၢအမၤနၢၤတၢ်ဒီးမၤတၢ်လၢယအဲၣ်ဒိးအကမၤဝဲ, တုၤလၢအကတၢၢ်တစုန့ၣ်,

လံာ်လီၣ်ဖျါ 7:10

အဝဲသ့ၣ်ကိးထီၣ်လၢအကလုၢ်ဖးဒိၣ်, “တၢ်အုၣ်က့ၤခီၣ်က့ၤ ဟဲလၢပကစၢ်ယွၤ, လၢအဆ့ၣ်နီၤလၢလီၢ်ပစိာ်အလိၤ, ဒီးလၢသိဖိတဒုန့ၣ်အအိၣ်လီၤ.”